一個被MK妹改變既毒撚(修正版)新結局: 身世
明白到依家啲人咩都做得出所以都係早啲返房企
唔想人游水就賴屎，想食霸王餐就份嗌交
唉，我同呀思就坐車返屋企。
就快動漫展喇 唉屌 應該今日買衫仲黎得切
由於呀思屋企一個人都無 所以應該佢日日都黎做陪訓員
我地就上網搵衫 不過由於我心低內都係毒撚
呀思突然問我
「勤你最愛嘅動漫人物係邊個」
我沖口而出
「秋月愛莉」
仆街喇... 講左鬼父果個愛莉...
雖然我都知呀思一定唔知邊個係愛莉 不過都幾仆街...
佢好興奮咁講
「好喇我就出 愛莉喇」
我心諗仆街了
「不過勤 愛莉係邊一套野嫁...」
呀思問我...
我好細聲
「鬼...父...」
呀思繼續追問
「咩話？」
算 係唔係都要俾佢知...
「鬼父啊」
呀思個樣好迷惘好似唔知係咩
「鬼父係咩 恐怖片？ 愛莉個樣係唔係好得人驚...」
呀思拎出手機 係網上搵愛莉
「勤你睇都唔似恐怖片 愛莉幾靚仲好可愛」
唉屌 點樣婉轉啲同佢講係H卡通...
我靈機一觸就 開電腦桌面上嘅資料夾(聽陳蕾士之琴箏)
打開左一條片名為 【聽爸爸的話官方完整MV】
呀思望到就問
「周杰倫唱聽爸爸的話有二十幾分鐘咁長咩...」
「嘩 日版聽爸爸的話要唱成二十幾分鐘咁長」
呀思話
我擰一擰頭
「你睇埋先喇」
影片過左大約五六分鐘...
呀思開始變面
「勤 你唔好同我講 果個咩撚野愛莉係依套咸片嘅女主角...」
我點點頭
「嗯」
我覺得呀思一定會好反感 不過佢無仲話
「勤 就算係咸片嘅女主角 咁就一定有男角喇 所以咁我地咁可以一對」
好彩 我無俾其他集數俾呀思睇 因為有集係講愛莉變左二手貨 再加上 男主有好多條女... 唔係 第一集已經有兩條女...
如果係咁可能就會變成一個係晴 一個係思...
屌我洗唔洗問埋 晴COS唔COS
「嗯 思 我地係一對啊 如果你想 你今晚就係愛莉」
「你就想~」
不過過左一陣... 呀思好似再諗深一層...
「勤 ... 不過你都係強姦唔到我 嘿~」
屌又係強姦論
「得喇~ 思 」
「嘿~」
我地就網上訂左愛莉同孝三套衫
不過買完 呀思問我
「做咩唔買 夏娜果套...」
屌我點撚知
「唔買都買左囉...」
幾日。好快件衫就到左，我一早就出左去拎衫
我返黎之後，都三 四點，呀思仲訓到成隻豬咁 不過係隻好可愛嘅豬
由於我地沉日 玩得好夜 所以我諗呀思都好攰所以都無叫醒佢就等佢自己醒。
不過我老母好似都仲訓緊...
我同我老豆兩支公坐左係廳 對住個電視機...
