有一晚一個來電: 為愛沉溺的七百三十天(下)
我：咁你部琴呢，都會搬過去嗎？（其實，阿紫係有學開琴）
阿紫：係呀，好開心呀，
部琴終於可以放係我自己間房啦。
以後彈既就唔駛成日係客廳彈，
嘈倒屋企人睇電視啦。
果時，其實阿紫咁講我都呆一呆，
一部琴已經夠大部，
莫講話我買唔起，
放係廳都未必有位，
佢竟然可以，將佢放係房．．．．
佢新屋，究竟有幾大．．
呢ｄ，我真係羨慕都羨慕唔切。
我亦都好登阿紫高興，話：咁咪好囉，
以後要比心機練呀！
第時可以做一個靚女鋼琴老師呀麻。
阿紫：哈哈，仲差好遠喎。
阿紫繼續話：阿樂，你去過海洋公園未？
我：未呀（笑啦笑啦）
（入場費咁貴，我點有錢去呀．．．）
阿紫好高興咁話：我都未呀，不如叫埋amy同阿力一齊去囉。
去主題公園多ｄ人會開心架！
我：好呀，咁我幫你問問啦。
幾時去好呀？
阿紫：而家先７月１７日，我地７月２５號去好冇？
呢個期間，我地就專心做暑期作業先，
唔好玩晒個暑假先黎做呀麻。
一個星期，可以做到好多架啦！
我：又好，一於咁決定啦．．
死啦．．錢銀方面點算．．．
之前已經用左好多錢．．．唔敢再問阿媽拎
見阿紫提議完去海洋公園過後，
我就已經聯絡左ａｍｙ，佢話冇問題。
然後，我就打比阿力。
我：阿力，點呀，暑假你除左打波仲有咩野做呀！？
阿力：冇呀，打機都打到悶啦！
你有好路數？
我：係呀，諗住約你同埋ａｍｙ仲有阿紫一齊去
海洋公園咋麻！有冇興趣先！
阿力：喂屌！掂喎！
去海洋公園梗係玩過山車果ｄ啦！
諗落都過癮，一於預埋我啦！
我：咁約實７月２５號去架啦喎！
阿力：冇問題冇問題！！
我：阿力，我．．有ｄ野想你幫幫忙．．
阿力：有咩就講啦！
我：我可唔可以問你借住．．一半錢去海洋公園？
因為我前排用得太多錢．．．．．．所以．．．
阿力冇猶豫，即刻好爽快咁應承：冇問題！
你有錢先慢慢還比我啦！！
果時，我真係好感激阿力。
我：唔該你．．真係．．
阿力：屌！客咩氣！大家一場老友！
最擔心既錢銀都已經冇問題．．．
我亦都係時候，
趁呢個星期，好好做下ｄ暑假作業。
我每日做ｄ，每日做ｄ。
屌！其實都幾枯燥！
你老味本暑期作業中英數中英數中英數咁不斷重覆，
又作文又填充又計數又閱讀理解，日日係咁做真係悶到
抽晒筋！我仲要on99到，我以為呢本野係真係要交比老師改。
（後來先發現，我等到佛誕耶誕，到中二成個學期都完撚埋，中一本暑期作業都冇收過，
真係你老味hihi)
其實，我係做晒中文同英文練習ｄ頁數先。
因為數學我唔係太鍾意做，留到最後。
屌！點知一做到數學後期果ｄ頁數，又難到hihi。
唉，咁樣會拖慢進度架喎．．．．
係果刻，我靈機一觸．．．．
嗯！一於．．搵一搵阿欣教我吧！！
數學唔掂，搵阿欣都好正常姐，岩唔岩先！
所以，我就即刻搵佢。
我：喂，阿欣呀！
唔好意思呀，有冇阻住你呀！
阿欣：都唔阻既，做緊暑期功課呀！
一睇個來電就知係你，原本仲諗住唔聽添架！
死煩鬼成日煩住晒！
我：我都係特登打下比你姐．．
之前又話我唔搵你，而家又話我搵你煩。
