誰能逼我將就: Ch.90

「我話你扮咩孝順，之前幾個月唔見你返屋企睇佢地一眼，宜家扮咩孝子？」墨一直的向我開罵，我看著她的神情，感覺很陌生。

「講嘢啦，孝順仔。」墨還是對我窮追，她的態度就是告訴你，你不能在她面前好過。

我很清楚墨，這個狀態對她來說，是反常的表現。她性格不能輸，不能在任何人的面前示弱。她一路走來都是君臨天下的氣派，小女孩來到香港這大世界，事事要做到最好，每每也要滿分收場。

她一直口中所說的「爭氣」，就如兩面刃；把她推向高峰，也同樣置於孤獨。在某一些狀態下和場合下，她不會相信任何人，所有人都有可能傷害她，她是這樣認為的。

我知道眼前的墨不是故意，有些說話也可能是一時意氣；但意氣和無意，也總得有條界線。就像喝醉一樣，多醉的人也有三分醒。





「妳……」我想作出反駁，但突然看到遠處有球會的職員走近。

「你咪好想俾人知我地鬧交，啱啦繼續啦。」愛情的博奕一般都是這樣，一個進時另一個就會退；這像折磨，但更像有默契的舞步。

有時愛情就像跳舞一樣，兩個人沒事幹，看見對方也蠻順眼，便順理成章地起舞起來；過程中可能你踢傷我，或者是我把你扭痛。但無論如何，舞還是跳過，確確實實的相擁起舞過。

我尷尬的把焦點挪到其他地方，盡量避過球會職員。待他們走了之後，馬拉松折騰式的爭執又開始過。

「點呀？其實你係咪同英琦復合？係你唔怕講，其實我同阿朗都係，我仲打算同佢再結婚。」





「妳到底講夠未？」

誰也知道，墨這種幼稚到極點的激將法聽來只覺可笑；但她總是鍥而不捨的重複著，讓人覺得氣餒。

它：「阿墨保護緊自己，呢種一聽就知係大話嘅廢話，你唔會覺得動氣掛？」

我：「我知道，我知道佢想講得誇張，就係想俾人知係大話。但係唔係用住呢個理由，就可以講盡天下所有難聽說話，而唔使理人感受？」

它：「你明白阿墨，點解唔試下說服佢？佢只不過係情緒問題。」





情緒…其實天下間很多大事，也是由情緒問題引發。阿爸是一個例子、墨也是一個例子，就連病危的子俊叔叔也是一個例子。但不是「情緒」兩個字，便可以橫行無忌。

這樣就來，只不過是將自己的情緒問題，轉嫁到其他人的身上，這樣好嘛？

太亂了，我不想再爭吵下去，正打算離開，我收到大哥的電話。

「純，喺邊呀？」

「大哥，我練完波，點呀？」

「阿媽話你同佢冇事喇喎，點解冇同我講嘅？」

大哥的聲音說來有點古怪，刻意壓得低低的，就像有人在旁邊。

「你把聲做咩事？你病咗呀？」





「唔係呀，我打俾阿媽。佢話同阿爸去咗食嘢，我咪返咗屋企先…﹝音線再壓低﹞不過我去到門口時，知唔知見到邊個？」

大哥這一問，真把人推到懸崖的盡處。

「邊個？」我閉上眼，不想是我心裡猜的那個人。

「係阿媽以前個男朋友子俊叔呀…我見佢喺我地門口望望下，請咗佢入屋企坐。」

我暗地拍拍額頭，心忖這次世界大戰要爆發了。但該做的事還是要做，我反問大哥：「咁阿媽阿爸幾時返？佢知唔知子俊叔叔上咗屋企？」

「我講咗，阿媽話同阿爸買餸，轉頭就返嚟。」

「得，我返嚟。大哥…如果子俊叔叔有咩講……你都係等埋我返嚟先啦。」





我掛了線，立即看看馬路上有沒有的士。我怎樣也猜不到，子俊叔叔的決心會這樣大。

他那天開出的條件，我最後也沒有回覆他。我不否認錢很吸引，但親情更加重要。我以為把事情再拖一下就可以解決，想不到垂死的人意志力會這樣強。

我沒有理會墨，忙於在路上找的士回家。墨走到我的面前，冷冷的跟我說：

「戴哲純，咁宜家即係想點？」

這時，剛好一輛的士來到。我打開門，想也不想地跳上車。

「分手啦。」的士離開前，我拋下這一句不願意說出的話。