不過無打開電視 因為個心已經知道電視已經無野直得睇喇
我老豆買電視嘅原因係拎黎打機。
我老豆打開問題問我
「仔 最近點啊 」
「你問邊方面 學業？ 定呀思」
「咁就睇你想講邊樣」
唉！ 我懂事之後我老豆好少同我坐係到傾計 對上一次應該都係二年之前
「如果想問我學業嘅話 我進步左好多 而愛情方面 我會對呀思不離不棄」
「學業進步你應該係你條女影響左你 如果唔係你個仆街仔點會讀書 以前人讀書你讀書 你就真係得個毒字 不過都好你大過喇 生性喇 我都放心」
「老豆 我都話你睇死我喇 不過我同呀思相處左好耐佢真係好女仔黎」
「咁洗唔洗互相見一見家長先 我都想多謝佢 因為佢教到個女咁好 我個仔先會生性」
「老豆 呀思佢 好憎自己父母 所以離家出走同佢自己呀哥住」
「唔通係近親相姦...」
「屌你咩 老豆你係唔係沉日同老母搞光纖工程 傻撚左啊 亂倫...」
「唔係啊 我話...唔係同佢呀哥係同佢老豆...」
「屌你咩 你咁兜有撚用咩...」
「唉仔...」
「思個處我破嘅 仲有血嘅 思佢係我嫁」
我老豆佢細細聲 不過應該特登俾我聽到
「超！ 大陸 處女膜手術 幾百都有」
我大大聲
「咩話」
「我話 呀仔你真係好野 我有遺傳 溝死女」
點解意思差咁遠
「有你遺傳 咁你又幫我買人壽保險寫你名...」
「嘩 屌 你出街...個樣...衰親人 之後可能會引到啲人係你塊面灑套拳 你又唔知你自己散 可能俾人打死 到時我地都有啲錢俾帛金你」
「屌啊 咁都得...」
「仔... 都六點喇 不如我同你出街買飯盒 睇下 我同你 條女都訓緊」
都好...應該買完返黎就訓醒
「嗯 好啊 老豆」
我同我老豆買飯盒嘅路程中 我見到 我老豆踩狗屎
「喂 老豆 你踩屎喎...」
「屌 踩左少少姐 唔緊要...」
嘩我老豆真係好野 踩屎就係踩屎 咩叫踩左少少 踩左少少唔係踩屎？
到左買飯盒嘅地方
我老豆好鍾意幫襯依間野 都幫襯左好多年
我老豆好純熟咁講
「靚女 我想要」
屌啊 我老豆洗唔洗啊 咁都要撩人地 人地個老公仲係 隔離斬叉燒 隻眼都紅哂 容咩易變左斬人...
老板娘都幾開心咁答 我諗都玩慣
「想要咩」
「靚女 今日有咩靚」
「叉燒喇 不過...」
「不過？」
老板娘 繼續
「不過 燒排骨仲靚」
「都唔夠你靚」
砰砰砰~ 砰 砰 砰 砰砰砰~
佢老公係到斬叉燒 斬到砰砰聲
點知我老豆話
「都係唔要喇」
就急急腳走左
「老豆 你做咩唔要 你唔係成日 幫襯依間咩...」
「仔以後 唔好再黎幫襯... 」
點解... 唔係成日幫襯依間咩...
「點解」
我老豆唔知做咩開始推理
「我諗啲叉燒 同燒排骨唔係 豬肉黎...」
屌叉燒 同燒排骨唔係 豬肉係咩肉啊...
「咁係咩肉啊 唔通係狗肉咩...」
「仔 我諗係人肉...」
吓 我老豆食撚左藥？ 傻撚左？
「人肉？」
「屌 呀仔唔好咁大聲 如果俾人知 我地可能會變埋乳豬」
「屌你咩老豆 點會係人肉啊」
我老豆翹手 好似好認真咁
「仔你諗下 果間野 唔係不嬲有兩個女人睇鋪咩 今日做咩得返一個...」
「可能病左姐...」
「都可能不過 今日老板娘 好似情緒亢奮 平時佢理都唔理我 不過今日佢不斷推銷叉燒同燒排骨 再加上叉燒 同燒排骨 都係燒出黎 佢用咩肉你點睇得出咩」
「可能真係好食呢 想你食完番尋味」
「都有可能不過 你見唔見到個老細係隔離斬叉燒」
「見到 咁又點...」
「砰 砰 砰聲喎 仔」
「因為你撩人條女姐...」
「仔 都講左你白痴 係摩斯密碼黎啊」
又咩撚野摩斯密碼...
「老豆你會唔會太...」
「三短三長三短」
老豆打斷我
「三短三長三短 咁係咩...」
「係摩斯密碼」
屌我都知係摩斯密碼 不過個摩斯密碼係咩...
「意思係咩啊 福爾摩斯」
「係SOS 姐係救命... 再加上佢隻眼紅哂 應該係沉喊過黎」
吓...