阿欣：多事啦你！駁咀駁舌係度！
又咩料呀，屎忽樂！
我：夏天果然火爆，
冇，我諗住請你飲杯屎樂冰姐想！
之前話請你食野補返數呀麻。
阿欣：嘩你個死ｃｈｅａｐ精呀！
由食野變成請野飲！死狗樂！（頂，你一日改我幾多花名呀）
我：冇計啦大姐，我近排冇咩錢，
你都知小弟家貧，請將就將就，到有錢時先請返你好唔好？
阿欣：好啦好啦！有野飲好過冇，但你唔會特登約我就係為左請野飲呀！？
我：有咩問題？你都冇人約架啦！
阿欣：食屎啦你！邊個話呀！排晒隊等我呀！
我：咁比我打尖呀！我想約你呀！
阿欣聽到我咁講，就細細聲咁，
聲線中猶帶點兒靦腆：阿樂，你約我．．．．．？
我：頂你，發咩姣呀！
其實係咁既，我想約你出去教我做暑假作業呀，
唔該你呀！！
阿欣聽完我咁講，即刻好勞氣咁話：哦！原來又係有目的既！
唔幫啦咁！
我：唔好唔好唔好！最多咁，
我約埋你去海洋公園啦！
阿欣：海洋公園？
我：係呀，我諗住同我d朋友去海洋公園。
你一唔一齊？唔駛咁悶呀麻！
阿欣：車，我又唔識你ｄ朋友！
我：到時介紹你識囉！！（唔知道，佢同ａｍｙ，兩個咁火爆既女仔一齊，會唔會
有咩火花呢）
阿欣：um....是但啦！見係你！
就將就下啦！
我：咁勉強，唔好去囉！！
阿欣：咁唔幫你補囉！
我：唔好唔好！
咁去邊度教好呀！
阿欣：教野咋麻下話，
費事特登出去啦！黎我屋企啦！
我即刻好大反應：下！黎你度？？
會唔會．．．會唔會唔係咁好（屌！我第一次上女仔屋企咋喎）
阿欣：咩呀！驚我食左你呀！
點呀，婆婆媽媽咁，唔補架啦！
我：唔係唔係，咁約聽日啦ok?
阿欣：得啦，到時再搵你！
無啦啦去一個女仔屋企，雖然就真係唔係咁好，
但我只係去做正經野姐，拿拿林做完走咪得，
擔心咁多做咩！好啦，唔好咁緊張，平常心，平常心！
為左想快快手手做好晒d暑期作業，我又再一次要麻煩阿欣。
初時諗都冇諗過，地點會係阿欣屋企，第一次上女仔屋企，難免會有點緊張同避忌。
第二日，中午時分既時候，我就出門口，同時打比阿欣。
我：喂，阿欣呀！
我應該要答咩車黎呀？
阿欣：你答ｘｘｘ號巴士黎啦，
費事你一陣答地鐵出黎唔識路行，
我會係你落車果度等你架啦。
因為我冇手提電話，所以一定要講好晒
係邊度等先安心去收線，一陣去度唔識路就仆街架啦真係，
除時點返屋企都成問題。
我用紙抄底晒阿欣講既資料，就自己一個答車去啦。
答巴士既途中，我對部巴士每一次埋站都非常上心，
直程望到實一實咁濟，方死miss左一個站唔知邊個打邊個。
好彩，我都有返咁上下智慧，
第一次去人地屋企，起碼．．．．識落車．．．
但．．．．．．．．．．．．．．遲大到
（心諗：唉，呢次真係屌啦媽！）
落左車之後即刻見到阿欣，
佢就話：頂你咩阿樂！死左去邊黎呀！
咁鬼遲架！你想曬死我呀！
阿欣都係好casual咁，著左件鬆身少少既短袖衫，
運動短褲（好多女仔都鍾意咁著）同拖鞋，我對佢果時都冇咩特別心邪。
我：唔好意思呀！搵部巴士需要ｄ時間，
ｄ班次又疏．．．唔好咁火爆住先，
我請你飲野，ok?
