中三那年忘不了的三個月: 12

99%濃度的明治朱古力在我口腔中左右回蕩，那種感覺真的只有真正對朱古力有愛的人，才會有這樣的想法。 

係到我可以夠膽講句，食朱古力，唔係食99%濃度既，根本同食糖冇分別。 

但係肥陳望到我好似高潮既眼神，臉上帶點詫異，不過我知道肥陳唔識品嚐呢種只應天上有既美食，我為佢既眼光感到可憐。 

去學校既路，其實再行多2分鐘就到，但係呢塊朱古力後，對時間既觀念彷彿抽離左，我就好似去左一個得返我既世界。 

算啦，我講太多關於99%朱古力既野，我唔多講，因為呢種感覺，真係要你本人食過先知。 





咁我同肥陳拖住行李箱黎到學校既保安亭到，可能夜闌人靜，離遠個保安聽到我地既轆聲，就開定門比我地。 

我同肥陳係保安亭都不約而同地抬頭望向漆黑既校園，我成日都係到諗，如果比你夜晚自己一個訓係班房到，你係唔係淆到仆街?不過我地見到帶隊的周SIR企左係1樓的走廊到，同我地揮手，仲叫我地去雨天操場等人齊。 

咁我同肥陳穿過左保安亭，繼續往雨天操場既方向走。但差唔多走到個時，發現雨天操場一個人都冇，原來我同肥陳係最早返到學校。 

「唉，早知訓多陣先出黎啦，原來啲人咁遲先出黎。真係蠢左。」肥陳坐住係行李箱，拍打自己個頭。 

我望住肥陳既動作，不禁笑左出黎，因為佢好似事後煙個啲事主咁，真係好滑稽。 我望一望手錶，呢加都係4點15分，仲有成15鐘。 





之後我就學肥陳，將行李箱靠牆坐上去，決定小休一陣。 

「喂....喂.....孖撚起身集隊啦!!」阿泰一邊輕輕拍打我塊臉，一邊叫醒我。 

我伸一伸懶腰，打左個呵欠，之後望向阿泰講﹕「呢加咩環境?」 

「MISS郭叫我叫你起身集隊呀，要點名。」 

「喔....喔.....原來係咁。」 





我望向我班既同學，第一時間緊係望向女神，我見到女神笑笑口咁望住我，我諗今次係我地第3次既四目交投，佢仲揮揮手示意我快啲黎排隊。我就做出OK既手勢，之後就走去排隊。我真係好鐘意佢笑，我覺得佢既笑容能夠治癒我一切的痛苦。 

「好，孖子撚都到左。周SIR，呢加可以開始講解了。」MISS郭講。 

「嗯，好，大家都安靜聽我講先，呢加旅遊巴士都到左。請大家都交出你地既PASSPORT同埋簽證，因為等陣機場過關個時，我地會一次過去檢查，免得有同學唔小心唔見左簽證之類既野。」 

說罷，我地都將證件交上去，之後見老師將同學既證件用交件袋裝埋一疊。 

之後周sir就講﹕「好，呢加就係大家期待己久既分組結果。今次我地既團就分7組，每組就大約9個人左右，每組都會有一位老師帶隊，咁以後有咩事，就可以直接搵你帶隊老師。」 

(其實分組名單我早就唔記得，但係劇情入面既主要人物我都記得，往後我會慢慢打埋出黎) 

我睇完周sir講既分組名單後，我心都灰哂，我竟然唔係同女神同組，真係連上帝都唔比呢次機會我。 

「咁大家都唔洗咁興奮，我仲有分房名單未講，不過呢，去到台灣先啦。」 





呢個周SIR真係好鐘意賣關子，同學們聽完佢咁講之後即刻喝倒彩。不過我聽完之後，我反而覺得有一絲機會，因為我仲有機會同女神同房 。