吓老豆你真係當左自己係福爾摩斯...
「唉 老豆你真係好有幻想力...」
我老豆笑而不語求其去一間買左啲餸飯返去
返到屋企，我見到我老母同我呀思傾偈，傾得都好開心。
之後我同我老豆聽到，佢地話我有我老豆遺傳，就係條腰唔得。
我真係好想知道佢地講緊咩，不過都算喇。
因為聽人講通常新袍同奶奶都成日鬧交不過好彩用唔到係我屋企到。
我老母同我講
「喂 仔 原來今日係呀思生日啊」
「吓... 唔撚係掛」
呀思好似無咩抱怨
「嘿~ 勤 唔緊要喇 生日咪又係咁 唔洗幫我慶祝嘅」
我明白到 呀思真係一啲都唔港女 所以我一定要補償俾佢
「嗯 咁好喇~ 生日快樂 思 有咩想要啊~」
思係我兩老面前話
「我想要你」
「唔得喎依一樣 因為思 我一早已經屬於你」
我老豆細細聲咁話
「依家啲青少年 真係直接」
我同呀思笑而不語
我諗返起套衫，我今日拎左返黎之後我放左入房，所以我就入房拎俾呀思當生日禮物。
我拎果一套衫出黎，俾左呀思。
由於我買果套唔係愛莉嘅校服而係愛莉嘅街衫。所以應該唔會俾我老豆老母知，
俾果一刻好地地，我老豆老母無發現有咩問題。
不過...
呀思話想試下著上身果下出事
呀思拎左入厠所換。呀思行開左之後我老母就問我。
「你狗人老狗去買女仔衫有無俾人當變態...」
我老豆果一刻幫我講說話
「咁你就唔好逼我幫你買衛生巾喇 藥房啲仆街真係當我變態 個仔錫條女咪買套衫俾條女囉」
我心低認同老豆但係講唔出口 因為我老豆真係變態...我依稀記得我細細個佢拎錯左我條底褲當係老母條底褲咁索 果一刻我已經... 都係無野喇
當呀思換好衫出黎果一刻。我老豆個樣無嗱嗱變得好愕然
「依個咪愛...」
「係啊 係充滿愛選擇出黎嘅衫」
我打斷左我老豆
由於我老豆都係影片鑑賞家，就岩岩佢講左個愛字之後我已經知道佢都係同道中人。
我唔知佢幾時開始由歐美變左睇動漫，不過應該都有佢嘅苦衷。
點知呀思唔知係唔係天然呆定咩佢唔知我岩岩幫佢打圓場
「嘿~ 係啊 世伯 係愛莉啊 」
我老豆單手搭一搭我膊頭然之後就對我會心微笑
「仔 你都得喇 我幫手開枱食飯先 你慢慢陪你個愛莉喇！」
佢就拖左我老母入廚房 拎岩岩買嘅飯盒出黎食飯 但我老母一直都好迷惘，應該都唔知果一套係咩黎。
我老豆老母從廚房拎出岩岩買嘅飯盒 同幾隻碗。
呀思開始習慣左我地屋企食飯。想食咩就夾咩 食幾多就?幾多。
我地買左芙蓉蛋 水煮牛肉 沙拉骨 同 京都骨
開飯喇~
我諗住伸出筷子夾沙拉骨嘅時候，我老母就叫停我。
「咪住 記唔記得今日係呀思嘅生日啊」
屌 呀思佢都講左唔洗幫佢慶祝... 女人真係好鐘意記依啲日子
咩生日啊 結婚週年啊 相識100日啊 屌咩都記咩都要慶祝 麻撚煩
呀思都唔好意思咁講
「唔洗喎伯母...」
我老母仲好意思咁話
「要嘅~要嘅 生日喎」
屌人地都講左唔洗...
我老母就走左去廚房
唉 就算點都好 都等埋老母先開餐
我老母同呀思講
「思 我搵唔到蠟燭」
之後佢拎出左一支香
「不過我搵到一支香」
屌啊... 搵唔到蠟燭就拎支香 我呀思未死啊 老母...