阿欣：拿拿林啦！早知我一早走鬼左去唔等你算！！
買完野飲之後，我地就直接上阿欣家了。
阿欣原來都係住公屋，只係交通上唔係咁方便而已。
我一路跟住阿欣既身後，發覺，原來我同阿欣係差唔多高。
沿走廊一路行緊果時，我就同佢講。
我：原來，我同你係差唔多高，一直都冇為意添。
佢見我咁講，以為我踩緊佢，佢話：咁你即刻想話我而家好矮啦！！
而家你好高咩！！
我：唔係唔係，你會有第三度發肉既，放心放心。
阿欣聽完我咁講之後，突然好大力咁踩隻腳一下．．．
阿欣：哼！鬼叫你唔收下口呀。入黎啦！！
一入到去，我就問：你屋企冇人？
阿欣：冇呀，返晒工啦！做咩？有問題咩？
我：唔．．．唔係．．冇野（孤男寡女好似唔係咁好．．．．）
因為第一次上女仔屋企，我真係唔咁亂行，
就好拘謹咁，企左係度，郁都唔敢郁。
我環望四周，估唔到．．阿欣屋企都幾整齊，
而且色調幾舒服．．．．．
阿欣見我成碌木咁，就同我講：坐啦！仲企係度on居居做咩呀！！
唔係連坐都要我服侍你呀！！
佢繼續問：你食左野未？
我：食左啦你呢？
阿欣就話：就係因為我冇諗過要等你咁耐，
如果唔係我一早食先啦！
咁我自己煮我果份架啦！！你拎住ｄ野出黎做住先啦！！
然後佢就入左廚房，我就開始做我既野。
當我好安然就緊暑假作業既同時，突然．．．．．
我聽到阿欣大叫．．．同時間聽到跌碎玻璃既聲音！
身體條件反射既作用下，我即刻飛璞去廚房睇下究竟發生咩事，
一陣有受傷就大獲啦！
一入到去，我見阿紫蹲左係度，
同時間，我見到玻璃杯碎左！
我即刻問：阿欣，你冇咩事呀麻？做咩咁唔小心架．．．
阿欣：我想係廚櫃拎碗果陣，隻手唔小心掂到隻玻璃杯，
所以．．．．．
我見阿欣蹲係地上，佢想伸手執ｄ碎片．．．
我即刻話：唔好執啦唔好執啦，
等我黎啦．．．
阿欣聽到我咁講，就起一起身，讓個位比我去執，
然後佢細細聲咁講：阿樂．．麻煩你唔好意思．．．
我：少事姐．．整跌一隻杯咋麻．．
我用手執左ｄ大既玻璃碎先．．．好彩都冇咩事．．
但到細少少既玻璃碎時，我唔小心．．就比佢界倒手．．
我：哎屌．．．（早知用掃把算．．）
（手指即刻滲血．．）
阿欣見到：阿樂你整親呀（佢好大反應．．）
我：冇野冇野，好少事姐．．我掃埋佢先．．
你出去等我啦．．
然後．．．阿欣出左去．．．．
我出返廳．．阿欣佢手上拎住左ｄ野行緊埋黎．．．
我睇清楚ｄ．．原來係膠布同消毒藥水．．．
阿欣：阿樂，你整親隻手．．
我同你包紮好佢先啦．．
我：唔駛啦．．呢ｄ小傷等佢幾日就埋口，冇野架！
阿欣：快ｄ啦！婆婆媽媽！（佢係惡ｄ．．但我知佢係有我心先咁做）
阿欣又話：你等我一陣．．．
佢走左入房十幾秒，然後出返返黎，
原來，佢係去戴眼鏡．．（應該係方便幫我塗消毒酒精吧．．．）
我始終．．．都係覺得佢戴眼鏡個look好睇d。
（不過，呢ｄ係果時，對我黎講都唔係好重要，因為我個心，根本唔會點動搖。）
阿欣佢，叫我去梳化度坐低，
然後，佢亦都坐左埋黎．．係我身旁．．
距離．．好近。
阿欣：比隻手我．．．
然後，我就好聽話咁，比隻手佢，果一刻我感覺自己好似一隻狗，
爭在比完佢之後，佢會唔會補一句：gooddog!
