狼人遊戲: 第十七章 流河鎮
狼人遊戲第十七章流河鎮
8月22日遊戲第六日09：05流河鎮 (冼Sir到達大屋前1小時)
「揼完個骨，沖左個涼...訓左個靚覺...真係舒服囇....雖然話係話查案...難得返到來，緊係要HAPPY一下....好彩上天都無放棄我，俾我汁到咁多人仔黎洗下」冼Sir從一個骨場裡慢慢走出來說道
「驚心動魄咁過左一日，好似成日咩都無查到...究竟要點樣查起好呢..？不過點都好，即刻買返部手機，開返張卡，打俾天佑先報個平安先...」
正當冼Sir頭痛的時候，他看見了骨場門口有個老婆婆正在行乞，令他聯想到昨天行乞的情景，心中突然一酸，便手中拿起了一張一百元的大鈔，放到老婆婆的兜子裡
「多謝呢位先生...好耐無人一次過俾過一百蚊我喇」老婆婆說到
「唔洗客氣，橫掂啲錢唔係我嘅」冼Sir答到
「呵呵....仲記得上次俾一百蚊我果個人...都講過同一樣嘅說話....佢每個星期都會係呢度路過...每次行過都會俾一百蚊我...但呢一兩年...唔見左佢囉...」老婆婆回應
「嘩...乜內地有啲咁有錢嘅人架！」冼Sir答到
「係啊...自從係12年前出現左果個事件之後....突然就出左呢個富豪...」老婆婆答到
12年前的事件.....難道是.................
「阿婆，你啱啱講嘅12年前嘅事，究竟係咩野事！？」冼Sir問道
「見你咁好人，俾左一百蚊我，好啦，今日等我王婆講返我地流河鎮12年前最恐怖嘅事件你聽啦，果時阿婆我仲係我一個青春少艾...」老婆婆笑道
冼sir：「青春.....少艾.....阿婆....你吹水唔好吹咁大好啵....」
老婆婆：「嘿...講笑啫啪....其實我都唔係太清楚....果時我仲未係呢個骨場門口行乞...自從果次之後，啲公安就趕晒我地乞兒走，我先黎到呢度搵食喳」
冼sir「咁究竟係發生咩事..？」
老婆婆：「12年前果個晚上....諗返起真係好恐怖....果時突然有人報案，話見到好多屍體係個大廈入邊...全部一唔係燒焦晒就係乾屍黎....啲乾屍就好似死左好多日咁..乾到好似俾吸血鬼吸乾晒啲血咁」
冼sir：「阿婆你又咁清楚嘅？」
老婆婆：「阿婆我果時衰八掛，走左去湊熱鬧，中國人就係中意湊熱鬧，就算有人訓係街度都可以圍住睇唔報警嘅，你阿婆我唔知有無一日係咁樣俾人睇住我暈係街添啵...諗起都驚....」
冼sir：「乜原來中國人係咁架........」
老婆婆：「唔睇由自可...一睇真係呢一世都記得...因為真係好恐怖...我咁大個人未試過見過咁恐怖嘅場面...你阿婆我生老病死見得多...咁多死屍同時間出現都真係第一次見...」
冼sir：「咁究竟咩事點解會攪到咁....」
老婆婆：「詳細情況我唔清楚，據我所知，好似話佢地成班人好似玩一個死亡遊戲咁，不過知道呢件事嘅人好少，啲公安收得好密，唔俾對外宣佈」
冼sir：「嘩！？咁大件事都唔可以對外宣佈？唔係掛...」
老婆婆：「詳細我真係唔知...不過好奇怪....自從果次事件發生左之後...城郊果邊就起左間大屋，突然有個好有錢嘅人係我地流河鎮...如果我無估錯...果個有錢人就係之前每次經過都俾一百蚊我果個人囉...」
冼sir「又.....又....會咁啱嘅....」
老婆婆：「可能我地真係有緣，後生仔，好心一定會有好報嘅，不過我覺得果個有錢人啲錢應該唔係從正當手法得返來，因為佢都同你講過同一句說話，啲錢都唔係屬於我嘅！」
冼sir：「阿婆.....我可唔可以問你一個問題...？」
老婆婆「叫我王婆啦後生仔！」
