狼人遊戲: 第二十四章 禮堂
狼人遊戲 第二十四章 禮堂
8月24日 遊戲第八日 12:45
「喂！你而家係邊度啊...？」我
「我返咗去中學.....」女子
「下...？你返返去九記？」我
「唔係...我係返返去我中六中七果間學校....」女子
「我無記錯....你果時好似讀喇沙....」我
「係....你有事搵我嘅...就過嚟啦....我而家係喇沙書院嘅禮堂....」女子
「好....咁我而家過嚟.....」我
我到了喇沙書院...正好今天是星期日...不是上學時間..不知道她為甚麼在這個時間來到了這裡...究竟是甚麼事情...畢竟...現在已是生死關頭....
如果事情順利的話....我們很快便可以離開這遊戲....
我走進了喇沙書院禮堂...禮堂很大....但沒有人在...我很少接觸學校的禮堂...畢竟九記中學沒有這設施....
我看見翠兒一個人遠遠地站在禮堂演講台上....她面前擺放著米高峰...難道...她準備對著沒有任何人的禮上演講？
「你一個人係度做緊咩嘢啊？」我
「我係度幻想緊我嘅歌手夢....」翠兒
我記得在九記中學讀書的時候...翠兒便很喜歡唱歌....就算有時和我們吃飯時有空便會唱起來...那時還開玩笑她跟吹波很登對....但在我和她5年的中學生涯中...她沒有參加過學校的歌唱比賽....可能是因為她沒有膽量吧....但之後就傳出她差點兒就踏上了歌星之途呢....
「我由細到大都好中意唱歌....但我係九記中學果時我好無膽...一直唔敢參加比賽...直至我轉咗嚟喇沙....我認識咗佢....佢比咗我好多鼓勵....令我有勇氣可以踏出第一步...我証明自己...表現自己....」翠兒
「佢係指.....？」我
「佢係我喇沙識嘅男朋友...我同佢因為音樂而相識....係佢俾到我勇氣...」翠兒
「咁...佢而家係邊...？佢知唔知你發生咗呢啲事..？」我
「我同佢已經分咗手....畢咗業之後....佢結識咗一間唱片公司嘅經理人....仲介紹我俾佢識....希望可以令我踏上星途....但佢竟然私底下應承個經理人話我可以同個經理人發生關係....仲做中間人約我上去酒店....」翠兒
「下...？佢竟然出賣你..？」我
「係....我當然唔願意...最後同佢分咗手....」翠兒
「呢啲男人要唔要都擺啦！」我
「我唔知道以後仲可唔可以繼續唱歌....因為呢個遊戲...都唔知下一步會發生咩嘢事....呢個禮堂....係我第一次上台唱歌嘅地方....佢俾咗我好多回憶....」翠兒
「.................」我
「天佑....我有一個請求....唔知可唔可以答應我.....」翠兒
「嗯...你請講啦...」我
「今日可唔可以係台下做我一次聽眾....聽我唱首歌啊....」翠兒
「好！」我
我走到了台下...坐到櫈子上....
莫非可終生美麗...才值得勾勾手指發誓....對你不止感激敬禮....當你知己才是虛偽.....
一首鄭秀文的終生美麗....翠兒的悅耳歌聲深深打動了我....好像在這個殘酷斯殺的環境下...得到了一點清泉....
我閉上了眼晴...細味著翠兒的歌聲...
因有自信.. .所以美麗...使我自卑都放低...在半空之中親你...不管身世....
翠兒把歌唱完了...我睜開眼睛...
「翠兒..你唱得好好聽...好多謝你...你令我個心可以平靜落嚟休息一下...」我
「我多謝你先啱，你肯做我聽聚。係呢..？你搵我有咩嘢事...？」翠兒
翠兒這個問題...令我的思緒回到了現實...
「係...你呢幾個回合都照住我嘅順序去施魔法吧！」我
「係...一切...我都聽從你....」翠兒
翠兒....吹笛者...你就是一直是我們結束這個遊戲的關鍵...
「上個回合之後...我地組入邊所有嘅人都已經施展晒魔法....」翠兒
「即係話...而家剩返4個人係未施魔法...Winkie,巫婆,吹波同思浩..」我
「係...咁我下一步應該點做...？」翠兒
Winkie我已經肯定她是狼人...不可能對她施展魔法...因為如果對她用魔法的話...她就會見到其他施了魔法的人....便會見到翠兒她沒有被施法...她也極有可能知道她就是吹笛者...
吹波和思浩之間其中一人是狼人...若然對他們任何一人施魔法...也很大機會給狼人知道翠兒身份...
若想遊戲結束...這個回合...一定要把Winkie抽了出來...雖然我不想再有人死....但...只能有這個方法...
所以...安全起見...這個回合只為一個人施魔法...那就是肯定不是狼人的巫婆！只要下個回合一起把思浩和吹波施法...那所有人就施法完成...遊戲也正式結束....
