《奇怪的開始，經過，結局》: 分手
溫完econ+m2之後都差唔多兩點。
本來我想臨瞓前check下facebook，IG果D野啦。
但係過左五分鐘我仍然好迷茫錦望住個手機。
點解? 陳嘉冰最新update，半個鐘頭前..
“點解...我為你放棄一切，但你卻放棄我...分手快樂，韓義峰。"
韓義峰即是果個師兄，男朋友...前度男朋友...
奇怪...早幾日先見到好快樂既生活照...
宜家就散佐...
講真，其實可能有D人會話大好時機，趁宜家追翻佢咪得囉
但係我無呢個心...
就係一種唔知點形容既感覺...你好鍾意佢，但經過分手同時間既沖淡，你已經無勇氣或能力再去追求..
.
或者唔應該用勇氣或能力呢D詞語去追...而系太痛，唔想再受到心如刀絞既痛苦...
而最後，就算心有不甘，後悔點解唔踏出第一步，嘗試過好過無...都只可以默默苦笑，不發一語，接受。
可能我會係話系一個懦夫，廢物。
我知...
最後，系Endless Tears既陪伴下，默默看著漆黑既深夜，只有半月獨自一個掛在天空。
---
我無同阿Wing一齊食早餐，去佐M記同Gary一齊食昆水早餐。
當我俾佐段文佢睇之後，佢好耐都無出聲。
當我地準備行去學校，佢終於開口。
『Wind...總之小心D啦...我唔想你做第二個劉馬車。』
畢竟系兄弟，唔需要講廢話就可以將心意傳達。當然我明白言下之意系咩啦，只不過當然要回應翻
『記住帶套。』
我地兩個一望住對方就無啦啦大笑，周圍D人仲要好奇怪錦望住我地。
世界上都要有一個知己，我捻我既就係Gary啦。
入到課室，Yuki第一堂竟然遲佐差唔多成半個鐘頭先入來，好彩Miss Ko笑一笑就話唔好有下次啦。
由於第一，二堂都係M1, M2，都係Miss Ko教，所以就直接上埋。
係呢度先做個解釋，我地呢個學校中四揀科，就調一次班。中五因中四既期末考再調班，而中六因中五既成績再調班。
總之我地學校好撚鍾意調班。
而一路上堂我覺得Yuki真係想殺我囉...
其實我到呢一刻都唔知自己做錯咩...
挨到小息，真係忍唔住抖抖。
無飲咖啡挨夜既我就係錦頹。
何，揚Sir分別教完中文同埋econ之後，已經到lunch。
好幸運錦，呢兩科都係我拿手科目，而且好聽D叫老師鍾意我，難聽D叫擦鞋仔，基本上瞓佐兩個鐘頭就到lunch。
講真，其實我唯一同最擔心既科目只係數學...
數學底錦差仲讀m2真係好撚白痴..
為佐Gary呢條仆街無啦啦讀佐m2同econ...
雖然錦講，不過econ我都覺得幾易上手...只不過...
屌數學。一句講曬。
唉算啦，拿到5**系英文同中文就得啦。
其實英文有信心，中文就5*囉。
但屌...m2真係好撚白痴。
而如果要入HKU就至少要4...
算啦，仲有兩年追...
仲未捻定今日食咩添...
『喂! Wind?』
『啊啊，做咩啊Yuki?』
捻得太入神添...
『今日真係要同我食lunch! 同埋我要解釋!』
『...解釋咩?』
講D唔講D...
『總之搵間野食先啦!』
結果行到又一城間food court，佢食韓國唔知咩米線，我食M記。
『好啦，李展風。解釋!』
『...問題係我要解釋D咩先...』
『你條女囉! 咩咩陳嘉冰!』
屌...好講唔講原來峰迴路轉都係講翻佢...
結果講完成個古仔之後，佢就好眼濕濕望住我。
『阿Wind...對唔住，令你捻翻起呢D衰野...』
仲要拿住張紙巾抹走眼淚...
會唔會有少少誇張啊...
『以前既野，算啦。既然我宜家解釋佐俾你聽，你都俾翻個解釋我啦。』
佢即刻面紅
『咩...咩解釋啊?』
『點解我一話我曾經有女朋友就反應大到要收線囉。』
其實我只係玩下....但係見到佢面更加紅，我就心捻：仆街...
『你識咩啊! 我翻學校先啦!』
佢又嬲咩啊...
結果望完佢轉彎，阿Wing就無啦啦出現系我面前。
『果個就係咩咩新同學，Yuki啊? 都唔明阿哥你鍾意佢D咩。』
阿Wing有個好...唔知點形容既表情系面度。
『喂，你又會系呢度既?』
『緊系啦! 今朝仲要自己一個跑去M記食早餐，宜家又食，食死你啊! 結果我問Gary先知你跑去邊!』
Gary我尋晚唔記得屌你...今晚就補翻尋晚果條數....
