中三那年忘不了的三個月: 4

「燈燈燈燈....燈燈燈燈....」代表遲到的鐘聲已經響起，我亦十分擔心女神點解遲遲仲未黎，而生面口既同學已經坐返埋位靜候班主任的來臨。 

在鐘聲最後一秒，電光火石之間，有一間化裝化到成隻鬼咁既MISS(身高同我差不多，不過MISS既樣子不重要，所以不詳寫)入左黎﹕ 

「各位同學請起立。」繼而，MISS係白板用MARK PEN寫左幾隻大字——「郭淑琴」，繼續說﹕「呢年我係大家既班主任，亦都同時任教你地英文科既老師，你地叫我MISS 郭就得啦。」 

「Good morning class!」 

「Good morning Miss Kwok!」 





「Please sit down.」 

「好，咁呢加我地就點名先，其實呢到大部人我都識，但我聽講今年有3位新同學，可唔可以舉手比我睇下你地係邊??」 

我同肥陳，阿泰舉手示意比MISS睇。MISS郭﹕「嗯，好，放低手。」 

「咁我想問下邊個係孖子撚??」 我舉手示意比MISS睇。 「嗯，好，可以放低手。」 

「咁邊個係陳曉東呢?」 肥陳同樣舉手示意。 「嗯，好，都可以放低手。」 





「咁最後皮膚黑黑地個位一定係張文泰啦!」 阿泰講﹕「係呀MISS，叫我阿泰就得啦。」 

「嗯，好，差唔多點哂名，咦，差呀黃本莉啵，有冇人知佢係邊呀?」 

突然門外傳來「咚咚咚」既敲門聲，MISS示意可以入黎，驟眼一看，原來就係我女神黃本莉。 
佢清純既臉上泛起一陣淡紅，那櫻桃小嘴亦不例外，水汪汪而又動人的眼睛，微微伏起的鼻尖，而且還留有一束長長的馬尾頭，前陰是可愛的73梳法，身高比我矮一個頭，身材亦沒有很好，白白的皮膚，瘦小的身型，真係令我目不轉晴去望住佢。呢一刻，時間彷彿停止了。 

「做乜事咁遲呀本莉?有冇原因?冇原因我就要填你遲到啵。」 

「MISS郭，我岩岩幫VA室完成埋個設計，所以遲左上黎，我其實7點幾已經返到學校，只係一直留左係VA房到。」 





「喔，原來係咁，咁你快點搵個位坐低啦。」 

「嗯」 

女神就連嗯一聲都咁動聽，真係迷死人。