但由於上個回合的指令關係....狼人殺的人是不能救...所以...巫女的救針也用不了...究竟..我這個回合可唔可以成功保得翠兒安全？
「翠兒...這個回合...只為巫婆一個人施魔法吧...」我
「只係一個人...？」翠兒
「係！」我
8月24日 遊戲第八日 13:35 太子冰室
「大家久等啦....嘿嘿嘿.....」傻強
「好啦....人齊啦.....我...吹波...思浩....巫婆....仲有剛剛加盟我地嘅....傻強先生....哈哈哈哈..」Winkie
「傻強...點解你會係度出現？」思浩
「天佑呢個人我一直睇佢唔順眼...當成自己係大佬...要全世界聽佢支笛...佢投邊個就邊個...我一直對佢好懷疑...一早專登表露出佢係白痴嘅身份...要我地放下戒心...實際上佢好大機會係村民同狼人嘅情侶...況且...只有佢先知道晒成個隊嘅人嘅身份...佢殺晒隊外嘅人之後...就可以慢慢對付我地！」傻強
「你終於知道啦咩？而家加入我地都未遲！」Winkie
「咁即係話....計埋傻強...我地而家有5個人...天佑果邊只有小柔同成日幫佢嘅小君有得投票...我地而家票數係5對2！」巫婆
「無錯....呢個遊戲....一直都係天佑係度想控制我地...由今個回合開始...到我地要主導返」Winkie
『你一生也愛我一個…想你心意屬我...期望妳跟我...長路也走過』
我的手機鈴聲響了...我看一看...原來是許Sir打電話給我....難道...他查到更多這個遊戲的事情..？我連忙接聽了電話....
「喂！許Sir！」我
「天佑...我而家返咗去清遠市流河鎮到了解...查到一啲關於施偉華同佢個仔嘅事情...」許Sir
「你快啲講嚟聽下....」我
..............................................................................................................
,.........................................................................
8月24日 遊戲第八日 14：35 清遠市流河鎮
看來...這大屋正舉辦喪禮....許Sir慢慢地走進了大廳....開始聽到女子在哭泣...
正當許Sir走近女子時.....此時他身後出現了一把聲音.......
「你係邊位..？」一把男子聲
「你...你好...我係香港警察許仲德..」許Sir
「又....又一個香港警察...」男子
「你之前都見過另一個香港警察嚟過？」許Sir
「係...不過佢已經死咗....同我家主人一齊俾人殺死....」男子
「冼Sir....冼Sir佢死咗....咁..佢係俾邊個殺死....？」 許sir
「一個叫施偉華嘅人....佢花名叫蜈蚣...果日我見佢跟佢走咗入嚟我地屋企..跟住偷偷地上咗去我家主人嘅房...正當我想叫停佢...我係門外見到佢用鐵棍一下襲擊落去你果位香港警察朋友度....跟住...佢再殺死埋我家主人....我果時好驚...唔敢出聲...於是呢埋咗起嚟...最後我報咗警....警方而家正通緝緊佢！」男子
許sir「可惡....你知唔知點解佢要咁做....」
男子「我諗應該係同當年主人嘅死亡遊戲有關，蜈蚣佢想殺人滅口...」
許sir「又係死亡遊戲.....唔通...呢一切都係如天佑所講....咁你家主人有無同你講過，有無辦法可以終止呢個遊戲？？」
男子「佢講過佢當年都千方百計想終止....但始終佢最後都要殺晒所有人先可以勝出...生還者...就係蜈蚣同我家主人陳東....」
許sir「咁你有無聽過蜈蚣佢係有個仔！」
男子「主人佢有講過....佢好似叫施永良.....」
..........................................................................................................
「難道....朗仔唔係施偉華位個仔？」我
「我覺得未必係...佢極有可能係改名換姓嚟到香港...」許Sir
「咁....許Sir...麻煩你再查一查...我地呢班人入邊....邊一個係新移民嚟香港！」我
「就算查到...都唔一定肯定係佢...因為施偉華...佢本身就係香港人...佢個仔..都好大機會係香港人」許Sir
那即是說....吹波...思浩...傻強...也有可能是施偉華的兒子.....
「我再查多啲嘢再通知你....因為我覺得....背後仲有更多嘢....」許Sir
「好！麻煩晒你許Sir....」我
看來...事情沒有我所想的那麼簡單...背後還有更多的陰謀嗎？
就在這個時候....手機震動了....難道....
『最後的清晨:由本回合開始結算，往後所有回合結束後便會在當天立刻進行下一個回合，直至到遊戲結束為止』
最後的清晨？難道....所有結果...所有答案....都會在明天一一解開？
明天....將會是跟狼人最後的決戰嗎？
我一切一切的計劃....也會順利達成嗎.....？