狼人遊戲: 第二十五章 意外
狼人遊戲 第二十五章 意外
8月25日 遊戲第九日 09:30 九記中學
這一天終於來臨了，按照著昨天的指令，這一切，都會在今天來一個了斷。今天的命運，會是所有人順利離開遊戲...還是血流成河的收場？？一切..也很會知道！！
我和小柔一起踏進了九記中學，這九天以來，我的好友一個一個地在這操場上死去。這個陪伴著我們成長的操場...我們以前每天早上集會的地方...這幾天以來跟戰場沒有任何差別...
突然！！手機收到了一條短信，原來是小柔發過來
『不好意思，現在才發給你，我查到了各人的出生日期，不知道對你有沒有幫助』
1火山----10月25日 11小君---3月13日 21朗仔---7月24日
2阿誠---2月16日 12瀨屎---9月23日 22傻強---10月13日
3阿風---11月24日 13思浩---10月30日 23紫芊---9月26日
4翠兒---5月7日 14Bosco---8月11日 24吹波---8月2日
5肥龍---1月19日 15子俊--- 4月18日
6小柔---7月17日 16排骨---11月29日
7天佑---6月29日 17樂思---1月5日
8 Winkie---4月29日 18娜姐---1月16日
9栗子---12月28日 19大舊---5月14日
10 Coie---7月3日 20巫婆---5月29日
出生日期？？看來沒有甚麼幫助。不對！令我想起一件事，還記得有一個回合，指令中要雙子座，射手座，獅子座，白羊座才可以投票
我連忙打開了星座的列表查看，再對一對各人的星座。突然，我發現了一點東西
還記得那時候投票的人只有吹波，子俊和排骨，因為他們三個都是這4個星座的人。那時候射手座的阿風和獅子座的Bosco已經死了，所以不能投票
但有一個人，明明是這4個星座的人其中一人，為甚麼她不去投票？？她明明應該對星座最為了解，為甚麼她要這樣做？？
20號..雙子座的巫婆
她有別的原因？
不經不覺間，時間應該到10時了，狼人這次對像會是？
所有人的手機都震動了
《狼人殺戮已結束，今次的死者是4號玩家"翠兒"，其身份是"吹笛者"，死者可以有2分鐘時間的遺言！》
為甚麼..為甚麼會這樣..為甚麼狼人會知道翠兒是吹笛者！難道，我們隊伍之中有內鬼？？還是巫婆她...上個回合施魔法的人是巫婆，巫婆看見了所有中了魔法的人沒有翠兒，難道她是狼人跟村民的情侶？
「我都估到會係我，我呢個身份...跟本就係所有狼人追殺嘅對象。可以活到今日，我都已經好好運」翠兒
「翠....翠兒...」天佑
「天佑，記唔記得你尋日應承我嘅事...」翠兒
「我....我記得.....」我
「希望你可以做到...」翠兒
「吹笛者都死埋，今次我地一定要玩到最後啦！！」巫婆
「我地...離開呢個遊戲嘅希望...無咗啦」小君
時間一分一秒地過去，翠兒也像之前的人一樣，面色慢慢變白，慢慢地沒有了知覺
眼睜睜地看著朋友死去，完全無能為力，為甚麼每次，也只能這樣做。難道，我的計劃一直都被狼人看破？我一直被他玩弄著，我...也要死在這裡嗎？？
不對！現在要做的事...不是害怕，而是面對！我要把所有狼人都抽出來！第一個要抽的..就是她！
「大家聽住！Coie係臨死之前，我已經通知佢預測咗邊一個係女狼人，果個人就係Winkie！」我指著Winkie說到
「天佑！你唔好成日覺得你自己係大佬先得，你成日話Coie將所有情報都俾晒你，又話自己係'白痴'，叫所有人相信你。大家試諗下，如果天佑佢係一直同狼人合夥嘅情侶，到最後死嘅...都係你地！情侶到到而家一直未出現！而天佑，一直你都係想控制大家！所以...大家千其唔好聽講！」Winkie
「大家唔好相信佢啲鬼話！佢可以連自己好朋友Coie都殺死。我已經知道晒我組隊入邊組員嘅身份，上個回合只剩下你同巫婆非我地隊嘅女生，而家阿誠當時講過，狼人係4男1女，只要Coie預測你地其中一個女生..就可以知道邊一個女生係狼人！」我大聲地說
「哈哈哈！呢啲一直都係你片面之詞！再加上，你點講都無用，因為...唔係剩係得你識組隊，我都識。哈哈哈哈」Winkie
「你....組隊....？」我
「我唔怕同你講埋，而家我地隊入邊有我，思浩，吹波，巫婆，同埋你地剛剛跳槽過嚟嘅傻強！！哈哈哈，呢個回合，你唔可以再話事啦！天佑！」Winkie
「傻....傻強...你....」我
「天佑，你真係覺得你可以控制個遊戲？」傻強
「..........................」我
「無錯...我係入咗Winkie果邊！！」傻強
「傻強..你...」我
「哈哈哈！！唔好講咁多廢話啦！投票啦！我地今個回合要處死嘅..就係小柔！！佢同天佑跟本係一夥！而且仲好大機會係情侶同狼人！」Winkie
「我....我...唔係狼人....大家信我啊...」小柔
「你地要殺就殺我！做咩要殺小柔！」我
「殺你有咩用！你呢個白痴！我地而家係要抽出女狼人！」Winkie
「停手啊！」我
眾人都按下手機投了票
「哈哈哈哈！我地就睇下你地呢對愛人點樣死！」Winkie
...............................................................................................