阿欣輕輕咁用棉花棒，點一點消毒酒精，
然後準備塗係我傷口處。
我下意識即刻反應問：咪住咪住．．
你呢隻消毒酒精．．係咪涼浸浸果隻黎先
阿欣見我咁講，即刻笑一笑：哈，咩涼浸浸．．．？
我：哦．．以前我細個果時，
每次出街玩，梗會跌到膝頭哥一仆一碌，
返到屋企，每次都比我阿媽狠狠咁話我，
然後就用消毒酒精幫我傷口消毒．．．
我記得有一次，有一隻消毒酒精．．．一查落去個傷口．．
即刻痛到我喊．．．自此之後，我地屋企就唔再買個隻，
而係買涼浸浸唔刺激皮膚傷口果種啦
阿欣：哈哈，咩你都會怕痛架咩！
我唔知呢隻係邊係喎．．你試下咪知．．
比佢咁講一講，我即刻縮手：唔好啦唔好啦都係，我唔消毒啦。
阿欣：快ｄ！拎隻手黎．．
我唔比．．阿欣就即刻捉住我隻手．．．．
格硬幫我查．．．．
支棉花棒愈接近我傷口，我個心就愈緊張，愈爭扎！！！
當掂到傷口果時．．嗚呀！！！！！！！！！！！！！！！！！！！！！！！！
好彩，係涼浸浸。
我個心都定ｄ，我一路望住阿欣佢好專心好認真咁，
仔細地，輕輕力地，幫我傷口消毒，一絲不苟。
果時，我個心係度諗：
我諗應該冇幾多人知道阿欣既真正性格吧，
佢認真起上黎，絕不比起其他女仔遜色，
有返女仔應有既溫柔同體貼。
阿欣見我面有難色，就話：估唔到你咁怕痛喎。
我：係呀，
以前細個成日睇醫生呀麻。
佢碌大左隻眼望住我，話：成日睇醫生？點解呀？
我：我細個成日都好頻密咁，發燒喉嚨發炎同咳嗽，
一年中睇過唔少次醫生．．．
醫生每次見到我時，
都同我講：阿樂仔，今次又發燒同喉嚨發炎喎。
打支針好唔好呀？快ｄ好架喎。
我每次聽到呢度，我個心都好驚，因為我真係好怕好怕打針。
有幾次，知道要打針，我仲怕到喊晒口添。
我繼續話：自此之後，
醫生同我講：咁啦樂仔！以後隔開一次打針，一次唔打好唔好？
所以，我每次到到要打針果次既時候，我都係一樣咁扭計。
要護士姑娘哄我好幾次先得。
聽完我講之後，阿欣覺得好有趣，
就繼續同我講呢個話題：咁你成日睇醫生，咪好慘囉？
其實你係咪有咩病。
我點點頭：係呀，我先天個心有ｄｄ問題。
阿欣即刻用手掩住口：下！咁點算呀，咪成日會好痛囉。
我：係呀，所以我唔可以點受刺激，
唔可以鍾意人啦，因為鍾意人會成日令我個心僕僕咁跳。
阿欣：真架！．．．
我：哈哈，講笑咋！！
阿欣：死啦你，搵ｄ咁既野講笑．．．
得啦！包好啦！！濕左水要換呀記住！
我：嗯，我會架啦。
然後，阿欣就返返去廚房煮野食，我就繼續做住野先。
阿欣係入面煮左一陣子，搞掂好晒之後，
就出返黎客廳。
阿欣佢煮既，應該係公仔面吧，只係上面加多左隻煎蛋
我：阿欣，你食公仔面呀？無益架喎！
阿欣：仲好講！都係拜你所賜姐！
我：唔好意思呀！
阿欣繼續話：其實我都慣左啦．．．（語調有點下降）
我：慣左？
阿欣：屋企人要返工呀麻，好多時我都自己食。
一時就落街買，一時就自己煮。
我見佢成日都自己一個，估唔到連係屋企，
家人同佢一齊相處既時間都咁少，
諗到呢度真係有點登佢心酸．．．．．
我亦都好明白佢呢種心情。
阿欣接住講：咁你呢？你都係一樣吧。
成日睇醫生，應該點都會習慣啦掛．．
我：都．．都算係既，
習慣到我覺得佢就好似我身邊一位朋友咁。
（其實咁講真係相當諷刺緊自己）
阿欣：估唔到，你細個就要面對咁多野，
但有個好處既．．
我：好處？
阿欣：係呀，我覺得你思想根本唔似係一個中一學生，
應該話，比好多好多中一學生成熟，
唔似得大部分人都係低低bb咁。
我：或者啦．．．有時學佢地天真下都幾好
（至少冇咩煩惱，冇咩壓力，日日都開開心心咁玩，追逐）
阿欣一路食，一路問：係呢，海洋公園果日，
有邊幾個去？
我：哦，有三個人，分別係amy，阿紫呢兩個女仔，
同埋阿力一個男仔。
阿欣再問：咦！？有女仔同你去喎竟然，
