異塵餘生香港2277: 31 九龍灣

由於流主依然命懸一線，既然他已經醒來了，大家也不再耽誤時間，立即收拾行李起行。他們三人一狗離開了留宿的棄置小屋，便繼續沿著公路向東前進。沿途依舊是一座座有如墓碑般整齊排列的殘舊崩塌建築物，但是這邊的建築明顯比戰區西邊較密集。
 
走著走著，他們遇上了數個正在逃命的政府軍，看來前方發生了十分不得了的事。
 
 
流主問其中一個政府軍：「發生咩事呀？」
 
可是那個政府軍沒有停步下來，更一手甩開流主：「唔想死就快啲走啦！」
 
「吓？」流主一臉疑惑




 
 
此時，在政府軍跑過來的方向，赫然有十數條如電燈柱般粗壯、身長數米的變種蛇正急速接近！！
 
 
流主嚇得立即舉槍：「哇屌！！開．．．開槍！」
 
 
孖根和鎖匙萱也舉槍攻擊，但變種蛇的移動軌跡並不規則，而且速度很快，流主他們未能輕易射殺牠們。
 




 
「退．．．退．．．退！！」流主他們邊戰邊退
 
 
此時，其中數條變種蛇竟然躍起來向他們飛撲過去！
 
「哼！」孖根冷笑了一下，因為飛躍起來的變種蛇相反失去了不規則移動的優勢，對孖根這種神槍手來說簡直就是不會動的箭靶！
 
然而，孖根槍法再好，目標太多也必有漏網之魚。其中一條變種蛇成功突破彈幕，張開血盆大口飛撲向鎖匙萱！
 




「哇！！！」沒有神乎奇技的槍法，也不像流主可以把時間減慢，鎖匙萱根本反應不來
 
千鈞一髮之際，狗肉突然從旁撲出，一口咬著變種蛇，救了鎖匙萱一命！大家頓時鬆了口氣．．．．．．奮戰片刻後，總算把追上來的變種蛇都解決了。
 
 
「哇．．．」那數個政府軍好像被流主他們的實力嚇了一跳：「．．．唔該晒。」
 
流主放下槍：「唔使客氣。」
 
政府軍說：「我唔知你地嚟依度做咩，但係如果你地要去九龍灣．．．我勸你地都係死心啦．．．」
 
緊緊抱著狗肉的鎖匙萱問：「點解嘅？？」
 
「你地都知九龍灣係一個起喺橋上面嘅架空城鎮啦，依排唔知點解多左好多變種蛇喺地面出現，幾乎癱瘓晒所有出入城鎮嘅通道．．．」政府軍說
 




流主好奇問：「咁你地政府軍唔係應該去幫手咩？」
 
政府軍面露難色：「．．．我地嘅任務唔係處理依件事。」
 
「我仲以為你地政府軍係出嚟幫香港廢土嘅居民添．．．」流主說
 
「．．．總之我都係跟命令做嘢．．．你地自己小心啦。」那數個政府軍說完便離開了
 
「咁．．．我地點好呀？」鎖匙萱問
 
「唔．．．有無第二條路可以去到Bitch Kingdom呀？」流主問
 
「有係有，不過要用多好多時間。」孖根說：「我地要先南下，穿過過海隧道去香港島。經過幾個鎮去香港島東面嘅隧道過返嚟九龍，再向北行。只計路程嘅話大概兩個星期左右，你條狗帶等唔等到？」
 
「唉．．．好啦，咁我地繼續去九龍灣啦．．．」流主垂頭喪氣說




 
 
於是，流主他們只有無視政府軍的勸告，繼續向九龍灣出發。
 
但一如政府軍所說，路上真的不時有變種蛇出沒。雖然比起在戰區應付超級變種人和MR輕鬆得多，但是他們還是格外小心、步步為營。
 
個多小時後，他們來到了一條通往天橋的斜道。斜道上有數個人和一台樣子像八爪魚、懸浮著的殘舊機械人，他們都正在用火焰噴射器驅散著變種蛇。
 
 
其中一人看到流主他們，馬上揚手叫喊：「喂！你地！係咪要入城呀？係就趁宜家快啲過嚟啦！」
 
流主他們在掩護下走到那數個人身後。
 
一個男人有禮貌地說：「你地好呀，唔好意思四圍都係變種蛇．．．唔能夠好好咁歡迎你地。我係阿民，因為我對電子嘢好熟，所以大家都叫我電子民，係城鎮嘅技術主管。」
 




流主說：「唔好客氣，我叫流主。我地想入城，係咪沿路上天橋就啱架啦？」
 
他笑說：「不如我帶路啦，我本來都打算返入城開多部便利先生落嚟。」
 
 
沿著斜道走到天橋，終於看到九龍灣了。她就坐立於數條互相交集的大橋上，除了有用磚頭堆砌而成的堅硬圍牆，更有兩台自動炮台在進入城鎮的大閘兩旁，看來她的規模不會比青衣城小。
 
 
流主問：「你地城鎮好似好多機械人喎。」
 
電子民說：「係呀，因為我地城鎮好近戰前鐵路公司嘅其中一個車廠，雖然車廠已經無再運作，但係裡面嘅機械人好多都仲用得，所以我地就拎晒嚟用囉。」
 
 
流主他們跟著電子民進入城鎮，映入眼簾的並不是熱鬧的市集或繁榮的廣場，而是街道兩旁都泊滿了一台台滿骯髒的機械人。而且，以城鎮的規模來說，這裡的人口相對地不如想像中多。
 




 
電子民苦笑說：「我地城鎮呢，咩都少，人口少、細路少、女人直頭無，最多嘅呢就係機械人。所以好多商隊都會嚟買機械人或者科技產品，而且唔理係軟件定硬件，我地依度都一應俱存。」
 
鎖匙萱感到非常新奇：「哇．．．真係大開眼界．．．」
 
「不過近排唔知點解連變種蛇都咁多．．．搞到宜家無晒人嚟．．．連商隊都唔敢嚟．．．雖則話，啲蛇唔係好搞到我地．．．你明啦，我地住得高又多機械人，係咪？嘢食更加唔缺乏，日日有蛇食。但係咁落去都唔係路架嘛．．．啱唔啱先？」電子民指手劃腳說
 
「啊咁樣．．．係喎，你頭先咪話你電子嘢好叻嘅？你識唔識拆炸彈呀？」流主問
 
「．．．依樣嘢就真係幫唔到你啦．．．你明啦，炸藥嘅嘢同電子嘢始終都唔多同嘅．．．炸藥係有化學成份架嘛．．．而且呢．．．」電子民喋喋不休地說
 
「得，明白晒。」流主打斷了電子民的說話
 
「啊．．．係呢，咁你地呢？你地嚟九龍灣做咩？睇你地一身打扮又唔似係商隊喎．．．嚟買機械人呢？見大家咁啱傾，如果你地買得多呢，我可以叫佢地比返個折頭你架！就算．．．」電子民說
 
「得架啦，明白架啦，多謝晒你。我地只係路過想入城休息一下啫。」流主說
 
電子民繼續說：「吓係呀？你地本身諗住去邊架？因為呢．．．」
 
「我地去緊Bitch Kingdom。」孖根也忍不住打斷電子民的說話
 
「哎呀．．．咁你地唔好彩啦。」電子民說：「我地城鎮東邊嘅通道因為太多變種蛇所以封閉左．．．如果你地要去嗰邊，我諗你地要行遠路啦．．．．．．喂其實去Bitch Kingdom做咩啫？好危險喎嗰度！雖則話．．．」
 
「啲蛇喺邊度嚟架？」流主打斷說