狼人遊戲: 第十三章 拘留
狼人遊戲 第十三章 拘留
我：「冼…冼…家傑？？」
冼Sir：「係啊，天佑…好耐無見啦！！估唔到一見返面就要係警局聚舊啦…」
我：「邊個冼家傑啊…我好似唔識你架啵…」
冼Sir：「你而家唔記得我唔緊要，我地返警局再慢慢傾啦！」
最後我們所有人都被帶回西九龍警署了...
張Sir：「麻煩大家將身上所有嘅手機交晒出黎先，等我地好好保管」
什麼？要把手機都交到他們手上，豈不是警方就知道了我們的身份？不過我覺得他們看到了短信，也不會相信我們現在玩的死亡遊戲！我們所有人都把手機交到了張Sir的手上。接著，我們便被人帶到各個房間去問話了…
我坐下來…接著有一位警員也坐下來了…我看他一眼，正是那個自稱他叫冼家傑的警員！
冼Sir：「你好天佑！咁耐無見，呢排點啊？」
我：「你究竟係邊個？」
冼Sir：「你仲未記得我，中學時期我係你隔離班，成日同你同阿風一齊打籃球果個肥仔啊！果時你地都已經叫我冼Sir，可能係因為我講野好似訓話咁…不過..今日真係做左阿Sir..哈哈！」
我：「你…就係…果個打波啲姿勢成隻蟹咁果個冼Sir...冼家傑？」
冼Sir：「哈哈哈！你終於記得我啦！好啦…言歸正傳…究竟呢一連串嘅人口失蹤案同今日我地見到果個燒焦嘅屍體係咩野一回事？？」
我在想..我把事實說出來，看來他也不一定會相信。但畢竟如果有警察去幫助我們的話，可能會有更好的效果
我：「因為…我地進行緊一個死亡嘅遊戲…而剛剛你見果個燒焦左嘅屍體，佢就係以前同我地一齊打波，都係我嘅死黨…阿風…」
冼Sir：「你講咩野？？咩死亡遊戲？？佢又點解無啦啦會著火？？」
我把我們的一切發生經過如實地向了冼Sir說明
冼Sir：「哈哈哈！你當我三歲細路啊？呢個世界邊有果啲咩詛咒！你好快啲將事實嘅全部講晒出黎！」
我：「信不信由你！因為我講既所有野都係事實！唔信你地去查一下！」
冼Sir：「好！不過係呢一段期間，你地所有人都唔可以離開警局，直到我地查出結果為止！」
我：「…………………」
接著我們所有人都被關到拘留所去，據我所知，警方是有權可以把疑犯拘留24小時。如果是這樣的話…我們這個回合究竟又會發生什麼事呢？？又會不會有那些特別的指令出現呢？？
我獨自在拘留所看著3面牆和一個鐵閘…我這一輩子第一次被關進這種地方…縱使極不喜歡，我也不知所有人會不會跟警方說同一翻說話…但只希望警方可以幫我們解決到所有問題
我看著牆壁，這幾天的回憶不停地在我腦海中出現。還有阿風…我的好友…我到現在也不能接受他已經死去的事實，想到這裡…眼淚也開始湧出來了…
時間一分一秒地過去，我在拘留所也不知待了多少時間…在濛濛瀧瀧中聽到有人開門的聲音，我在睡夢中醒來，原來冼Sir進來了
冼Sir：「我地查過晒學校…無發現到其他有特別既野…同埋我地已經確認左死者身份係阿風…已經通知左佢屋企人…同埋我拍檔張Sir已經睇過晒你地所有人嘅手機，都係收到左你所講嘅短信！」
我：「咁你而家信唔信我講嘅野？」
冼Sir：「的確好難置信…不過如果你所講嘅野係真嘅…就會係香港有史以黎最大嘅奇案，到時雲海果啲又有排吹水！」
我：「其實…唔止係香港發生過…早係12年前…係廣東嘅清縣市都發生過類似嘅事，你可以返去上一上高登查一查！」
冼Sir：「高登？？果個係全世界數一數二嘅討論區黎啵…聽講上邊好多毒男！」
我：「無錯…就係好多毒男嘅高登討論區…不過我果啲所謂毒男都係自稱毒架啫，係咪真係都無人知，你可以上去睇一睇…」
冼Sir：「嗯…咁好啦…而家都好夜啦，差唔多點幾鐘…你地可以走啦…到時我地警方查到啲乜野再通知你地！」
我：「好…我地保持聯絡…我都好想呢個遊戲可以盡快結束…」
冼Sir：「係啵…仲有件事，就係學校可能封鎖到聽日下午先解封，因為警方聽日仲要去調查一下…」
我：「哦…明白…」
我們一行人都終於從警局裡釋放出來，被扣留的感覺一點也不好受。狼人這個晚上不能殺害我們任何一個人…看來我們今天總萛是平安渡過，我們收回了警方扣查的手機
我第一時間看一看手機，看看有沒有收到這個回合的指令...不知道是巧合還是有其他原因...這時手機才收到短信....