同佢地好熟？
我：ａｍｙ就好熟，
阿紫佢．．．已經唔可以用熟黎形容。
阿欣：點解咁講？
我：因為．．．
阿紫佢係我女朋友啦！
阿欣即刻驚訝咁話：下！阿樂你已經有女朋友？？？？？？
我點點頭。
阿欣：但你好細個咋喎．．．．
我：學你話齋，思想有點早熟呀麻！
做咩？中一拍拖好出奇咩？
阿欣：唔．．唔係．．
只不過實在太意想唔到姐．．
係呢．．阿紫佢．．個為人係點架？
我：佢，其實比起一般女仔都細心同溫柔，
以性格同脾性黎講，同你根本係兩極化既人黎既．．
你就幾時都咁火爆，佢就幾時都咁平靜如鏡。
阿欣：咁又係既．．．．
比我係男仔．．都會揀個又溫柔又體貼既女仔架啦。
（我好記得果時，我隱隱約約感覺到佢好似有點唔妥，
但我果時真係諗極都唔明點解，同埋我又唔肯定）
阿欣好快又回復返開心．．．
咁同我講：我地開始做暑期作業啦！
費事晒左ｄ時間！
我見佢咁，我先放下左戒心．．
覺得佢好似冇咩事，應該係我多心吧。
打後既時間，我地都好認真做暑期作業。
大家各做返自己既野，我有唔明時，先問佢，等佢教我。
重重覆覆，來來回回咁，幾個鐘就過去。
我見天色開始晏，
我都應該係時候要離開。
阿欣就話：阿樂，你而家係學校應該開心返ｄ啦，
有你女朋友成日陪住你．．
果刻，我心諗：之前就係．．而家．．．佢都要搬屋．．
我話：都係既。
其實同你一齊既時候都好開心。
阿欣有點面紅：下．．點．．點解？
我：係兩種開心黎既，
我同阿紫，就係情侶之間果種甜蜜溫馨既開心。
我同你之間，就係果種交心得黎，大家對大家好有共鳴果種開心。
無論係邊一種，我都會好好咁珍惜。
我繼續話：我走啦，海洋公園約實你架啦！
到時再見啦！
同佢講再見之後，
我就坐返原本既巴士返返屋企。
坐車既時候，
我諗緊：
其實，我真係算好好彩，可以識到阿紫．．
沖淡我唔開心既學校生活。
反而，阿欣佢．．．
就未遇到一個，真正令佢可以開開心心去返學既理由，
莫說一個男朋友，除左我之外，連一個交心既朋友都冇．．．
果一刻，我真係好希望，佢可以搵到一個，
真正對佢好既男仔，比到佢開心同幸福。
唔知呢個人．．．會係邊一個呢．．．．
因為約左阿欣一齊去，
我點都要通知返阿紫既。
我打比阿紫同佢講．．．．
我：阿紫，
我地去海洋公園呢，會臨時加多一個人喎！
阿紫就好好奇咁話：邊個呀？咁突然既？
我：阿欣囉，幫我補數學果個女仔呀。
阿紫：哈，你之前唔係話同佢唔岩架咩？
我：係．．
佢人係惡ｄ，但佢本質唔錯既，
心地又唔係差。
阿紫：點解無啦啦又會諗到叫佢去既？
我：哦，因為佢今日教我做暑期作業呀麻，
數學唔識，我又唔想放到後期先做，浪費左我地相處既時間，
於是我就搵佢教一教我啦！
阿紫：咁佢真係幾好人喎，
成日幫你，等你仲成日話人惡呀果ｄ添！
我：我都係講事實姐，
同埋去海洋公園，你話架麻，
多ｄ人玩會開心ｄ。
話唔埋你地兩個都會好岩key呢。(雖然性格真係差好遠)
阿紫：冇問題呀，我又唔會介意既，
有你陪住我咪得。
我驚到時你顧住ｄ機動遊戲仲多過理我咋。
我：點會呢，你吸引好多。
係喎，你怕唔怕玩機動遊戲？
阿紫：都怕架，但我盡量會試下既。
我：哈，唔得唔好格硬黎喎記住。
阿紫：知啦知啦長氣。
係喎，我聽日搬屋啦，
應該好唔得閒，我搞掂晒ｄ野之後再搵你啦。
我：阿紫．．．
你搬到咁遠．．．
我地以後見面．．會唔會好困難架？
阿紫：傻瓜黎既，答車咪得囉．．
又唔係行路黎，有幾難喎。
要見我以後就要比ｄ耐性啦。
我：嗯．．
信住你先啦．．．（其實我真係好唔放心）
阿紫：唔准苦瓜乾呀，
錫啖你補數啦（阿紫就係電話聽筒裡面傳黎一個kiss既聲音比我)
我：哈哈，可唔可以要多幾啖呀。
阿紫：你就想阿傻佬，快ｄ訓啦。
我：唔好囉，要多一個，一個，
ok?
