狼人遊戲: 第十六章 星座
狼人遊戲 第十六章 星座
8月21日 遊戲第五日 23:15 流河鎮
「嗄嗄嗄.....好肚餓....好累啊.....究竟我可以涯到幾時啊.....」冼Sir說
來到清縣市的冼Sir看來已經筋疲力盡.....被偷了銀包，手機，証件的他已在街頭行乞了幾小時，一文錢也沒有乞到
「死啦.....睇黎我就快瓜啦.....我見到好多幻影啊....我細個果時嘅片段...我讀九記中學打籃球時嘅情景....大波妹打籃球左搖右擺....考警察時失敗左兩次嘅我....仲有....我嘅恩師....張Sir....張國彥老師....唔通....唔通呢啲就係走馬燈....唔通...我真係就快瓜...真係好肚餓啊...大陸人有無咁無良....乞左咁耐....一蚊都唔俾我啊.....」冼Sir自言自語地說話
就在此時...冼Sir看見了垃圾桶旁邊好像有一些東西。他慢慢地走過去，再仔細一看
「呢啲咩黎架....好似係....係.....月餅？？？唔通係中秋節果時啲人食剩嘅月餅？？太好啦，今次有救啦！！」
肌餓的冼Sir立刻發動了九牛二虎之力跑到了垃圾桶旁，把那掉棄的月餅拿起來，看來今次他真的有救了
「上天...上天...果然仲未離棄我...」冼Sir眼淚也流出來了地說
二話不說地他把月餅整個放進口中
「好味...好味...啊....成世人味食過咁好食嘅月餅...咦.？？？好似咬到一啲野」
冼sir從口中肚中了一小疊紙，他仔細一看....發現原來是...
「人...人...人民幣？？仲要係...印住毛澤西嘅一百蚊人民幣啊！！唔通...呢啲係用黎賄賂高官嘅人將啲錢放入月餅再用黎送禮嘅禮品？？今次真係有救啦！！」
冼sir他再看一看，發現原來還有10多個月餅在。他把所有月餅都弄開，發現裡邊每個月餅都有一小疊一百元的大鈔
「上天果然無離棄我！！我要感謝主...感謝彿祖...感謝阿拉...感謝祖國最偉大嘅人...毛澤西！！！」
8月21日 遊戲第五日 23:30 香港
遭到吹波的拒絕加盟，再加上找不到Coie。無奈的我，唯有向其他目標人物下手，第一個是栗子，其二就是巫婆。希望我沒有看錯，我先打機話給栗子
電話接通了....
「天佑咁夜打俾我咩事啊？？」
「唔好意思，咁夜打俾你，我只想同你講，我而家想邀請你同我地合作...」
「合作？？」
「無錯....因為我已經知道邊個係狼人....希望你相信我....明天同我地合作，一齊將佢推出黎」
「咁.....佢係邊個？？」
「佢就係....排骨！！」
「下.....點解你會知道係佢？？」
「因為係預言家話我知，我一直都有同預言家合作，希望你相信我....」
「.................................」
「我知道你好憎阿誠......係佢害死肥龍....但係...而家最緊要就係要將啲狼人剷除，幫助吹笛者將所有人施加魔法，咁我地先可以完結呢個恐怖嘅遊戲」
「我.....我唔知道.......啊....」
「請你相信我啦！我地已經夠囇票架啦....剩係差你架喳....」
「我.....一直都覺得...我對唔住肥龍.....我覺得....死嘅應該係我.....」
「..............................」
「對唔住啊....天佑.....」
「如果你真係仲愛肥龍嘅！！你就更加應該努力生存落去！！！」
「..............................」
「我知道肥龍只係俾人利用，幕後一定有一個好高智慧嘅人操縱住呢隻GAME，而極有可能，呢個人就係我地之中！！！」
我說得好像金田一的對白....