我老母就一野插入左個芙蓉蛋到點火
「喂唱喇 做咩唔唱」
屌 做乜鳩...
我老母帶頭唱
「happy birthday to you」
我逼不得已同老豆都一齊唱 而呀思都跟上
「happy birthday to you happy birthday to you happy birthday to 呀思」
「...Happy birthday to me」
唱完之後 我老母叫呀思吹熄支香。屌... 果支香黎...
尷尬到我想搵窿捐 果一刻我只諗起岩布仙尼
唉，唱完生日歌之後。呀思佢喊左出黎
屌一定係俾支香燻到喊喇 我就問呀思
「思 你焗親？」
呀思擰頭
「唔係啊 我只係...」
屌 唔係 燻到就一定係柒到喊...
我就同老母講
「睇下你 搞到人喊喇」
我老母就話
「關咩我事啊... 唔信你問呀思 關唔關我事」
屌好難唔關你事...
呀思佢點點頭
我就對老母話
「睇下佢都話關你事喇」
我老母無出聲，呀思繼續講
「我好感動 我從未有人同我慶祝過生日 更加無人為我唱生日歌 我老豆老母都未試過 我咁大個女都未吹過蠟燭 多謝你地」
我明白呀思嘅經歷不過佢果支係香黎...鬼節未到啊
我老豆就沖口而出
「你就時想吹都可以搵我 」
屌 老豆條女我嫁...
我指住舊芙蓉蛋
「嘩你睇下」
芙蓉蛋 黐左好多香灰係到 屌唔食得喇
不過都好 我老母夾左黐滿香灰嘅表面俾我老豆
「那 老公 我都想吹啊」
我老豆就掉哪媽 頂硬上一下食曬
食食下飯我老豆又再搬出今日單野出黎講
知唔知果間街市果面果間燒臘舖，可能買人肉啊
屌佢又想扮福爾摩斯
呀思聽到之後無表情咁問我老豆
「世伯 點解果間野係賣人肉...」
因為街市果面只得一間燒臘舖一講就知邊間
我老豆就講出自己嘅推測
呀思就話
「其實 果間野係我老豆老母開嘅 我本身有兩個老母... 因為係佢地係立法一夫一妻之前已經結婚
不過因為三個人嘅關係所以成日嗌交 我老母想我同老豆嘅第二個老婆嘅仔比
姐係我呀哥 所以就一直俾壓力我 要我讀好書 抺殺左我所有野 直到我呀哥同我都受唔住而對依個屋企反感 就一齊離家出走左
不過係我呀哥去旅行之前佢同我講 佢老母 因為病所以死左 」
我同我老豆好愕然 同父異母... 好似啲咩情節...
我明白喇... 今日係呀思生日所以佢老豆先好似喊完咁樣而佢老母就以笑隱藏自己。其實仲好掛住呀思。
點呢 幫唔幫佢老豆老母同返呀思相認好呢...
我老豆聽到之後有少少尷尬
「唔好意思啊 家嫂」
乜我老豆都識唔好意思咩...
呀思聽到我老豆叫佢做家嫂之後呀思面紅耳熱
「唔緊要 我都無放係心」
我老豆聽到之後好似放下左心頭大石可能佢驚俾呀思討厭
「思 你都可以當我係你老豆 我地屋企已經當左你係自己人」
屌 我老豆係唔係見到佢身上著左愛莉件衫就想做鬼父
呀思就微微擰頭話
「唔洗喇 世伯 你當返我係新抱仔就得」
我老豆好似有少少失望不過都話
「唔緊要喇 家嫂」
我地繼續食飯我夾左舊沙拉骨俾呀思
呀思食完舊沙拉骨之後嘴角痴左啲沙律醬，我望住呀思話
「思 你睇下你個貓樣同果晚一樣」
呀思伸條脷舔一舔嘴角。佢應該知道我講緊咩。
我老豆老母應該都知係咩，我老母有少少尷尬而我老豆就係到淫笑
因為啲沙律醬真係好似...
