中三那年忘不了的三個月: 5

可惜女神離我坐好遠，所以冇機會同佢傾計，睇黎都係溝女呢家野都係凍過水。 

「好，呢加就點哂名啦，所以同學都到齊，咁第一時間緊係進行下班會事務啦。」 

MISS郭繼續講﹕「不如我地請三位新同學出黎自己介紹一下先?大家話好唔好?」 

我同肥陳，阿泰三個第一時間聽到就即刻愁眉蹙額，心諗﹕「唔係咁大整估呀....」 

話哂我地三個之中，最有急智係阿泰，佢即刻講﹕「MISS，我地冇準備過，恐怕........」 





「唔洗驚啵，介紹下自己姐，比同學認識下你地姐。呀，不如阿泰你出黎講先啦，好唔好?」 

之後全班一遍熱烈既掌聲，令到阿泰冇辦法去拒絕。 

我同肥陳見到阿泰既背影，心情都十分凝重。阿泰企在係白板前面，面對住全班同學，佢吞左啖口水，就講﹕ 

「唔................咁我呢.......就叫李文泰.......人人都叫我做阿泰..........今年就16歲.......咁就..........咁.........係咁多啦。」 

講完呢句阿泰望住MISS郭，但MISS郭擺出一副不滿意的樣子，彷似叫阿泰講多D。 





「嗯................嗯...................嗯................我呢就屋企有個阿哥啦，有阿媽，有阿爸啦，我就讀3A班。嗯............................係咁多啦。」 

MISS郭聽完雖然都係一副不滿意的樣子，但係都講﹕「算啦算啦，唔難為你地啦，你返埋位坐啦。」 

阿泰頭dup dup就返左埋位坐。 

MISS郭就繼續講﹕「不如我地換個方式認識對方啦，我地將D枱放埋側邊，將D凳分兩排一字排開，男仔坐一邊，女仔坐一邊。」 

說罷，我地都聽MISS郭既吩咐，將枱放埋側邊，將凳分兩排排開完後，大家都跟足吩咐，男坐一邊，女坐一邊。 





正好，女神坐我對面，我可以好清楚望到女神可愛的樣子。而肥陳同阿泰當然坐左係我旁邊啦 

「好，大家都坐好，咁接下來要點做呢?首先，大家都要起身講自己英文名一次，大家講完一次之後，就由你對面的同學一組，之後起身叫對方既英文名，大家有冇問題??」 

「嗯，冇問題既話就由女同學起身講自己既英文名先啦。」