異塵餘生香港2277: 33 災禍的根源

流主他們發現了變種蛇原來都是來自九龍灣地底下的排污設施，所以便來到設施裡尋找牠們的源頭。
 
 
「唔好理咁多啦！入去控制室先．．．」流主握著控制室門的把手，才發現門竟然是鎖住的：「仆街．．．」
 
 
前無去路、後有追兵、四面楚歌、十面埋伏！雖然變種蛇並不難殺死，但是牠們源源不絕，而且輻射毒牙十分致命，流主他們可謂九死一生。
 
 
鎖匙萱這時拿出開鎖器說：「等我嚟！你地保護我！」她說著便立刻聚精會神地開鎖




 
 
現在除了相信鎖匙萱外，已經再沒有其他選擇。流主他們背靠著背盡力迎擊，槍聲和槍火此起彼落，子彈消耗快如流水，但是變種蛇的數量卻未見減少，而且愈迫愈近！
 
 
「得未呀？？」流主的雷射步槍早已用盡了電池，戰鬥霰彈槍的子彈也所餘無幾
 
 
鎖匙萱沒有回應，只是集中精神嘗試盡快開鎖。
 




 
「哼．．．」孖根撿起了鎖匙萱放在地上的衝鋒槍代替子彈已被放光的手槍
 
「小姐．．．可以快少少嗎？」變種蛇甚至已經纏到便利先生的身上，迫使它用另一隻機械觸手上的圓鋸迎戰
 
「汪！汪！」連狗肉也在催促著
 
 
變種蛇愈來愈接近，鎖匙萱也愈來愈緊張．．．她不停深呼吸保持冷靜，但就算她努力地強迫自己集中精神，壓力底下仍然不禁雙手發抖，甚至迫出眼淚來．．．
 




此時，流主被一條飛撲起來的變種蛇纏上了！他立即雙手捉住變種蛇的頸項，但是有如電燈柱般粗壯的變種蛇氣力也不弱，雙方用盡氣力角力，一時間陷入膠著狀態！
 
狗肉見狀立即撲上去咬著變種蛇，變種蛇痛得捲曲著身體。狗肉成功替流主解圍，但牠並不就此放過變種蛇，牠還是狠狠地咬著變種蛇不放。混亂間，變種蛇曲身轉向狗肉，一口向牠的後背咬過去！！狗肉隨即發出慘叫聲！！
 
 
「狗肉！！！」流主大驚
 
 
但是由於距離太近而且怕會誤傷狗肉，流主不敢使用手上的戰鬥霰彈槍攻擊，他只能拔出小刀，不停刺向變種蛇！
 
 
「放開狗肉呀！！」流主猛地刺向變種蛇的頭部
 
 
數下刺擊後，流主終於成功把變種蛇殺死，他立即把變種蛇從狗肉身上拿下來，但是狗肉卻全身無力，狀甚痛苦地躺在地上低鳴．．．




 
 
「．．．開到啦！！」剛好，鎖匙萱也終於成功把這道被牢牢鎖住的門打開
 
 
他們二話不說，立即抱著狗肉衝進控制室內並把門緊緊閉上。然而，即使暫時脫險，流主也並未有放鬆下來，他把狗肉放下，立刻使用嗶嗶小子量度牠體內的輻射指數．．．
 
 
「．．．．．．600！？咬著左幾秒已經600！？」在旁看著的鎖匙萱大吃一驚
 
「我個袋有抗輻射藥！快！！」流主焦急說
 
 
他們甚麼都沒有理會，立即讓狗肉服下抗輻射藥．．．幸好藥力很快便發揮功效，雖然狗肉還是十分虛弱，但總算沒有生命危險了．．．
 




流主鬆了口氣，才發現孖根和便利先生都在戒備著！流主和鎖匙萱向著孖根她們戒備的方向看過去，除了看到一個個能監察整個排污設施的屏幕外，還看到一個頭上長滿了小蛇、身材凹凸有致得誘人犯罪的赤裸女子坐在屏幕下的真皮椅子上！
 