『如果本回合沒有任合死者出現，系統便會公開其中一位狼人的真實姓名』
沒有任何死者出現？今個回合狼人已經不能殺人了...那即是說明天投票結果沒有人死的話，便會知道其中一位狼人名字？？
換句說話說，如果明天有人投票的話，那人便很大機會是狼人所做的！這個指令對我們很有利喔！
這時Winkie便叫到：「哈哈哈！今次啲狼人仲唔死？睇黎我地係時候反擊啦！」
吹波也叫到：「哈哈，啲狼人以為佢地真係宇宙最強，呢下仲唔間中都會受傷」
阿誠：「唔理咁多啦，整返支煙仔先！」
這時阿誠蹲在地上，作出一個像拉大便的姿勢，從口袋裡拿出一根煙說道：「頂你個肺！咁就俾人扣查左一晚，攪到我飯到未食，餓到隻死狗咁！」
這時傻強說道：「俾多支煙仔我！忍左咁耐，整返支先！」
兩人好像很投契地抽著煙...
「睇黎大家都累攰了！不如返去休息先啦，有咩野等警方調查先，可能佢地會查到啲線索，幫到我地快啲結束呢個遊戲」我對著大家說道
「得啦！大家散啦！真係好攰，有咩野過聽日再傾」阿誠抽著煙回答道
此時聚人慢慢散去…但竟然有一些更意想不到的事出現了….
張Sir：「嘩！成兩點鐘啦！要行快啲先啦，聽日仲要返十點！」
冼Sir：「估唔到有啲咁嘅事發生，我啱啱無睇到佢地啲手機，張Sir你睇完有無發現有咩特別？」
張Sir：「咪又係果啲咩咩死亡短信！我就唔信真係啲咩死亡遊戲，兇手一定係果堆學生當中，等我地查到啲咩線索一次過拉囇佢地！」
冼Sir：「我而家都係半信半疑…有咩野都係聽日再講啦！」
正當他們二人走進一小路的時候，他們見到有一男一女在小路中.
