《928快樂》: 2014.09.27｛3｝

開始有義工來派口罩、保鮮紙，說是用來防護胡椒噴霧的傷害。
再隔一會兒，集會人士就分成了幾批，分別守在添美道、中信大廈、政總門前、天橋等地方與警抗衡。
天橋上的人開始被包圍，突然傳來一聲「有冇人有哮喘藥呀？」，人群立刻像學舌鳥般重複喊著
「有冇人有哮喘藥呀？」
「有冇人有哮喘藥呀？」

阿賢大聲叫喊說「我有！」，然後立馬站起身衝上天橋。隔了大約十分鐘，阿賢似哭非哭地走下來，我看見那哮喘藥還在她手上。
「佢哋唔畀我送藥呀！班人係咪癲㗎，死人咁點算呀？！」

經過幾輪與警對峙後，我終於明瞭，眼前這群警察已失去理智，竟然拿出對付罪犯的姿態對待我們。無論我多不願意，我想也是時候將「我們」和「他們」分成對立面。





接近凌晨兩點，戴耀廷宣布佔中提早啟動。電話傳來子軒的訊息：“變咗佔中走得啦？犯法㗎，唔好再留喺嗰度啦”

純粹的學生運動被佔中三子騎劫，其實我也萌生離去的念頭，卻因為這則訊息而變得堅定，決定留下來。不是要故意跟他鬥氣，而是現場在高叫「學生無罪，聲援學生」和「梁振英下台」等口號，又令我想起以前的我們。

“仲記唔記得我哋第一次去街係去七一遊行？”“咁又點？唔好攞嚟比啦，而家我冇可能再陪你癲喇”
“我都知所有嘢唔同晒呀，冇得返轉頭喇，咁你會點揀吖？”
“揀乜呀⋯⋯”我抱著背包躺在政總前的石壆上，看著那最後一個訊息，累得昏睡去了。此刻的精神和體力，實在不夠支撐我去想出一個答案。
.
.




.
（待續）