中三那年忘不了的三個月: 13

不過連肥陳同阿泰都唔同我同組，我真係心都灰哂。之後周SIR講﹕「好，大家都準備好哂既話，就要上旅遊巴了。」 

我發現呢次既台灣之旅，就好比地獄之旅，又冇得同老死一齊，又冇得同女神一組，人生最痛苦就莫過於此。 

不過既然交左錢，點都要去家，當去睇下台灣文化都好。 

咁上到旅遊巴士，幸好都有得同肥陳阿泰一齊坐。之後我地就一路吹水，直到去到香港機場。 

一落車，就見到女神企在係一旁烏低身綁身帶，佢身穿一件白色既T恤，再配上一條米灰色既長褲，由其是佢個件T恤，細心留意既話真係可以用"若隱若現"來形容。 





周SIR﹕「各位同學，請留意，呢加就係7:05分，咁我地呢加就會幫大家辦入機手續，咁大家有15分鐘去廁所，之後我就會幫大家入機，大家就唔去周圍亂走。」 

如是者，就咁樣就過左15分鐘，因為唔同組既關係，所以冇機會望到女神。而我個組負責既老師就係我地班主任MISS郭，但佢成日化裝化到成隻鬼咁，所以我有問題都唔係幾想搵佢。 

「各位同學，唔該請過哂黎。咁我地就同機場個邊傾好左，呢到就有機票，等陣間你地會有需要用到，呀，仲有，你地有帶行李箱既就去拎寄倉申請，而你地既貴重物品就跟身。講就係咁多，呢加派完機票就可以解散。」周sir手中拿著一疊機票講。 

說罷，不消一會兒就由MISS郭手中取得機票，相信大家第一時間緊係睇自己咩座位啦———73C，咁我緊係即刻過去隔離組睇下肥陳同阿泰既座位———34D同34E。 

之後阿泰即刻講﹕「嘩哈哈，你睇下你柒到，自己一個去做毒撚啦。」 阿泰把口真係永遠都咁臭。 





我二話不說，dup低頭返自己組，之後睇見自己組員都係30~50左右既位置，唔通連個天都唔鐘意我?點解個天要咁樣玩鳩我!!!!! 

周sir講﹕「上機既時間到了，睇好自己既財物。」 

如是者，我拎住我既99%濃度朱古力就上機。 

上到機後，我就見到女神坐係23e既位置，佢見到我之後唔知點解好和善笑左一下，之後我停低左同佢四目交投，我估唔到女神會對住我笑。 

之後我聽到我身後有個阿叔講﹕「喂，細路，唔係阻住條路好啵，快行啦。」女神見到我咁樣又好開心笑左一下。之後我一邊行，一邊望住女神對我揮手，真係sweet到爆。見到女神咁樣鼓勵自己，坐73c又有咩所謂。 








不過講就咁講，做起上黎真係有點驚。我行到去73c個時，我見到73a同b都係冇人坐，我成個人鬆左一口氣。之後我坐低左，正想我拎出個99%朱古力出黎享受個時，我見到有個同我差唔多歲數既女仔企左係我側邊。 

佢個樣真係同女神同一級別，不過唯一既分別就係佢係短髮(呢加我鐘意短髮多過長髮好多)。佢烏低身，連個打底衫我都得一清二楚，之後佢輕輕聲問我﹕「請問你左邊既坐位係唔係73b呀?」 

我比佢清純脫俗個樣深深吸引住， 

「喂，喂，你做乜唔答我姐!」 

「喔....唔好意思，一時唔留神，係呀，我左邊係73b，你係唔係坐呢到。」 

「係呀係呀。」 





因為條路有點窄，所以都幾難逼到入去。之後我企左起身讓左條路比佢行，我發現佢既身高同我差不多，我真係有少少感到自卑。