唔得我都好耐都無食過沙拉骨，我都要夾返一舊
我食完之後，我都俾呀思指出嘴角痴左啲沙律醬。
「勤 你睇下你 你同果時係長洲嘅朝頭早一樣啊 嘿~」
我諗返起果一次，我食返自己嘅精華真係想嘔
我老豆係我面前笑到好撚仆街，而我老母就好亢奮問左句
「呀思 果時係唔係你呀哥都有份去」
屌 係唔係所有女人都鐘意BL啊... 屌 我係你個仔你興奮啲咩啊 呀媽
呀思就話
「唔係啊 果次得我同呀勤~」
我老母就馬上表現出失望嘅表情
屌你 失望啲咩 我唔係斷背啊
食完飯 呀思就去幫手洗碗，我就去睡房執衫準備去沖涼
當我執完衫 岩岩好呀思都洗完碗
「勤啊~ 我又要一齊沖」
我就點點頭
「好啊」
我同呀思行入厠所果一刻俾老母見到就問
「你地一齊沖涼？」
呀思好興奮又好得意咁答
「嗯係啊 呀勤好衰嘅 佢係都要人陪 話驚厠所有鬼」
唔係掛！搞到我好似呃細路女一齊沖涼...
「唔係啊 呀媽兩個人沖可以慳水」
我老母唉左一聲
「後生仔始終係後生仔 都係急啲」
我只好一手拖住呀思 沖左入厠所
我同之前一樣坐左係張凳仔到
呀思好好純熟咁同我洗頭
純熟咁用陰力仔細控制手指頭按摩我嘅頭皮 好舒服如果十分滿分 我會俾十二分
洗洗下頭 我問呀思
「思 你想唔想同你老豆老母相認返...」
呀思開始沉默然之後
我頭上開始有啲唔同溫度嘅野滴落黎
唔洗望我已經知道 果啲係眼淚
我見呀思沉默所以就話
「唔想我都唔會逼你...」
不過呀思聽到之後就唔自覺用過大嘅力按摩我嘅頭皮佢應該好緊張
「勤... 係唔係真係...」
係喎我好似逼緊佢...
「係啊 我真係唔會逼你」
呀思佢應該好慌張因為佢依家已經唔係按摩而係打我個頭
「勤... 唔係啊... 係唔係真係可以幫我...」
「係啊 如果你想 我一定會幫」
我另轉頭我發現果啲唔係眼淚而係鼻涕
原來係鼻涕... 原來呀思自己都唔知 都係等佢自己發現 過左一陣
唉 佢終於見到就即刻拎水沖走
「對唔住啊... 我太...」
「唔緊要喎 我之前都講過 無論係你嘅口水鼻涕算係屎 我放入口 都會感覺得無問題嘅 更何況只係個頭到...」
呀思幫我沖完水就拎左支野護髮素同我再過多次水
不過佢幫我卒護髮素果時我已經知道有問題...
做咩支護髮素有磨砂...
我叫呀思俾我睇睇支護髮素... 原來果支係洗面膏黎...
嘩！ 啲洗面膏慢慢流落黎。
嘩！ 入左眼。
我就卒眼喇。唔卒由自可 一卒就把鬼火
果啲沙粒同我隻眼摩擦 真係好痛 我忍唔住流下左我嘅男兒淚
呀思見到我咁就話
「傻瓜你用水沖咪得~」
係喎 用水沖流咪得囉 咁我岩岩咪蠢左
我拎起花灑諗住沖走喇 點知教大左個力度啲水直接射向眼
本身都無咩事 點知 射左粒沙入左眼角
我再要流下男兒淚先可以沖走 粒沙
之後呀思對住我
「嘿~ 對唔住啊」
唉見到呀思咁得意都廢事鬧佢
「思~ 之後到我同你洗頭」
到呀思坐落張凳仔到
「勤~ 我知道你唔會咁少氣嘅」
我笑住對呀思講
「我一定會錫住你 嘿~」
呀思好放心咁坐係到
好香~ 呀思嘅頭髮好香 係茉莉花味
「思 你頭髮好香」
「嘿~ 係咩 好香咩」
我伸個頭埋去佢耳邊
「思 真係好靚 好香 好柔順」
「勤 支洗頭水你呀媽都有用」
「係咩... 思你知唔知茉莉花花語係清純 貞潔 質樸 玲瓏同迷人 同你一樣」
「衰人~」
我都係唔玩喇 認真幫佢洗頭
我幫呀思個頭按摩
我都知道我洗頭啲力道用得好
禁得呀思好舒服
「勤~ 勤~ 大力啲 落少少 係喇 係喇 呀~ 啊~ 好舒服啊~」
呀思不斷咁呻吟
今日係呀思生日就當佢女皇喇 我幫佢洗完頭之後 幫佢背脊按摩
不過呀思主動問我
「勤 你想點樣幫我 佢...地應該憎我」
「點會 你點都係佢地個女」
「放心喇 我幫你喇~」
我拍呀思背脊俾信心佢
沖完涼喇~
我老豆老母坐左係到話
「仔 點啊 係浴室做泥工」
屌啊 做乜野泥工啊...