「下.....係我地之中？？」
「我而家無辦法同你解釋咁多....我只係希望你真係可以相信我！！」
「嗯....好啦...我信你...」
「好多謝你...」
我掛了電話....希望明天栗子真的可以跟我們一起合作...接著還需要邀請多一個人....雖然平時的你只是靠占卜去評定一個人....但在這刻.....巫婆......希望我沒有信錯你.....
但在我印象中....傻強跟巫婆好像比較熟絡...看來我要要求傻強來幫幫手了...
我打了電話給傻強，把事情的始沒說了給他，他也同意邀請巫婆一起加入
傻強打了電話給巫婆
「死Hi Hi！！！咁鬼夜仲打俾我，唔洗訓咩？？」巫婆看來睡夢中給吵醒了
「死婆，聽日都唔知係你死定我死！！你仲訓得著咩！！」傻強氣憤地答
「咁都要訓架.....」
「OKOK，你有無占卜到咩人係狼人啊？？」
「你唔係不嬲都唔信我啲野架咩？？？」
「多口問句啫....不過我已經知道邊個係...」
「邊個？？」
「天佑已經証實左排骨係狼人！」
「天佑？？又係佢.....超！！」
「超乜超啊，唔順超咪食隻蕉囉！」
「做咩要我信佢」
「聽日我地合作去投排骨票啦！！仲有啊，你咪唔記得，巫婆呢個名都係佢同你改架，仲話你成身都係毛！！」
「好...睇下點...咪....咪...住先....個花名好似係你條Hi Hi改架啵.....」
「而...而....家...唔好講呢個話題住....最緊要以大局為重，聽日我地一齊合作」傻強心虛地說
「Hi Hi！！係你條Hi Hi改架！！咪扮晒野啦！！」
「邊....邊個都好啦，好啦，有咩聽日再講啦，拜拜....」
「@)(!*)(!@)!(@(!*@&!@(*##@&^@!」
究竟.....明天是不是真的會順利進行呢？？還有...到底那個『指令』...今個回合..還會不會出現呢？？到低MC這傢伙是人還是鬼呢？？
8月21日 遊戲第六日 09:00
不知不覺間...遊戲已經到了第六日...阿風..肥龍..火山..娜姐..那些人的死還在我腦海中徘徊，雖然只短短是幾天的。但這些經歷好像過了不知多少年...因為在我生命中..只是經歷過外婆外公的離世...但在這短短幾天裡...我接二連三地看見自己的好友離我而去，同學間的互相殘殺....我到現在也不能完全接受...真希望能真的如吹波所說...死了真的可以復活的話...或者..這只是一場夢的話...你說多好....
現在正是北京時間的09:30分，大家看來都到差不多齊了...看著時間的倒數...正準備愛著同伴的死亡倒數...我在心想...今天死的人...會不會又是女生呢？？
「哼！無論一陣又邊個死都好...我諗大家都知道應該投邊個一票啦！！」排骨說到
排骨...你這傢伙....
大舊站在一旁默不作聲..看來也知道很多人將會把投票處死的對象指向他
差不多10時了，但也不見校花Coie到來，我有種不祥的感覺...難道..排骨那傢伙把Coie...難道...Coie..就是預言家？？？
「唉....食返支煙先...」阿誠說擺，便從口袋裡拿起了一根煙抽了起來
不知不覺....時間已到了10時正，Coie到還是沒有出現。這時...所有人的手機震了一震...看來是死亡短信的到來
「這次被狼人殺害的玩家是….『2號玩家阿誠』，其身份是『小女孩』..死者可以有5分鐘時間說出遺言」
為什麼...為什麼..會這樣.......
