《奇怪的開始，經過，結局》: 咩事先，冷靜D，又關我咩事啊...

我呢一刻，講唔出野。

原來...原來...

Nicole一早就住隔離。

又會有D錦既事...我竟然注意唔到既。

可能唔記得佐掛....





阿Wing幫我打完場跟住就好冷眼錦望著我。

『阿哥...你唔係唔知啊化...』

我都只可以好無奈錦望翻阿妹。

『我...真係唔知囉...』

阿Wing只係翻白眼錦入翻去佢間房





『請人地食野當補翻數啦。』

所以你地呢D女人既邏輯點學翻來架? 補咩數啊?

不過屋企又無野食，佢好似講過今晚餐飯要自己搞定，一齊食好過自己一個孤零零既。

『哦...你跟唔跟埋來啊? 呢個時候你都應該未食野架啦?』

『...食咩?』





明知故問...

『仙桃島囉。』

『其實阿哥，你可唔可以再悶D架...成個宅男錦既款...』

講野就真係好毒，但你對住我笑做咩啊，好恐怖囉。

錦我係啊嘛...無計，自認。只不過你理得我咩...

細妹就真係理得既...

『錦你想點啊...』

『唔洗啦唔洗啦，你地去食仙桃島得架啦~』





『佢唔去既話錦我買個包算數啦。』

換套衫，著佐件白色T-Shirt，牛仔褲，Converse人稱Con屎鞋就去隔離屋敲門。

『啊Nicole，係阿Wind啊。今晚一唔一齊食飯啊?』

Nicole唔夠五秒就好性感只係著個白T＋短到只過臀部既短褲。

冷靜，色即是空，空即是色...望到佢好撚長既腿...保持吸氣，呼氣...

佢留意到我望緊佢，先之發覺到原來著錦樣出來，塊面紅曬。

『呃，都好，只不過你等一等我先，我上去換件衫。你入來等我啦，我好快架咋。』





...呢個唔係快唔快既問題...

『ER，好似唔係錦好錦囉..我企呢度得架啦。』

『唉，男人老狗怕咩啊，我又唔會打劫你，入來啦。』

跟住就拉佐我入去系梳發坐佐。

都話佐我GET唔到你地既邏輯咯，咪玩啦。

睇下佢間屋，好明顯係經過精心既佈置。

白色既牆壁配上黑色既梳發，散發出抒情的氣氛，有個Polyphon系角落輕輕播緊貝多芬第九加多一個Yamaha鋼琴。

睇得出都佢屋企有相當既經濟能力。Polyphon都唔算平，而且系呢個時代都唔會有好多人特登去買翻個。





果台Yamaha系一年前既Model。之所以我認得出係因為暑假去佐Tom Lee打工先知。我無記錯既話果陣時就系賣大概四萬幾。

從呢兩個野來睇，可以推斷出佢屋企有一定既經濟能力，呢D唔係好難嗻...

『喂，你仲未講我地去邊度食，我唔知著咩好啊。』

『我地去樓下咋嘛...你捻佐去邊啊。』

跟住就咩都聽唔到啦。

結果佢口中既快即係差唔多三個字...

所謂既女人邏輯，系我地男人經過多年經驗先會GET到架啦。





終於出翻來，其實都無咩改變啊，只係換佐件可以出街既短褲嗻，洗唔洗三個字啊...

五分鐘都唔洗啦啊化...

只不過果條短褲都只係啱啱蓋住大脾。

佢滿面笑容，睇落都幾開心。

『我地食咩啊~』

『仙桃島。』

即刻好恐怖錦望著我...

今日搞咩嗻，錦多人想用眼神殺我...

同佢行到仙桃島，一路都好多人瞪緊我。

可能因為Nicole個樣同身材太好掛。

只不過其實我又唔係佢條仔，你想識佢咪識佢囉...

一坐低，個Waiter就眼咁咁望著Nicole，唔洗睇都知係道姦視緊阿Nicole啦。

『係呢，你點會有興致約我食飯既?』

其實我係被人逼來既...

『無，我記得你話要捻今晚餐飯，錦啱我都要解決今晚餐飯，咪一齊囉。』

『嗯，好啊。我要個冬菇腸仔飯啊，飲芒果綠茶。』

『好既，小姐。你呢?』

呢個仆街Waiter...送上一個微笑俾Nicole就用好唔耐煩既眼神望著我。

『一樣，飲珍珠奶茶。』

『好。小姐，好快就會送到來，請稍等。』

宜家D服務態度，真係呢...

