誰能逼我將就: Ch.05

「你望咩？」在周望傑問我的同時，房間內唐爾墨看到了我。她先是一怔，然後向門口的方向走過來。 

她打開門，禮貌的向我說：「戴先生？」 

「係係，妳好…唐小姐。」我有點尷尬，這尷尬出於我不知道自己為什麼尷尬。 

唐爾墨看看我後，又看看我旁邊的周望傑。 

「我叫周望傑，阿純朋友加隊友，佢話驚所以叫我陪佢嚟。」周望傑沒有等她開口，便得體的自動報上名去。 





「我幾時有話驚？你係咪覺得自己好幽默？」我輕聲的說，然後我看到唐爾墨笑了笑。 

我呆了，大概兩秒，然後又極力的將自己變回正常。 

「唔使驚呀，哈哈，我地只係普通講座分享，同班學仔講下運動員嘅諗法，自然少少就得喇。」 

「我知道我知道。」我點點頭，沒有再理會旁邊的周望傑。 

「我啱啱教完班，我帶你地去另一邊坐坐先，我執埋嘢就嚟照顧你地。」 





她帶著我們走到一個休息室，很快又離開了。 

「點解唔想嚟？」周望傑又問我 

「你講咩呀？」 

「咁靚都唔嚟？下次你唔想嚟你叫我嚟得喇。」 

「唔好亂講嘢啦。」 





唐墨爾很快便回來，向我講解今天講座的大概時間安排。我一直耐心的聽她說話，不知道為什麼，感覺有點怪。 

是一種沒有原因的奇怪，亦像是一種山雨欲來的奇怪。
「戴生，有冇嘢要問我？」在我完全陷入思維時，她瞪著圓圓的大眼問我。 

「哦…冇冇，我明白。」 

「好呀，同埋一陣完咗之後我地可以傾下…」 

這時，電話突然響起，是英琦。 

「唔好意思，我聽聽電話。」 

我拿著電話走到一旁，來一個深呼吸後才接下電話。 





「純，喺邊呀？」 

「準備做講座。」 

「幾時會完？你嚟搵我好冇？」 

又是這類接近命令式的對話，我開始有點反感。 

「我同阿傑一齊，可能會同佢去食飯。」 

「你日日都見到阿傑啦，你同佢講聲咪得囉。」 

「妳喺邊呀？」 

「我一陣會返屋企先，你上嚟接我好冇？」 





「上次件事都未有結論，我唔想上妳屋企住。」 

「過咗去咪算，你咁小氣做咩？」 

我沉默了，以前我會沒有表情沒有反應，可能會依她所說的，消化了便不生氣。但今次我不想再這樣處理，我有一萬個不願意。 

此時，周望傑從遠處走出來，揚揚手表示講座應該要開始了。 

「我講座要開始，我一陣先打俾妳。」我掛了線，把電話放進口袋，便上前和周望傑會合。 

「冇事嘛？」周望傑問我，我搖搖頭。 

轉了個彎，我已經看見唐爾墨站著等我們。她看見我，笑笑說道：「戴生，我地可以開始喇。」 





「係，我可以開始喇。」我笑著這樣說。