「睇嚟所有人都投晒票啦啵....思浩....你無忘記我地嘅約定吧....」傻強
「當然無啦....我地係好朋友嚟！」思浩
「你地....係度講緊咩...？」Winkie
「Winkie...今次輸嘅係你.....」傻強
「吓..！！」Winkie
我說「傻強其實係同我一早夾好晒，佢跟本無跳過去你地果邊...佢只係過去你果邊視察環境，真正目的，係將你地啲人帶過嚟！思浩....好多謝你相信我地...小柔，小君，傻強，思浩，我地而家有4票...4對3！！Winkie...你今次輸咗啦！」
Winkie「唔通....思浩你.....你已經同佢地？？」
思浩「.................................」
「你....你地.....無可能.....無可能會咁....我唔會死嘅」Winkie
這時，巫婆突然大聲說到「喂！你地究竟係度攪乜嘢....做乜要跳來跳去！玩無間道啊！咁樣好易出事架麻！」
出事？....為甚麼巫婆會說出事？？
就在此時...各人都收到了短信...看來是投票結果...我連忙一看...這投票結果...令我萬萬也想不到......
「今次投票已經結束， 今次的投票結果是:和局」
和局...？為甚麼會是打和，我再往下一看....
「以下投票的玩家:6號玩家小柔投票對象有 8號玩家Winkie 13號玩家 思浩 20號玩家 巫婆 」
思浩投了小柔？他不是跟我們一夥的嗎？為甚麼他要這樣做？我再往下看..
「以下投票的玩家:8號玩家Winkie投票對象有 6號玩家 小柔 11號玩家 小君 22號玩家 傻強 」
為甚麼會變成3對3的投票結果....少了一個人...吹波！為甚麼他沒有投票...
「所以....今次處死玩家是20號玩家巫婆...其身份是『替罪羊』將被受予火灸之刑」
！！！！！！
巫婆...是『替罪羊』？
「都.....都...話會出事架啦。你地做咩跳嚟跳去啊，好地地唔好嘅...明明組咗隊架麻...明明5對2架麻，點解而家會變成3對3！！點解會咁架！！」巫婆
傻強「思浩！你唔係話幫我地架咩？？明明尋晚我地約好晒架，點解你會幫Winkie架！」
思浩「我由始至終都無相信天佑，我只係口頭應承你，你真係當真」
傻強「你.........」
「仲有....我想講......我....明明有投票架。但...但..點解....無顯示我個名嘅，無理由架」吹波
吹波剛剛是有投了票？如果他是說真的，為甚麼系統沒有顯示他的投票結果，難道是系統出錯？這個系統也會出錯的嗎？？如果他是說假話，為甚麼他要這樣做？這回合，我真攪不清楚了。但現在結果就是3對3，這回合要死就是巫婆..？
對了..如果巫婆是『替罪羊』的話，那今早關於星座的疑問也相對解開了。因為如果是『替罪羊』，她要做的是令每個回合投票的人數是單數，才不會出現打和的情況，巫婆她對星座這麼熟悉，她那回合推算到是4個人可以投票權，所以她選擇棄權票，目的是不要令到有單數投票者出現
就在此時....發生了我不想見到的情況，也是我們意料之外
「夠啦！你地玩夠啦！！呢個又玩無間道...果個又話手機投唔到票！」巫婆憤怒地叫到
「我....我真係...有投架......」吹波
「收聲啊！而家死嘅人係我啊！你地開心啦！」巫婆已經哭起來了
「我...我地都唔想....我只係想抽出狼人.....」傻強
「夠啦！你地要我死啊麻.....好....我要你地同我陪葬！」巫婆憤怒道
陪葬？難道？
「『替罪羊』有個效果，就係如果『替罪羊』被處死，佢可以令到一啲人係下一個回合冇投票權」巫婆
沒有投票權..難道？
「你地夾埋想我死啊麻！好....我而定就要你地陪葬，我而家宣佈：下個回合，所有人都會無得投票！哈哈哈」巫婆激動說
不是吧！所有人也不能投票，那豈不是....我們只能被狼人殺？
「巫婆...你冷靜啲...我地真係唔係想你死架」小君
「你地呢班人，假仁假意，明明我占卜到自己可以平安無事，點解...點解會出錯...點解...會攪成咁！」巫婆
「巫婆！你快啲改返個決定啦！無得投票...我地好大鑊架！」思浩
就在此時...巫婆的身體慢慢開始出現火焰
「哈哈哈...你地全部都要死。哈哈哈..你地全部都要陪葬！哈哈哈哈」巫婆
「......................................................」我
烈火慢慢地在巫婆身上燃燒，她的笑聲慢慢地變為慘叫聲，再慢慢地消失在火焰中
「吹波！做咩唔投票？你係咪有啲咩陰謀！」傻強
「我....真係有投....唔通係系統出錯？」吹波
就在此時，各人的手機又收到了短信。對了，接著便要直接開始下一個回合，我看下手機，是兩條訊息
『由於『替罪羊』許下詛咒，所以這個回合所有玩家都不能投票』
我再看第2個訊息
『本回合的指令:洪水來了:女玩家和男玩家分別躲到兩個不同地方避開洪水，狼人必須要在他們避難的地方各自殺人一個人，村民也可在他們避難的地方各自投一次票』
這指令....是說男和女分開各自進行一次遊戲？