『你同佢有仇咩? 』

Nicole笑瞇瞇錦望著我，臉上既酒窩都凸曬出來。

同佢有仇咪又係因為你囉...

『可能係掛。ER...今次請你食呢餐系賠罪，我真係無注意到你搬佐落隔離。』

『痴線，陪咩罪啊。我每日早出過你地同埋早翻過你地，你又唔系成日出街當然見我唔到啦。而且我係舊年暑假搬既，所以...』

阿Nicole面有少少尷尬錦講呢翻說話出來。

『哦...野飲好似到啦。』

我係有心岔開話題...雖然條仆街真係做兵都做得幾快下。

...陳嘉冰...

咪捻啦，李展風。

佢已經係過去，無必要捻翻起未放低既記憶。

系沉默既陪伴下，食完餐飯個Waiter仲要好扮野錦。

『小姐，歡迎下次再來～』

你就緊系歡迎啦，狼狗...

『你仲有無時間啊? 陪下我去公園啦。』

無啦啦夜晚行咩公園啊。

『唔啦，聽日仲要交份英文同數學。我仲未做。』

『啊仆街! 老肥陳點會set錦多份功課架，點做得曬啊。我仲要做何Sir份中文啊。』

其實點解你唔昨日做呢?

『阿Wind...你可唔可以...』

又面紅做乜鬼，只係又玩抄功課咋嘛。

『我等陣sd張相啦，自己抄啦。』

『...我係想你教我點做囉，你上我屋企教我啦...』

Nicole又不滿錦望著我，但仲面紅。

又來...

其實我同Nicole又唔係話無交情，由中一到宜家都可以算話系普通朋友，得閒咪傾陣計果種囉。

所以佢問我可唔可以教佢系一件非常合理既事。

只不過你夜晚晚上咩人屋企啊...

『錦你拿D功課過來我果邊，我盡量教你啦。』

其實我只係捻緊我主場應該唔會出咩事掛，而唔係捻緊咩鹹濕野。

講真對佢無興趣，亦都唔想話咩想識人。

只係我覺得孤男寡女仲要系個女既屋企會真係有少少過分。

起碼我果邊都話有阿Wing啊。

『嗯，好啊! 但係唔會影響你地啊嘛?』

『唔會...』

其實你一開始問我可唔可以教你已經影響佐我囉...

唔係想瞓下覺都錦難啊化...

佢話要翻屋企一陣先，等陣先再過來。

入翻屋企，果然...

呢個阿Wing....食公仔麵...

『你又食呢D錦既野啊...』

『咩又啊～我好耐都無食啦。系阿哥你出去丟低我一個唔理咋嘛...』

所以我宜家先明白到點解寵人唔係一件好事...

唉唔理啦上佐房瞓一陣先。

『唉隨便你啦。但係阿Nicole等陣過來囉。』

我正正想行入房我就聽到筷子掉落地下道。

阿Wing既表情只有震驚來形容。

『做咩啊你，唔洗食咩。』

『佢...佢過來做咩啊...』

『抄功課。』

『錦佢拿你D野來抄，聽日俾翻你咪得囉，洗唔洗過埋來抄啊。』

如果眼神可以殺人我捻我已經死左十世囉

呢個阿Wing又唔知發咩神經...

『應該錦講，佢話來學識點做，其實即係變相既抄囉。同埋你做咩嗻...又唔係我想既...』

『無野啦!』

講完又跑翻入房，又唔洗碗，又唔洗煲...

即係其實我覺得邊個想同佢系埋一齊會需要好大既耐心囉...

聽到敲門聲，Nicole就雙眼發光

『我地開始啦!』

『哦...錦你有邊題唔明啊?』

『就呢幾條囉，唔明點解法。』

『其實就係錦，你要先解開Passage入面個手法，即是....』

一路教教教，一路講講講，

原來Nicole都同我阿妹幾熟...屌那星點解我唔知既...

佢好鍾意彈鋼琴同埋睇片，最鍾意就係唔知咩劇既一句 "我只彈琴不談情。"

當初我唔係好明，但係佢話個Point系要用普通話來讀囉...

照讀翻出來，我屌急口令...