「咩啊 我唔明喎」
不過呀思就係到面紅唔出聲
我老母就話
「估唔到你話 驚個厠所有鬼喇 原來驚到想搵窿捐 怕隻鬼搵到」
屌啊~ 我地都無...
「無啊... 我地只係... 沖涼」
我老豆就搭我膊頭
「明白嘅 岩岩厠所啲啪啪聲同咩大力啲 只不過係我地兩老嘅幻聽」
呀思竟然話
「你地無聽錯 勤佢搞到我好舒服」
屌啊 咩叫搞 係按摩...係按摩...我一手捉住呀思 沖左入去睡房
我同呀思同床睇住佢訓係我隻手到個樣好放心 好舒服
佢真係好可愛，我開始理解到佢做咩成日都想我俾人誤會
因為佢想俾人知我同佢係情侶，所以先咁做。
可能因為咁做所以先有安全感，唔想我做其他女人嘅囊中之物
又或者... 真係覺得好玩。
雖然我隻手真係好痺...
不過都算，照訓
好快我就訓著左，我又開始發夢...
又係依個草原？我眼前又係有一棵樹，樹下面又係有個女人企左係到。
我已經意識到依個唔係夢咁簡單而係呀杞有野同我講
我走向個呀杞到。
「杞 做咩啊有野搵我？」
「係啊 晴佢有野搵你」
「晴？ 有咩事」
「我都唔知 我只係傳話 聽日早上十點去到你留下果間柒仔到等」
「嗯 知道喇 你又可唔可以幫我傳話返俾佢」
「好啊 雖然我唔想做傳聲筒」
「係喇 未來大神仙 叫佢聽日到我屋企幫我整蛋糕得唔得」
「應該得 因為呀晴佢成日整蛋糕俾我食 好好味嫁」
「你估佢屋企仲有無多材料 可以借俾我」
「嗯 我睇應該有 因為真係有好多 我係時候要走喇 你慢慢訓喇」
呀杞講完之後就走左。
夢中幾分鐘，現實幾個鐘
我扎醒左 見到個鐘四點 因為我就怕起唔到 就教鬧鐘再去訓過
鬧鐘準時九點半響。
(鈴~鈴鈴~鈴~鈴鈴鈴)
我一野禁停個鐘唔想嘈醒呀思。
我換好衫落街 岩岩好係十點而呀晴都好準時係柒仔等我。
我見到呀晴雙手都拎住一袋二袋我諗返起。
我同呀思表白果一日，我同果次一樣唔想個女仔拎咁重嘅野
就伸出因為單身數年而強壯嘅右手。
「晴 等我幫你拎」
「嗯」
我同晴前往我嘅屋企路途中我諗返起沉日呀思叫呀杞係夢中搵我
「晴 你搵我咩事」
「勤 我咪話你之前有個大劫嘅 原來我算錯左」
吓 呀杞單野都唔係大劫？
「長洲果次唔係？」
「唔係 你同呀杞只係人生中嘅緣分 而我再認真睇睇 原來你係飛蛾撲火之相
唉是福不是禍，是禍躲不過」
咩野係飛蛾撲火之相啊 果次仲唔撚係大劫？
「大師咩係飛蛾撲火之相啊」
呀晴面無表情咁講
「如飛蛾之赴火，豈焚身之可吝 」
屌 講人話得唔得啊
「姐係點啊 大師」
「自尋死路 引火自焚 禍福有因 自作自受」
吓唔通我會自殺 唔好玩喇 我依家咁幸福 唔會自殺嘅
「有無得化解啊 大師」
「有 只要你 唔好做住何野就會無事」
屌嗱星，我都知唔做野就會無事 好似唔出街就唔會俾車撞咁
「哦 原來係咁」
我同呀晴一齊搭升降機上我屋企，到左我門口我打開門我見到我老豆想街
「早晨 世伯」
呀晴見到我老豆就馬上打招呼