「咩話?？？阿誠原來係小女孩？？」Winkie大叫了起來
「點......點.....解會係咁....明明......點解.........佢地會知道我身份架！！」阿誠說道，手上的香煙也掉到地上
「呵，今次狼人又會殺得咁準！」排骨輕挑說到
「明明....我將耳環....掉落地下....等佢地誤以為啲女仔係小女孩....點解...佢地會知道我架......」阿誠一邊說一邊震抖
其實我本身已經在上次之前的電話中...已經知道阿誠的身份是小女孩，全靠那電話...小君才可以得救...因為那個回合「狼人如果成功殺到玩家的話,下個回合就可以連殺2人」。所以阿誠才冒險把身份說出，要把小君救出來。但....狼人是怎樣知道阿誠的身份呢？
「無....無可能會係咁架.......天....天佑.........係咪你....呢度得你知道我個身份架喳！！你係咪同狼人一伙架？？？」阿誠看來已經情緒失控了
「如果我真係同佢地一伙，我就唔會聽你講救小君啦！！」我連忙回答
「阿誠，你既然係小女孩，咁果晚，你究竟睇到啲咩人係度啊？？」吹波問道
「我....我...真係咩都唔知....我果晚剩係見到幾個帶面具嘅人....我只係知道係4男1女，其他咩都唔知啦....」阿誠回答到
「咁身型啊...口吻啊等等呢？？」吹波再問道
「果晚...好黑...好大雨...我咩都睇唔到....佢地啲口吻...好得人驚...全部都好似以殺人為樂咁....好恐怖...好得人驚啊....」阿誠回答
為什麼吹波突然好像這麼機靈....我猜不透這個人了....
「.....................................................」
聽到阿誠說到這裡...此時全場鴉雀無聲......
「睇....睇黎...........我要去陪Bosco啦........其實....第一個回合一早死嘅應該係我....肥龍....Bosco...對唔住啊....我而家要黎陪你地啦....」阿誠流淚中的說著....
雖然阿誠平時為人很討人厭...但在這一刻.....盡管他以前是怎樣，我想所有人都不想他死去...除了那些殺他的狼人外...
「啊....啊................啊.....................」阿誠痛苦地尖叫
不出所料....阿誠跟之前火山，紫芊死法一樣....全身的血好像被慢慢抽乾...現在的我們...也是跟以往一樣....淨著眼地看著他死去.....
難道..............我們每天也要這樣嗎？？？
過了一分鐘.....阿誠已經沒有呼吸地躺在我們面前......
阿誠...........這回合我一定要為你報仇！！！
「大家聽住！！我已經知道狼人係邊個！！」我這時大叫說到
「你知道狼人係邊個？？狼人唔係大舊咩」Winkie答到
「狼人絕對唔係大舊！我可以好肯定，其中一個狼人....就係排骨！！」我指著排骨叫道
「下！！！係我？？天佑！！你無証無據唔好屈得就屈啵」排骨答到
「我可以好肯定！！一定係你！！因為....係預言家話俾我知嘅！！」我大聲反駁
「邊個係預言家啊！！你講乜都得架啦！！」排骨再反駁到
「排骨。你自己做嘅野自己好清楚！！」我再回答
「都唔知講乜！大家咪信佢啊，佢老屈架喳！大舊擺明就係狼人。佢唔知俾左啲咩著數你，你點解要幫佢啊？你唔好唔記得，娜姐係佢殺架！」
大舊說到：「我只係收到狼人嘅短信先一時火遮眼做錯野架喳，大家請信我啦，我真係唔係狼人黎」
看來現在只可以跟排骨比賽票數了，哪一邊人多，就哪一邊可以生存下來
突然就在此時，各人的手機都震了一震，我連忙打開一看....
我心想.....不....不是吧...........
『今個回合的指令是：只有雙子座，射手座，白羊座和獅子座的玩家才可以投票』
這指令現在才出現.............還有他媽的.....要這4個星座的人才可以投票...那豈不是....當初支持大舊的人選...很大可能不可以投票嗎？？？
8月22日 遊戲第六日 10:30 流河鎮
冼Sir站在一間豪華大屋面前....自言自語道
「嘿嘿嘿！！今次仲唔俾我搵到一個咁重要嘅線索！！如果啱啱個阿婆俾嘅料係真嘅...咁一切嘅謎底都會係呢間大屋入邊！！等我冼家傑準備破呢單香港超級大奇案啦！！天佑....你地一定要安全等我啊！！」