冼sir：「係嘅王婆....我可唔可以問你一個問題呢王婆...？」
老婆婆：「問啦！」
冼sir：「你啲推理咁勁...有無興趣加入警隊行列...？」
老婆婆：「下！你叫我做公安？你都傻嘅！你阿婆我而家不知幾開心快活，中意做咩就做咩，坐係度就有錢收，做公安做咩？你都傻嘅！」
冼sir：「我....我...都係多口問句啫...」
老婆婆：「我知道嘅大概係咁多啦！如果你想知道更多...我覺得你去城郊果間大屋果度睇睇，果度可能俾到你想知嘅野...」
冼sir：「阿婆！今次真係多謝囇你啦！」
老婆婆：「叫我王婆啊！靠！」
冼sir：「係嘅係嘅，再見喇王婆！我要去做正經野喇！」
老婆婆：「再見啦後生仔！」
冼sir與老婆婆道別後，到城裡的二手店裡買了一台手提電話，再次踏上他的旅程，他依照婆婆的指示，來到了城郊的大屋門前...
「嘿嘿嘿！今次仲唔俾我搵到一個咁重要嘅線索！如果啱啱個阿婆俾嘅料係真嘅...咁一切嘅謎底都會係呢間大屋入邊！等我冼家傑準備破呢單香港超級大奇案啦！天佑....你地一定要安全等我啊！」冼Sir自言自語道
8月22日遊戲第六日10：05香港
『今個回合的指令是，只有雙子座，射手座，白羊座和獅子座的玩家才可以投票』
這指令現在才出現.............還有他媽的.....要這4個星座的人才可以投票...那豈不是....當初支持大舊的人選...很大可能不可以投票嗎...？
各人都被新收到短信嚇到了...看來這個回合誰對誰有投票權也不太清楚，可能是我太不清楚而已，因為我對星座的認識不是太深，我只知道小柔是山羊座，我是巨蟹座，看來小柔這個回合也沒有投票權
時間一分一秒的過去，大舊已經緊張得面無任何表情....他突然說到：「我....我求求...大家....唔...好投我...票....我...真...係唔係...狼人.....」
各人的手機都震了一下，看來已經有結果了....
『這次的投票結果是
16號玩家排骨得票是：1票，投票玩家為：子俊
19號玩家大舊得票是：2票，投票玩家為：吹波，排骨
19號玩家大舊被村民投予了最多的票數，被受予火灸之刑。其身份為：村民』
「吹波...你又話保持中立.....點解你又投大舊一票....」我驚訝問到
「因....為....我覺得....大舊....真係...會係...狼人.....對....唔住....」吹波
「你......................」我說
「果....果然.....我都係難逃一死......」大舊跪在地下哭道
「大....大舊....我地真係已經盡力...本身我地都諗住幫你...但...估唔到會突然出個咁嘅指令....大舊...對唔住....」我對著大舊說
「係...個天....要我死...呢啲係我嘅報應....天佑...無論點都好...你一定要為我...一定要為樂思...一定要為死左嘅人報仇....捉曬果啲狼人出黎....將其他人救出呢個遊戲...只有你...只有你先可以做到...你係我地唯一嘅希望...」大舊哭道
「嗯....大舊...我應承你...我一定會做到...」我說道
「嗯嗯....我係時候要落去陪樂思啦....再見啦...大家....啊....啊...啊....」大舊哭道
我們又再次見到殘忍的一面出現，大舊就慢慢地自然燃燒起來，就像肥龍等人一樣，慢慢地被火海吞噬，慢慢地變成一個火人，不停在地上打滾，然後...通苦地死去，我們....都會是這樣的命運嗎？我真的可以救到大家嗎？現在的我，看來已經沒有信心了....