我老豆露出邪惡嘅冷笑
「勤 依你就係呀勤成日講果個女朋友？」
屌啊老豆 我條女係房到訓緊教啊
「唔係啊 同學黎」
呀晴就好識做咁
「我同呀勤 只不過係同學 佢講果個應該係呀思」
我老豆對住我笑
「仔 你果然有我遺傳」
仆街 你兜成個大圈黎讚自己果然好野
「唉 我當然有你遺傳喇 遺傳左你啲窮啊 老母呢」
「出左街飲茶啊 我依家都要出去」
講先佢就一支箭咁沖左出去
我叫呀晴跟我入廚房準備整蛋糕
呀晴問
「做咩無嗱嗱要整蛋糕」
「沉日係呀思生日 我又唔知所以我要補償返佢 想整個蛋糕俾佢」
「哦 咁開始喇」
開始打蛋喇 (啪~啪啪~啪啪啪~啪)
「勤 你識唔識嫁 搞到我成身都係喇」
「唔好意思啊」
有啲飛左去呀晴塊面 由於落左糖嘅關係 呀晴舔一舔嘴角
「好甜啊」
「係咁架啦 落左好多糖」
開始放入焗爐喇 個蛋糕係焗爐入面慢慢變大 呀晴又話
「入面好熱 慢慢變大」
雖然好似無咩問題，不過好有意淫
「晴 我去厠所先 方個便」
我行出廚房見到呀思坐左係地下喊，我當然上前果呀思咩事
「傻豬又做咩喊啊」
呀思好嬲，咁勁大聲咁話
「你同個狐狸精係廚房搞咩啊」
唔會掛整個蛋糕都會咁？
「整蛋糕姐 呀思」
「整蛋糕？ 你當我傻嫁？ 整蛋糕會啪啪聲？ 整蛋糕會成身都係？ 整蛋糕會好熱 慢慢變大？」
因為好大聲嘅關係呀晴出左黎
「做咩啊 呀思...」
我明白了 原來只不過係一個美麗的誤會
「思 你誤會喇」
呀思望住呀晴
「你贏喇 你贏左喇」
講完之後呀思係到喊到收唔到聲而呀晴就走左入廚房
我抱住呀思 佢嘅眼淚令到我嘅背脊變到好似瀑布一樣
「思 你真係誤會喇 啪啪聲只不過係打蛋嘅聲 我唔識打 所以打到晴成身都係
放個蛋糕入焗爐到當然會熱喇 之後個蛋糕會脹咪變大囉 你真係誤會左喇 我叫呀晴黎只不過係想整個蛋糕補償俾你生日啊 思」
呀思聽到之後就收左聲
「真係？」
「係啊」
講完之後呀晴拎出已經裝飾好嘅蛋糕，上面寫住(思 生日快樂)
呀思又開始流起淚上黎。
晴走過去思後面拍拍佢背脊
「思 我唔係啲搶人男朋友嘅人所以你放心」
呀思佢開始回復返情緒
「對唔住 我誤會你」
晴就開始微笑
「唔緊要喎思 如果你真係介意 我可以消失...」
「唔洗啊...」
我扶起呀思
「睇下 我都話晴係好人黎」
「嘿~ 得喇 我知道喇火頁」
「咩係火頁啊」
「煩啊」
我 思 晴坐左係食飯枱食蛋糕
思突然提起過幾日就係動漫展
「晴 過幾日就係動漫展 你有無興趣一齊玩」
岩喇...鬼父果一套野係兩姊妹
「咪係囉 可以一齊玩喎」
晴諗都唔洗諗就拒絕左
「唔喇 依個假期 我得今日得閒 多謝你邀請我」
食食下蛋糕，突然我老豆老母返黎。我老豆好似食左白粉咁
「呀仔 你係唔係走左去賣屎忽」
吓...果撚野賣屎忽啊
「咩啊 老豆你講清楚喎」
呀思佢插左句
「雖然我鐘意BL姐 不過你都唔洗咁偉大為左我去改變...」
屌啊！ 發生咩事...