之後，阿紫係電話又比多一個kiss我，
然後大家就去睡覺了。
其實，阿紫提到去海洋公園時，
除左擔心錢銀既問題之外，
另一個令我有點卻步既因素，
就係我究竟承唔承受得住機動遊戲既衝擊。
我費事一陣又好似陸運會果個情況，
自己膽粗粗去自把自為，真係十條命都唔夠死。
去海洋公園，我點都要同我老母講。
我：媽，我過多兩日會同同學去海洋公園玩呀。
媽聽到，即刻放低手頭上既家務，
有點擔心咁走埋黎同我講：
阿仔，唔係阿媽唔想你去，
之不過你都知自己咩問題架啦，
你知我唔會放心比你去架。
我：媽．．但我真係好想去．．
我一直都想去呢個公園玩好耐架啦．．
點解其他同學可以玩既野，我就唔得喎！
媽：你唔好扭計住啦，
聽日我要去拎藥，順便問埋醫生比唔比先啦！
如果佢話冇問題既，我就放心比你去．．
如果佢話唔得既，你就要乖乖聽話呀，知麻！！
我聽到阿媽咁講，我依然唔係咁開心。
阿媽摸一摸我個頭，好語重深長咁同我講：
阿樂，我得你一粒仔．．
我唔想你一陣有咩事呀，
乖啦！聽醫生點講先啦好唔好．．
就係咁，我無可奈何地，
跟媽媽一齊去拎藥既同時，順便問醫生意見！
第二日朝早，我同媽就去見醫生。
熟悉既醫院，
熟悉而濃烈既消毒藥水味，
熟悉既醫生房間，
熟悉既一位朋友。
我已經升中二，有ｄ野已經識諗左，懂事左，
所以我更加應該要對我既病，對我自己，對母親，
負上責任。我唔再係以前阿媽帶我黎，但我對自己個病卻
不求甚解既阿樂。
醫生：樂太你好！
樂仔你高左喎比上次。
我：醫生你好，今次又麻煩你啦。
醫生：唔駛客氣，盡返我既職責姐。
醫生繼續話：呢排痛得頻唔頻密？
我：都唔太頻密，
我有定時食藥架麻，
信得過你喎醫生。
醫生：樂仔，記住有需要時先食，
盡量唔好太依賴藥物呀知麻。
痛既程度有冇增加到？
我：都冇咩，好多時都係比較輕微。
醫生：而家食緊既藥仲係有效止到痛吧？
（醫生應該check緊有冇抗藥性徵狀吧)
我：有效呀，開返而家食緊呢隻就ok啦。
醫生微微地對我笑一笑：樂仔好叻仔喎，
可以咁清楚自己，答我咁多問題。
我：係呢醫生．．．
如果我話，我聽日會去海洋公園．．．
以我而家既情況．．．究竟會唔會有咩問題．．．．．
醫生聽到我講時．．．諗左一陣．．．
同我講：
阿樂你過一過黎，我同你checkcheck心跳，
心電，量量血壓先。
於是，我就乖乖聽話，等醫生幫我檢查。
醫生一路幫我做檢查，
不是都同我吹下水，傾下計。
醫生：係呢，阿樂，你知唔知你自己咩血型架？
比醫生咁講一講：唔知喎真係．．
醫生微微笑：其實，樂仔你係O型血既。
我：Ｏ型？即係點架？
醫生繼續同我講：Ｏ型血，其實係可以幫助倒好多人架喎，
你知唔知架？
我：唔知呀，咁幫到好多人咪好囉，咁都開心Ｄ呀麻。
醫生：係呀，我地好多時都好需要Ｏ型血既人捐血，
因為佢地既血係可以幫到全部血型既人既。
我：係架，咁而家需唔需要呀，
我都可以捐架喎。
醫生：哈哈，樂仔，你咁細個仲未係時候既，