「救命啊！！！強姦啊！！！」一女子叫到
「收聲啦八婆！！！乖乖地唔好嘈！！！」一男子叫到
「警察！喂！你地係度做咩！停手！」張Sir連忙衝上去試著阻止那男子強暴的行為
男子看見被警察發現了，連忙逃命
「咪走！！你係度睇住個女仔先，我去追」冼Sir對著張Sir說
張Sir走到女子身邊說道：「小姐..你無事啊麻...」
女子：「好…好…好痛啊…」
張Sir：「邊度痛啊？？我幫你Call白車」
女子：「唔…唔…唔洗啦……」
張Sir：「下…？？點解啊？？」
女子：「因為…嘿嘿...」
「啊！！！！！」張Sir發出一聲慘叫…
在另一面冼Sir正追捕神秘男子，由於男子對道路非常熟悉，冼Sir無奈之下被男子逃脫了…
「條友仔跑得咁快…睇黎我要減下肥先得…打返俾張仔先…睇下個女仔而家點..」冼Sir自言自語道
但冼Sir怎樣打張Sir的電話也沒有人接聽，心知古怪，連忙回頭查看。但當冼Sir回到小路中…他看見一個血腥的畫面…一個男子身中多刀多訓在地上，滿地也是鮮血，當他走近一看，原來此人這是他的好拍檔…
在一公園的一角，兩男一女正在互相對話…
「嗄嗄嗄…俾人追左九條街…好彩我熟路啫…條死仔又話去買刀…買左九年都未返…」男子道
「咪係…攪到我地剩係殺左一個差佬…第二個落唔到手…仲要俾你條死仔扮強姦抽我水，抽得好爽啦！」女子道
「嗄…你估我想架？係抽都唔抽你啦！」男子道
「你講咩啊Hi Hi！你夠膽講多次！」女子道
「好啦..好啦..唔好嘈啦…我果時偷聽到…應該得一個差佬睇到我地啲手機短信，另外果個應該唔知道..第日有機會先攪掂佢！」另一男子道
「其實我地連警察都殺埋...今次真係好大罪...」男子道
「玩得呢個遊戲...就遇左無得返轉頭，俾警察查到我地咁樣殺人法...一樣都係好大罪」另一男子道
此時其中一人手機響了…
「喂死仔！！你啱啱去左邊啊？？」
「啱啱有緊要事，唔好意思…」
「你有咩緊要事咁重要啊？？」
「總知緊要啦！你地攪掂左啦麻？」
「好彩攪掂左啫！！亞太區有一天成為亞太區你個街！！咁大件事你都走左去，你究竟去左邊啊？？你擺明想甩身啦！」
「點會呢？我地大家坐埋同一條船架麻！你地攪掂左就得啦。我仲有啲事要處理埋先..有咩野聽日再講！拜拜！」
「你去死啦Hi Hi！！！」
嘟…嘟….嘟………..
男子在電話裡被連串粗口轟炸後收了電話…走進一屋子裡。屋子裡沒有電視，只有一些普通的生活用品和一些乾糧。男子走近剛剛從他的車子拖下來的東西，一個布袋包著的東西…
「睇黎今晚可以慢慢享受我嘅『獵物』啦」男子自言自語道
布袋在蠢蠢欲動，看來有一樣生物在布袋中。男子把布袋的繩子慢慢解開，再慢慢打開布袋…
布袋中…竟是一個人！
「你好…我親愛嘅『獵物』…唔洗怕啊…哥哥今晚會好好對你」男仔對著那人說
「唔..唔…唔….唔…唔…」
那人不停地想著說話，可惜口被膠紙封著..只能發出呻吟的聲音…
「哈哈哈…你真係好可愛…連啲呻吟聲都係咁好聽….」
「唔…..唔….唔…..唔….」那人拼命地試著爭扎
「哈哈哈…雪白嘅皮膚…明亮嘅眼睛...俾膠紙貼住嘅美麗小咀…再加上你身上果種香味…淡淡嘅香味…我聞到已經好興奮。你真係上天嘅佳作…我都已經成日諗住你…估唔到今日俾我撞到你…睇黎我要除底我呢件馬莉奧面具…今晚慢慢服侍你…
………………………..
……………..
我地嘅靚靚校花！！哈哈哈哈哈哈哈！！！」
這時，男子把他的馬莉奧面具脫下，再把Coie的膠紙脫下
「你…你…咪係…？？」Coie驚訝說道
男子慢慢地將Coie的鈕扣解開，她的內衣已經盡顯在男子的面前
「救命啊！！！救命啊！！」
「哈哈！黎啦校花姐姐，呢度叫天不應，叫地不聞，你即管叫啦。愈大聲愈好啊！！跟住就準備將你剝光豬囉！！」
Coie在爭扎的時候，她手機從袋中掉了出來，男子拾起了她的手機一看
「哦？？今次真係大有收獲啦。原來我地嘅校花姐姐係呢個身份！！我地一直搵左呢一個身份嘅人好耐啦…我地嘅預言家小姐…哈哈哈哈哈！！」