我老豆拎出我銀行發出嘅月結單
「你睇下 如果你條仆街係唔係賣屎忽 點會有10萬幾」
呀晴從沉默走出
「世間陰陽五行 乾道成男 坤道成女 勤同學估唔到你...領悟左太極」
屌啊有五萬係冰火版真天魔透明公仔 有五萬係思哥俾我...
「仆街老豆有五萬係冰火版真天魔透明公仔」
我老豆戚眉
「仲有果五萬呢屎忽仔」
唔通依家爆係思哥俾我照顧呀思咩...
「我... 賣左啲公仔」
我老豆手指 指住我好有氣勢
「咩野公仔可以賣到五萬啊 你唔好當我傻喎 屎忽仔」
竟然則問我... 你估玩緊逆轉裁判咩
「屌你咩老豆 一開始果個冰火公仔都賣到 五萬喇」
「又好似係... 又好似好有道理...」
一場小風波過後
晴話
「時間都唔早喇 我都係要走」
我睇一睇個鐘
嘩依家先一點 咩叫唔早
「咁好喇」
呀思就去執碟
「勤你送呀晴喇 我執好個場先」
「咁好喇」
我同呀晴搭升降機落返去樓下，呀晴捉住我隻手 好似放左啲野落我到。唔會掛...講一套做一套。
呀晴突然鬆開手。我望一望真係放左啲野，係一個木製造嘅小令牌，唔通又係果啲咩護身符。
「晴咩黎 又係護身符？」
「唔係啊 依個係杞嘅魂魄」
魂魄？俾我做...做乜野 唔通叫我果啲咩養鬼仔類似嘅野？
「做咩俾佢個魂魄我 佢唔係申請做神仙咩」
「係就係 不過我有事要去處理 帶唔到佢去 所以我又怕佢悶 就張佢俾你喇 好好同佢相處喇」
不過應該都無咩問題，因為話哂都係思個呀嫂再加上佢有野拜託我做
「好喇 咁就放係我到喇」
你幾時會接返佢啊
「暑假之前喇」
「嗯 好喇 你放心去喇 晴」
其實我接到令牌果一刻已經感覺得到呀杞企左係我背後
「杞 多多指教」
「嗯 多多指教」
「晴 依家其他人睇唔睇到呀杞」
「你大可以放心 係睇唔到 睇到嘅誘因 係有物件嘅聯繫 同係鬼沖滿殺氣嘅時間再加上果條友嘅三把火熄滅的時候 之前咪同你講左囉 無記性」
屌 你之前都唔係咁講... 殺氣？都係問清楚好
「對唔住囉 係喎我係唔係依家都見到呀杞喇 點知佢幾時有殺氣...」
「鬼嘅殺氣 大可以用顏色分嘅」
依家呀杞係白色衫應該都無咩事嘅
「白色姐係無殺氣？」
「算係喇 鬼有 灰 白 黃 黑 紅 青 不過黃 黑你唔洗理 如果你見到紅色就係有殺氣 而青色就姐係佢已經嬲到不得之了 一定要殺到果個人 不過杞佢申請左做神仙 就應該會忍住 因為一有殺意就會俾人取消申請」
「哦 明白哂」
好喇 我送走左呀晴 我就同呀杞就返上屋企