《928快樂》: 2014.09.26｛1｝

晚上接近十一時，我終於拖著疲憊的身軀下班。經過連續十幾小時的奴隸式工作後，我現在只想跟男朋友好好吃一頓飯。不，我的要求更簡單，只讓我跟他通個電話，發發牢騷也就夠了。
「你所打嘅電話暫時未能接通⋯⋯」
對呢，他在上班。都忘了。

「喂阿賢？你喺邊呀，出嚟飲杯嘢吖。」
「許晴你唔係呀？吖，你又啱啱放工呀。」
「做咩把聲好似嬲咗我咁嘅⋯⋯」
「唔係。我而家喺政總。」
阿賢是我由細玩到大的好姊妹，遇上我的優柔寡斷，她的直率剛烈總像個巨人般，守護著我人生許多個大小決定。
「係喎罷緊課喎！我掛住搞公司個死人Annual Din連新聞都冇睇幾日呀，而家咩環境？我即刻嚟！」




帶著焦急的心情坐上地鐵，這段由銅鑼灣至金鐘的路程變得很漫長。
然而陪伴我的，是臉書上一段段讓人忐忑不安的留言。

“同學們，對不起，我們來晚了。”
“POLICE HAVE GONE CRAZY!!! WE HAVE TO STOP THIS HK PPL”
“噴胡椒？公民廣場係屬於所有公民㗎！”從金鐘地鐵站走出地面，向著政府總部的方向，沿途聽見有人在喊口號：「釋放學生！公民無罪！」熱血得讓人頭昏腦脹，雙腳一軟。但我內心卻有股甚麼在上升，推使我用力抬腿往前行。

「許晴！呢邊呀！」
「阿賢！喂我買咗豬柳強呀，你應該未食嘢㗎啦？」
「好滾動呀⋯⋯唉我哋咁耐冇見，竟然要喺呢度食豬柳強。正一仆街政府。」




「我睇到facebook有人話出胡椒噴霧喎，做乜事？」
「頭先黃之鋒佢哋嗌話要重奪公民廣場，跟住就爬欄杆嘞，成班差佬即刻喺後面衝出嚟，個樣勁兇狠！又打又抬，噴晒胡椒噴霧唔畀人再爬入去囉。」
「吓咁而家班學生呢？」
「咪喺入面囉！上晒手扣喇。」
「嘩佢哋當班學生係犯呀？」
「痴孖筋，班差佬一個二個都冇腦㗎，走去做政府機器！」
「嗯⋯⋯」
「Shit，sorry呀⋯⋯我講佢哋咋，唔係個個差佬都係咁嘅⋯⋯」
「哈哈冇嘢喎，我信我個維園阿伯。」
阿賢口中的政府機器；我口中的維園阿伯，正是我的男朋友——此刻正在當值的警察男朋友。




.
.
.
（待續）