『所以今晚咪食D好野囉...你好唔鍾意Yuki咩?』
『錦阿哥你好鍾意Yuki咩? 係咪情侶關係果種鍾意啊?』
阿Wing...真係嬲。嬲，同傷心
佢果種睇落似笑，其實系喊。
唔願意望住我對眼來講野，嬲。
見到呢一幕，苦笑就走去攬住佢。
呢個傻妹，應承佐既事錦快就唔記得。
『阿Wing...我真係唔知你嬲咩...但係宜家我同Yuki只係朋友。』
『對，對唔住啊，阿哥...我...唔知...』
『行啦，傻妹。』
阿Wing就翹住我既右臂行。
一路行，見到Yuki係下一個街口...
仆.街.
等等，理應我其實無野擔心啊...
無你個頭!
都唔知兩個係咪之前識，搞到阿Wing錦唔鍾意佢....
Yuki見到我地兩個，面即刻有個僵硬既笑容...
『Wind...呢個系...冰冰?』
『我係佢阿妹，Wing。』
阿Wing好冷淡錦回應佢...
但係Yuki既笑容即刻變翻開朗
『哦阿妹咋話...唔係! 我既意思系你就係佢阿妹!? Hi，我叫Yuki!』
阿妹咋話即是咩意思啊...
『你好。阿哥，你陪呢個Yuki翻學校啦。拜。』
跟住頭都無轉翻一次就走佐...
『Sorry...佢來M，心情唔係幾好，你都知架啦...』
我鬼知係咪真係來M咩...搵個藉口頂住先...
『哦，唔緊要啦。我啱啱自己都反應大佐，錦就丟低你自己走佐，sorry~sorry~』
你錦講係好...但係你好明顯忍緊笑囉...
『你笑得出來即是無野啦，錦行啦。』
翻到學校，登~登~登~登~
第五堂...就是條粉...陳Sir教。
如果我暑假無操練英文，我捻我真係死得啦...
入唔到港大真係唯你是問。
交上一大堆白痴操練題目後，陳Sir竟然學乖佐，唔再毛手毛腳。
但係宣布佐一件好撚...唔知好定唔好即事：
由於我地宜家中五統計英文質素太低，因此所有中五每個禮拜四都會系禮堂，進行學生1-1補習。
言下之意即是由勁人tutor班廢人，老師翹埋對手打飛機錦樣。
問題系...我既partner....系校花...
事先聲明，我當然系勁人啦，換言之...校花...杜文萱系一個廢人。
錦講又唔係幾好既...佢中文貌似系5**等級...英文就唔好講啦...
當老師宣布完partner之後，又有人想用眼神殺死我。
都唔知係咪行狗屎運...
而當終於落堂，Yuki就係我面前。
『喂，我地一齊去行下好唔好啊?』
『吓...』
『吓即是好啦，錦我地行啦!』
似曾相識既情況再次出現...
Yuki拖住我個手，一路行又一城，面上既笑容好甜，feel到周圍D人葡萄緊。
『嘩，你睇下! 好靚啊呢件衫』
果件冷衫系海藍色，雖然我除此之外都欣賞唔到D咩，但係Yuki笑得好開心你，拖住我window-shopping。
但係Yuki佢...
太過友善...太容易笑啦...
你根本唔屬於系呢個冷酷無情既社會...再過多十年，你究竟會變成點樣呢...
定係只係我自己捻多佐，其實系一個青春既校園，可以開心過，而唔係猜疑每一個人既心先啱。
---
大概五點，Yuki就坐係賤熊隔離，食緊Häagen-Daz三球雪糕
仲要我俾錢...
『嗯~好好食啊～』
你就緊系覺得好食啦...
『話說點解今日你會遲到既?』
『你仲好講! 我係地鐵站等你等到八點，跟住就自己問路都唔知去佐邊，結果咪要搭的士過來囉!』
...What?
『等等，點解要等我先...你唔係記唔到點來學校啊嘛...』
『...哼!』
望住Yuki個表情，真係笑佐。
『下次用google maps咪得囉，聽日唔好遲啦。』
『唔得唔得! 以後你要過來接我先得!』
『...咪講笑啦大佬...』
『你唔過來接我我就...就...』
忍笑，忍笑...
『就咩啊?』
『妖，唔理你啦!』
『你個人真係好笑。』
正當Yuki想拍我個頭，我就見到佢身後面既人。
好熟悉，好陌生既聲音響起。
『Wind...』
佢對眼好紅。佢仍然好似苟芸慧，雪白既肌膚，神秘既笑容。
Yuki都好迷惑錦停手，望住佢。
『Wind，呢個系?』
但係我無答佢。
佢宜家既面容，同我當年中三暑假一樣錦疲憊，錦沉痛。
『冰冰。』