誰能逼我將就: Ch.58

「姓李？七哥你肯定你朋友冇講錯？」我有點不相信，主觀地不想相信。

「唔會聽錯。」

「唔該哂，七哥。」

我坐在地上，有點兒慌了，這時我終於想起，這段日子內英琦跟我雖然沒有見面，但她偶爾向我打電話，查問我在那裡的回憶。

她是有意計劃這件事，上一次相約我在市中心見面的一切一切，都是為了這幾篇報導而安排的。八年感情，想不到最後會這個方式去對待大家曾經的關係。李英琦，數年前我對妳的事睜一隻眼閉一隻眼，妳有念過我為妳付出的情義嘛？





每當我心情起伏時，「它」又出來了。

它：「純，你認為將件事咁樣歸咎於英琦，係最好嘅嶵處理方法？」

我：「英琦係知道，佢係清楚我當年知道佢有第二個。我最後都原諒佢，佢有冇諗過呢樣？點解宜家可以咁樣去害我，我喺南華先啱啱起步，佢好清楚架！」

它：「你當年原諒佢，同佢今日所做嘅事係冇關係。」

我：「點樣冇關係？」





它：「當年你原諒佢，唔係知道你自己今日會識到阿墨，只不過係當時你自己唔想離開佢。如果用醜陋嘅講法，係你當年自己甘於忍受，唔敢去刺破一個有可能會拖垮你地關係嘅大話。」

「它」的說話，擲地有聲，我沒有反駁的空間。

它：「今日英琦嘅反應，係因為你嘅做法處理不當。你從頭到尾都冇去同佢搞清楚，點解你會去怪一個，你自己都知道有八年感情嘅受害者？」

我：「佢知道我事業有起色…咁樣做…根本就係想我死…」

面對「它」，我終於坦白地將自己所恐懼的事說出來。





它：「你嘅世界一早就選擇咗冇佢，點解你仲可以要求佢為你諗？」

大是大非之前，很多人的善意都會被劣根性所遮蔽。很多人在沒有利益時扮成一個大善人；到了關係到自己的好處出現時，反臉無情是很普通不過的事。

這段說話，我本來認為是英琦的寫照。但是，其實那是我，我戴哲純的自私倒影。

雖然事實有點難受，但起碼我已經知道了真相。這件事的後遺症，是我曾經一口咬定是向松朗做的好事。墨因為這事而跟我吵架，我需要向她說一句對不起。

但在我沒有找墨之前，大哥做了一件出人意料的事，他找了外公見面，只有我們三個人的會見。

荃灣的一間酒樓內貴賓房內，有我、阿公、大哥和榮叔。

「公公，我地有事想問你。」

「你地兩個係咪想問你地阿爸以前嘅事？」外公走路比我們過橋多，怎會不知道兩個外孫故意跑來老遠來喝茶是為什麼。





「公公，嗰日見到你咁嬲…我就知道有事。不過阿媽唔準我地問，但我地又覺得可能係大件事，亦都可能會幫到阿爸，所以我地先嚟搵公公你。」

「你地阿媽點會準你地問，你地兩個個老豆咁衰格。」外公一說起阿爸，火氣又自然的上升起來。

「點解我地由細到大，都冇見過你同阿爸好好地傾偈？阿爸其實都幾尊重你，雖然次次我地見你，阿爸都要去返工，但佢都會放低錢俾阿媽，等我地去同你飲茶。」我為阿爸拿點分數，始終我不想看見阿爸和外公的不和會升級。

「對我好有咩用？要對你地阿媽好先有用。」

「咁佢點對阿媽唔好？我地冇見過阿爸對阿媽唔好喎。」

「唔係宜家呀，好多年前嘅事喇…唉，阿公公都唔知點講喇。」外公愈說愈激動，我連忙走到他身邊安撫他。

「師傅，你小心身子呀。」榮叔在旁說，但外公又像個小朋友一般沒有理他。」





「公公，我同阿純喺床下底發現咗一張報紙，但阿爸唔俾我地睇。阿純話，見到報紙上面有阿媽個名…仲話係自殺！」大哥故意的說，我們都想看看外公有什麼反應。

「原來你地都知呢件事…咁快就三十幾年…」外公感嘆的說。