「我都話架啦！大舊佢唔係狼人黎！真正嘅狼人係排骨！」我指著排骨說道
「就算佢唔係狼人，都無証據話我係狼人，我地投錯票都唔係第一日嘅事架啦！咁都無計架！」排骨說道
「排.....骨.............你睇住....我一定會親手送你去地獄！」我憤怒說到
「真的假不了，假的真不了！你咪以為有幾個人撐你就大晒，大...大家唔好信個白痴講野啦，無的放矢！擺明佢自己先係同狼人合作嘅情侶，想殺囇我地啊！真正嘅大奸角係天佑！」排骨說道
「你睇住黎啦....排骨......」我激動說道
「點都好啦，將啲屍體拖埋一邊先啦....一陣怕有人發現啦！」巫婆插咀道
我們像前幾天一樣，把屍體拖進了我們以前的班房....究竟我要怎樣才能揭開排骨真面目...還有...Coie...真的是預言家..？看來...我只有這樣做了....
8月22日遊戲第六日10：30流河鎮
「度門鎖到實一實...入唔到去添....睇黎要搵個方爬入去先得...一定唔可以俾人發現，畢竟唔知道入邊係咩情況...」冼sir自言自語道
大屋的周圍都長了一些雜草，看來一段時間沒有整理，真不知道裡邊還有沒有人住，會不會找到老婆婆所說的有錢人，就算找到...他真的可以帶出真相？
冼sir在大屋的周圍找了半個小時也沒有一點收獲，忽然看到了一棵大樹長在圍牆外的附近，他心中就想借此爬上大樹，從而跳進大屋中
看來身型挺胖的冼sir身手也挺敏捷，不需2分鐘就爬到了樹上，他在樹上觀察一下大屋的內部情況是怎樣
他看到了大屋的花園.鮮花也在生長，還沒凋萎.看來是平時有人在這裡打點，推斷應該會有人在入邊
大屋的設計好像有一點古典氣息，看上去像八九十年代的設計
冼sir從大樹上爬到外牆邊，一跳便跳進了大屋的花園裡
他看了一看四周的環境，看來沒有人發現，他便繼續去探索一下有沒有其他特別的東西
汪汪汪！
忽然聽到有狗的吠叫，把冼sir嚇個正著，看來是家犬把他發現了。由此推斷，這裡肯定是有人住
冼sir立刻躲到大花盤的後方，看看有沒有給人發現，待了大概兩三分鐘，也沒有人出來..難道是屋裡的人已外出？所以沒有發現他？
冼sir看到他的前方有一道大門，於是慢慢地走去大門處
來到大門的前方，他準備慢慢推開大門，豈料大門已經鎖上，他心想：「睇黎要搵鎖匙先得...如果唔係過唔到關...唔係唔係...我而家唔係玩梗RPG game...我應該搵下有無其他方入到去先得...」
冼sir看到了遠處好似有一扇窗，他連忙走過去看看能否進入屋內
他走到了窗前，運氣真好...窗戶沒有關上，看來可以從窗子裡爬進去
冼sir跳進了屋內，發現了一些廚具在桌上，看來這裡是廚房，而且雪櫃裡還存放了一些食物水果，貪吃的冼sir從裡邊拿起了一個蘋果二話不說地放進了口
「嘿嘿嘿嘿....好味...好味....呢間十二年前起嘅呢間屋...又會咁古典嘅...一定有古怪」冼sir自言自語道
就在這時候...冼sir發現背後好像有一些硬物指著他...
「真的好吃嗎...？要不要把子彈也吃了？」一把聲音從他的後方傳出....
8月22日遊戲第六日11：00香港
「先生想去邊...？」
「麻煩司機大佬幫我追住前邊架藍色私家車！」
「先生....要我玩跟蹤？你係差人黎？」
「我差你個波波啊，呢度５舊水，你即刻同我跟住佢，如果唔夠我再比！」
「係嘅大佬！包係我身上！」
希望....跟住他...可以找到更多的線索....Coie..你要等著我....排骨...我一定揭開你的真面目！