 
「咁緊張寵物嘅人類．．．真係難得。」女子說
 
「狗肉唔係寵物，係我拍擋。」流主有點不滿地說
 
「哈哈哈．．．」女人笑說：「我幾鍾意你。」
 
孖根問：「妳係咩人？」
 
女子瞪著孖根說：「我唔鍾意妳。請教人地身份之前，係咪好應該先自我介紹呢？」
 
「．．．我係流主，佢地係我嘅朋友。妳呢？」流主說
 




「你地叫我蛇小姐就得啦。我係依度啲蛇嘅．．．拍擋。」女子向流主眨單眼說
 
「妳點解要用依啲變種蛇襲擊九龍灣？」流主問
 
「．．．．．．你有無種過植物？」蛇小姐則著頭想了一下，突然微笑地問著一個沒有關係的問題
 
「．．．無端端．．．關種植物咩事？」流主不解問
 
「我種左棵植物，但係佢比蝗蟲侵食緊，我應該點做？」蛇小姐問
 
流主想了一會說：「．．．咁緊係要滅蟲。」
 
蛇小姐笑說：「咁我解唔解答到你嘅問題？」
 
鎖匙萱問：「咁關妳襲擊九龍灣咩事？？」




 
孖根說：「佢意思係，九龍灣嘅居民都係蝗蟲。」
 
蛇小姐一臉無辜地搖頭說：「唔係唔係！你地誤會晒啦．．．」然後她微笑著續說：「我所指嘅蝗蟲．．．係全人類。」
 
流主不禁感到有點不寒而慄：「．．．妳想點？」
 
「哈哈哈．．．你地知唔知呀？地球呢，以前唔係咁。地球以前好靚，藍天碧海、山明水秀．．．」蛇小姐一臉嚮往說著，然後突然又變猙獰：「．．．但係，就係人類依班蝗蟲，不斷咁破壞環境，污染地球，將地球迫入死路．．．令地球永不超生．．．」
 
孖根說：「依啲已經係200年前嘅事，同宜家地球上嘅人類無關。」
 
蛇小姐反駁說：「唔通妳認為，宜家嘅人類又好愛惜地球，無再繼續破壞地球咩？蝗蟲就係蝗蟲，江山易改，本性難移。」
 
流主說：「我相信唔係所有人類都係咁。」
 
「哈！」蛇小姐冷笑說：「已經200年啦，經歷左一個咁大嘅教訓，你地人類學識左啲咩？就係繼續為一己私欲而發起戰爭，繼續自相殘殺，繼續破壞地球，迫其他喺地球上居住嘅生命陪葬。」
 
「唔係所有人都係咁！」流主上前說：「就好似我咁，我同我朋友就係四出搵緊一個叫做伊甸園創造器嘅儀器去重建香港。所以，唔係所有人類都淨係諗住破壞，有好多人類都依然堅持去重建地球！！」
 
「係咩？」蛇小姐問：「咁重建左香港之後又點？」
 
流主回答：「之後大家就可以擁有返同戰前一樣和平安穩同文明嘅生活．．．所以，妳收手啦！」
 
「和平安穩同文明？你所謂嘅重建，係重建你地人類嘅社會，而唔係地球。人類社會重建左之後，接著落嚟嘅就一定係繼續挖掘地球資源，然後製造更多嘅污染、更大嘅破壞、更加可怕嘅戰爭。」蛇小姐說
 
 
流主一時間無言以對．．．
 
 
蛇小姐續說：「而且，如果真係有依個伊甸園創造器嘅話，一旦落入左壞人手中，一定會變成一個更加可怕嘅武器。所以我更加要喺依件事發生之前，消滅晒所有人類！流主，雖然你好努力，但係以你嘅口才，唔足以說服我。」
 
孖根舉著鎖匙萱的衝鋒槍說：「我唔理妳講咩大道理，亦唔在乎個地球會變成點，總之殺左妳就一了百了。」
 
「妳以為殺左我，一切就會完？」蛇小姐轉身按下控制台上的一個按鈕，那些監察屏幕隨即跳到另一個畫面
 
流主他們看到畫面，無一不目瞪口呆．．．畫面上顯示著其中一個排污倉，那裡竟然有一條如一整列火車般巨大，整整數十米長的巨型變種大蛇！！