而因為阿妹都有玩過單簧管，所以會成日一齊夾音樂表演。

講到音樂啊...我腦又出現陳嘉冰...

當初中一完佐，佢話想同我一齊玩音樂。而佢系玩小提琴既，佢話想有個長笛既Partner~。

而我呢個傻仔同老豆老母講話要放棄鋼琴，轉長笛。

當然佢地當時系唔知點解啦...

結果我一考考八級，終於覺得可以同佢拍著上...就OVER佐啦。

其實我覺得愛情既力量真係好恐怖...

可以將我呢D錦既廢物一年考到八級...

可以將我呢D錦既廢物即刻處於高處或深淵。

算啦...Nicole跟住仲要問可唔可以一齊夾，我緊系話考慮下啦...

自從分左手之後，我連支長笛掂都未掂過啊...只係得閒咪系鋼琴彈《給我一個理由忘記》...

而每一次彈果陣時，我心入面每一日都有捻一捻，究竟我有無可能放低呢段感情。

有人曾經講過，要愛上一個人只需三個月，要忘記一個人卻要一生...

深呼吸...執著於以前無用架。

我已經唔係再佢既邊個。

只係單純既同學。

呢個事實已經唔由得我去改變。

Nicole見到我停曬手，好擔心我錦。

『無野啊嘛? 我係唔係講錯佐D咩啊?』

Nicole當然系唔知點解我會識吹笛啦...

『無野，無野...我地繼續啦。』

教完佢做完英文，都佢教翻我做數。

我屌你老母我舊年期末考只係拿23/50...

仆你個街我今年唔進步既話錦我死撚佐佢算啦。

『呼...終於搞掂曬啦...』

錦樣就十點半...之不過!

大佬你伸咩腰啊!

你上半身既雙峰系錦彈下～彈下～

我對眼不由自主錦望緊過去囉...

為佐保持冷靜，苦肉計..咬自己條俐。

仆街，好撚痛!

但起碼未被色誘...

『好啦，錦今日到此為止啦。聽日見啦...

保持冷靜...

『好~唔該曬你啊Wind~』

『你教我做數，打和囉。』

『好啦，錦聽日見啦～』

『聽日見。』

終於完啦...好撚累...

入房後，我屌個電話。

十幾個Missed Call會唔會有少少誇張啊。

個電話又響起，播緊土耳其進行曲。

『喂喂?』

『你條友終於肯應機啦?』

『Yuki? 做咩啊?』

『我搵下你唔得架?』

無語中...

『...錦你搵我做咩先?』

『無啊，同你傾下計都得掛。琴日我講佐我錦多野，今日到你講翻囉。』

但係我想瞓覺囉...

『錦你想知D咩啊?』

『嗯...例如你鍾意咩野囉，唔鍾意D咩，自我介紹錦啦下。』

你係咪跟踪狂來架...

『...鍾意飲綠茶囉，無話特別鍾意食咩，只要唔係辣既就得囉。鍾意瞓覺，睇書錦樣囉。』

『錦少野...錦你有無咩偶像果D野架?』

『偶像...都無。』

『錦你鍾意咩類型既女仔啊?

呢個問題令我系口中既綠茶差D噴曬出來。

『...做咩錦問?』

我心入面開始FF中

當然理智系贏佐感情啦。

邊會有可能啊。

『...我想知道下嗻...』

『咩叫類型先...?

先用延緩之計先...

『例如長頭髮，短頭髮，身材好唔好果種囉。』

『講真...無咩所謂囉。不過呢個年紀就其實唔係好注重拍拖呢家野囉。阿欣同Gary係特別例子。』

其實都幾注重...只不過...

『錦一定會有D既。』

『個樣唔係話豬扒同埋唔係過度肥胖就得架啦。』

我捻呢個都講來成為我既現實。嫁一個普通到唔可以再普通既人，都話有個孫俾老豆老母抱下。

『系唔係錦現實啊!? 我系想問你之前有無鍾意過人咋嘛。』

今次真係忍唔到，好彩吞佐啖茶，但係就咳到想死錦。

『喂喂，你無野啊嘛? 洗唔洗錦大反應啊?』

Yuki仲要係道笑笑下。

『無，無事。我之前同陳嘉冰拍過拖囉。咪又係不歡而散...』

無回應。

"嗶～嗶～嗶"

收線!?