誰能逼我將就: Ch.09

唐爾墨突如奇來的一個訊息，教我又驚又喜。 

『咩叫掘蕃薯？』我打趣的問 

『鬼鬼祟祟去人地Facebook睇人地幾年前差唔多埋咗喺地底嘅嘢，唔係掘蕃薯係咩？』她回我，還搭上幾可愛的emoji表情。 

『哈哈，我見無聊咪睇下囉。』 

『喂，阿純，點解你facebook咁少相？』 





『我唔太鐘意影相，平時都係踢波練波，冇咩好影。』 

『都唔係嘅，影相係紀錄生活。就算幾悶都好，都係自己生活嘛。』 

『我影相唔好睇嘅…』 

『都話唔係好唔好睇，係紀錄。你唔好睇咪就係記低你唔好睇個樣囉。』 

閒談間，我突破了一個盲點。 





『係喎，點解妳又會知我facebook冇咩相？』 

『因為我都掘緊你蕃薯，哈哈哈哈。』 

我看著電腦，不斷的微笑，是那種，連自己也不知道在發出的笑容。 

『喂，純兄我出街喇，有緣再會呀。』 

『好呀，墨妹。』 





看著唐爾墨下了線，facebook那個在線中的綠點退散，我的心又閃過一陣落寞。
我人比較笨，對生活的很多東西一不了解二不研究，包括對自己的感覺。我只是覺得，在最近紛擾的生活中，彷彿只有唐爾墨的地方我才可以感到輕鬆。 

我繼續在唐爾墨facebook「掘蕃薯」，一直樂此不疲的翻過一張又一張。原來她去過很多國家，感覺上見過很多世面。對只有曾到泰國旅遊和到國內三水賽前特訓經驗的我來說，已經稱得上是一個旅遊家。 

我開始幻想，她曾經在旅遊途中，遇過那些人，吃過那些東西，還有猜測那裡是不是一個好玩的地方。 

一天後，大哥終於回到家裡，關於爸爸的退休大計，終於可以開一個家庭會議。 

不過，整頓飯過程中，阿爸也沒有說過一句話，除了「嗯」和「哦」。 

「阿爸，我同阿純傾過，以後我地兩個會加埋俾多二千蚊你做零用，咁你可以喺屋企休息下，又可以多啲時間陪阿媽。」大哥試探的問，但阿爸只是點點頭，沒有正眼看他。 

「係囉，咁到時你想接返戲做時，咪自己去過下日晨囉。」阿媽緊隨其後，跟大哥來個左右進逼。 





阿爸還是簡簡單單的「嗯」了一聲。 

大哥和阿媽看著我，期待我有第三波的進攻。 

但我沒有，因為我不太會說話，阿爸對他們兩個的反應告訴我，再多說也是徒然。只要每個月做足自己承諾的，阿爸自然有他快樂的日子。 

大哥和阿媽繼續有的沒的，說著一些退休後的好日子；例如可以隨時旅行，又或者是多些看看外孫女的建議，但都給阿爸敷衍的說過去。 

阿爸把飯吃完，便立即站起來伸伸腰，再準備離家外出。 

「我落樓下行下，你地慢慢食。」阿爸拋下一句，便關門離開了。 

我和大哥看著阿媽，阿媽臉上也閃過憂心的表情：「最近一個星期都係咁，食完飯就走人，說話都唔想同我講多一句。」 

那一晚，我跑到網上，查看一下男人在退休後面對的問題和案例。結果，把我嚇了一跳。