等大個Ｄ先啦。
相反，如果你要血，你就一定要搵返Ｏ型架啦喎，
知麻？
我：咁．．．咪好唔著數囉？
醫生：係架．．同時都好寶貴。
醫生檢查完之後，同我講，亦同我媽講。
醫生：其實樂仔而家既情況都叫樂觀，
機動遊戲對佢個病既問題影響始終唔大，
不過，若果阿樂你發覺玩完機動遊戲後有咩不適，
就一定要停止呀知麻？
最好玩每個機動遊戲之間既時間唔好太頻繁，咁應該冇咩問題。
我就好開心咁講：咁即係可以去？
醫生點點頭！
我：好野！（我終於放心啦）
期待左咁耐，終於等到海洋公園。
我地就約好左係海洋公園門口等，
因為我太心急，所以早到左。
咁我係門外等一陣啦，望住海洋公園門前既閘位，
我心入面講：終於，都可以好似普通小朋友咁，入去玩機動遊戲啦．．．
良久，阿欣第二個到．．．
我：阿欣，估唔到你都咁早喎！
阿欣：似你咩，成日遲大到！
我：係咩？唔知邊個成日同我補課果時遲到呢可？
阿欣：車！唔知呢唔知呢！！（一大朝早就同我鬥咀）
無幾耐，阿紫，阿力同ａｍｙ都陸陸續續到啦。
阿力同ａｍｙ都用比較好奇既眼光望住阿欣。
我就梗係識趣幫佢地介紹下先啦，
於是．．．
我：唔好意思呀，突然加多左個人，
佢叫阿欣呀，係之前幫我補數學既。
我繼續講：阿欣，呢位係ａｍｙ，阿力同阿紫。
大家都分別say左hi。
阿力：阿樂，你就好啦！
有阿紫不得止，而家仲收收埋埋，
多左個阿欣走出黎．．．．．
有佢係度我日日都補數學真係！
我：你咁好數學駛鬼補咩！
阿欣：你地好呀，叫我阿欣得架啦，
我份人好隨和既，冇咩所謂架。（頂你！係度扮純情！？）
Ａｍｙ：阿欣你好呀，
我地都好歡迎你今日一齊加入我地架，
一陣玩得開心ｄ喎。
阿力：係囉，我地不嬲都玩得好放，
盡興一ｄ呀麻！
阿紫：係呢阿欣，
你成日幫阿樂補數，真係唔該晒你呀，
佢一定比倒好多麻煩你啦。
阿欣：都唔會既，
我份人都好樂意去幫人架，（頂你咁你都講得出）
所以有咩唔識我都會盡量教佢。
我：頂你阿欣，今日搞咩咁斯斯文文呀講野，
平時佢唔係咁架！你地比佢地呃左啦！！
阿欣：阿樂，你對我有誤會我係唔會怪你架。
阿紫：係囉，阿欣佢咁好，點會好似你咁講咁惡呀。
Ａｍｙ：咪係！肯定你個死人阿樂成日蝦人先啦係都，
阿欣你唔好理佢姐，我地入去玩囉。
（頂你阿欣，你好野，大家都比你呃晒）
入到去，我地即刻拎張地圖出黎睇先啦。
我見到有個地方，寫住動感影院，聽個名都幾過癮，
心諗：屌！我就睇你有幾動感！！
我：喂喂，不如去左動感影院先啦，好似幾正。
阿力：好呀，唔好講咁多啦，一於直踩入去啦。
果日其實都幾多人去玩。
我地排隊玩動感影院時，都不忘吹下水。
我：阿欣，你今次係第幾次黎呢度？
阿欣：第一次咋，之前都冇咩機會黎。
ａｍｙ：我地又係喎，咁岩既。
阿欣：係呢ａｍｙ阿紫，平時阿樂對你地點架，點解你會同佢咁熟既？
ａｍｙ：阿樂份人冇咩野既，係有時串串共，乞人憎左ｄ囉！！！
