中三那年忘不了的三個月: 35

如是者，我就訓到第二朝，但唔知點解我唔洗鬧鐘都起到身，可能我想睇下本莉有冇事。我梳洗完之後，就行左出廳。阿泰見到我，就講﹕「喂孖撚，你尋日咁早訓，本莉黎搵過你喎。」 

我聽到之後我即刻沖左過去阿泰個到，好大力捉實佢個肩頭，問佢﹕「做乜撚野唔叫醒我!!!!!」 

阿泰比我呢加特如其來既動作嚇左嚇，之後講﹕「屌，咁你自己話你唔舒服，我又見到你訓到成隻死狗咁，咪同本莉講你訓左，之後佢就同我講左聲唔好意思，就走左。」 

我就如熱鍋上的螞蟻，我恨不得沖過去本莉間房到搵佢。因為佢搵得我姐係有緊要事，我換好衫先之後，就出左去敲本莉間房門。 

我原來諗住開門既係本莉，隔左一陣，發門既又係零姐，零姐就問﹕「咩事呀，晨早就敲人地門口!」 





對住零姐呢啲港女，我就低聲下氣咁講﹕「我係想黎搵本莉，因為尋晚我訓著左，所以我想搵返本莉問返佢咩事。」 

「佢呢加唔係到啵，佢應該落左去食早餐。」零姐一副懶懶閒既樣子。 

「唔該哂你零姐!!」說罷我就沖過去升降機到，焦急地等升降機徐徐上升。 我第一時間沖到落去酒店餐廳位置，我係外面既櫥窗望入去，見到本莉自己一個食緊早餐。 

我既心情又十分矛盾，我想到底我究竟入唔入去同本莉傾返尋晚既事，但又廢事大家見到又尷尬。 

正當我想走轉身走，我見到本莉係到對住我揮手，咁我又冇理由扮睇唔到，咁我就行左入餐廳坐左係佢對面。 





我地大家都冇出聲，但係我見佢心情幾好，所以我就同侍應叫左個早餐。 

我用硬朗既聲線同本莉講﹕「早晨...本莉。」 

本莉亦同樣講左句：「早晨孖撚。」 

然而大家都沒出到聲，咁我就為免呢種尷尬繼續出現，我就用零姐黎開話題﹕「點解又唔見零姐既，佢唔係應該同你一齊咩?」 

「唉，佢話無胃口食，所以得我一個落左黎食。」本莉沒精打采地回答我。 





「喔....原來係咁。」之後我懶得再拖，就接著問﹕「阿泰話你尋晚搵過我黎，到底咩事?」 

本莉臉上突然露出一絲既驚異，可能佢估唔到阿泰會同我講。佢呆左呆，之後答我﹕「冇..冇事呀，原本我有啲野諗唔通，本身諗住搵你傾傾，但係阿泰話你訓左。咁所以我就同零姐傾，呢加無事了。」 

我用一臉疑惑既表情望住本莉，講﹕「係唔係家，唔好呃我啵!!」 

「係冇野呢，你放心啦，我呢加不知幾開心，哼!!」說罷，佢擺出一副鬼臉對住我。 

見到本莉咁樣，我已經放心哂。我從心底真心希望本莉可以永永遠遠都咁快樂，保持美好既笑容。 

話咁快我既早餐就到了，我準備開始食個陣，本莉已經食完，佢笑住口同我講﹕「乜你咁慢家，唔等你啦。」說罷佢就準備起身走。 

我就即刻講﹕「你唔係呀，咁樣扔低朋友，咁冇義氣家。」 

本莉聽到我講呢句，面色沉左沉，對住我講﹕「朋友..!?哈哈，朋友..!?」佢不斷自己同自己講野。我發覺自己好似講錯野。 





她接著說﹕「係囉，朋友應該陪埋你食早餐既，嘿嘿!!」佢臉上露出可愛既笑容。幸好我唔係講錯野，如果唔係我都唔知點樣補鑊。 

我全程就一邊食早餐，一邊同本莉講下之前3日係台灣發日既有趣事。我同本莉全程有講有笑，我見到佢笑成笑牙唔見眼，我真係好開心，因為本莉既快樂，便是我的快樂，但係我又細膽，唔夠去追人。 

有句野講得好岩，人生最痛苦既事，並不是不能和你相戀，而是我站在你面前，你卻不知道我愛你。 

我一路望住本莉，個心就一路UP住UP住，我好怕有一日會失去本莉，不論是戀人關係，或是朋友關係....... 

「喂，你食快啲啦，夠鐘去集隊啦，你望下隻錶!」本莉指向餐廳個鐘，提示食得慢既我。 

我聽到本莉咁講，我就好快將早餐食哂，本莉見到我狼吞虎嚥咁，就講﹕「咦，乜你食得咁核突家!!」 

「係家啦，唔滿意呀，唔好同我坐囉。」我架上驕傲既姿態同本莉講。 





「你!!!!」佢好似細路囡扮哂嬲咁同我講。