【我在IG Shop買了一個流星少女】: 序章

序章
 
        係每一個人既一生裡頭，總會有一段少盛追夢既日子，叫做「青春」。
 
而係每一段青春裡面，總會存在住一個「流星」般既愛情故事。
 
------雖燦爛美麗，卻一閃即逝。
 
回想起那個屬於我既青春故事之中，當然都曾經發生過一段難忘既愛情。
 




「流星少女」，就係當中既女主角。
 
我諗呢段回憶，大概可以從我中五升中六既暑假開始講起。
 
那年暑假，那天晚上，那段回憶，那個……
 
妳。
 
「既然係咁，好啦！我地之間既協議成交！」妳望住我笑了一笑。「多謝你惠顧Meteorlass，買左我呢個流星少女！」
 

「小姐，呢D係叫做『收留』而唔係『買』囉好無！」我裝作沒好氣咁講，但內心卻有一種異常既跳動。
 
「又係喎可？Hehe……」妳伸一伸脷。「咁……多謝你同你細妹肯收留我！係呢，其實我都未知你叫咩名。」
 
「我？」我望住妳既雙眼講。「我叫馬家樹。」
 
「哈哈，你個名又幾好聽喎！」都唔知妳係玩野定真心咁講。
 
「你好！」妳與我對望著，莞爾一笑。
 

「我叫劉星瑤，多多指教！」
 
 
 
 
 
『妳係咪來自星星架？』
『你睇得太多電視劇？』
 
『不過，其實我就係一粒星星。』
『一粒……流星。』