阿欣：係呀．．佢有時都會串我架．．
你知架啦，我一個女仔．．點樣識還口喎（我發誓我要殺左你）
阿力：頂你阿樂！補習姐姐咁好人你都串！
你真係唔識死頂啦！
阿紫：咪係囉，人地話晒一個女仔黎架麻，點可以對女仔咁無禮貌架。
我：我冇呀．．我只係當佢係第二個ａｍｙ姐．．．
ａｍｙ：頂你阿樂無啦啦燒埋我個啖，而家我好差咩！！
阿欣：算啦算啦，我知道阿樂有時對我咁惡佢自己都唔想既，
我明白佢唔係有心架，所以好多時我都會包容佢，
我知道佢心情唔好可能因為數學做極都唔識架姐。（嗚呀！！點解會咁架）
阿力：頂你，好心你就唔好發洩落人地度咁衰啦。
Ａｍｙ：咪係！阿欣你唔駛怕，下次佢再蝦你同我地講，
我地實支持你。
我：冤枉呀大人．．．我冇呀
之後阿欣就做左個鬼面比我睇。
無幾耐，我地就入去影院度玩。
一開波覺得，超！都係冇咩分別姐，
最多張凳大ｄ。
屌點知佢播片果陣，竟然識郁！！
初時以為有咩問題，輕機，
原來係個個都識郁既．．．
跟住我就好投入咁一路睇片啦，
講真動感就真係有少少既．．係唔夠刺激囉
跟住我地就去坐攬車去第二邊啦。
講真，我人生係答攬車果一刻，先知道．．．
原來我有畏高。一路答攬車果陣，我就一路
捉實條柱，攬車耐唔耐驚過某ｄ位會震下震下。
諗起都覺得驚
Ａｍｙ見我捉到條柱咁實，
就好大力咁拍拍我膊頭話：阿樂！原來你畏高架！！
哈哈，唔駛怕喎。
然後ａｍｙ就輕輕咁跳一跳，
屌架攬車即刻有ｄ左搖加擺！果下真係嚇撚到我屌晒老母！
我就即刻話：ａｍｙ我拜託你唔好跳，
你咁既身型跳一跳既，小弟真係性命不保，
我唔想同你死埋一齊呀。
阿紫：哈哈，阿樂，邊有咁誇張呀，
你唔駛咁驚喎傻佬。
Ａｍｙ：係囉，我自己都未驚。（你點會驚呀）
阿力：過到去不如玩海盜船啦！
我地大家都話好。
海盜船坐最邊邊先好玩既．．
於是我地都坐最後，講真離心力都幾出。
玩還玩，我都不時留意住自己既身體狀況。
記得玩緊海盜船果陣，阿紫好緊張咁捉實我隻手，
捉得好緊好緊．．．可能佢真係驚玩呢ｄ機動遊戲。
完左之後，我同阿紫講：阿紫，你受唔受得住架，
如果真係太驚記住唔好死頂呀。
阿紫：冇問題喎，我仲ok呀而家。
我：咁阿欣你呢？
阿欣：我唔怕呀，完全冇問題。
你唔駛擔心我架喎。（真係愈黎愈睇唔過眼你係度扮晒野）
我：冇，我費事一陣玩玩下有人驚到暈左姐就掃興咋麻！
ａｍｙ：作死你呀！又咁串人啦！
（ａｍｙ又用佢個拳頭黎要脅我）
敵眾我寡，我終於明白呢個道理。
阿欣：咁不如去玩過山車啦，睇下邊個會暈
我：好，駛驚你呀！！
阿紫，你有冇問題架？
阿紫：我想試下呀．．
但阿樂你個病．．
我：我問過醫生架啦，應該唔會有問題。
放心啦。
阿欣：阿樂．．你唔得就唔好勉強呀．．（佢突然好關心我）
我：車！你都識關心人架咩！
唔好扮野喎！我唔會比你睇死架！
阿欣即刻扮可憐咁同ａｍｙ講：ａｍｙ阿樂又蝦我啦！
頂，有ａｍｙ係度一日我都處於劣勢，
算．．好男不與女鬥！
去玩過山車好過