狼人遊戲: 第十二章 廣播
狼人遊戲 第十二章 廣播
八月十九日 遊戲第四日 14：28
我：「喂！你咪係？！點解你會打俾我？！」
「你好天佑，其實我一早想打俾你！！由第２日你開始組隊嘅時候.果時我已經想入組同你地一齊商量」
我：「你一早知道我地組隊？？你點解會知？？」
「因為果時我跟住你地，我知你地用交換手機去確認咗身份」
我：「咁你做咩果陣時唔話我知？」
「因為果時我將短信刪除咗，無辦法令你地確認到我身份！！」
我：「咁你今日做咩又會打黎？？」
「因為我知道今日死果兩個人嘅共通點！！」
我：「共通點！？係乜野？？」
「佢地都係帶耳環嘅人，同埋…佢地都係非你地組嘅人….. 」
我：「………………….. 」
「狼人點解唔殺隊入邊嘅人我唔知道，但我知道狼人點解要殺啲有帶耳環嘅人！」
我：「點解會同耳環有關….我憑咩要相信你？ 」
「你一定要相信我…因為…我其實就係小女孩…..個耳環係我偷睇狼人果時特登留低，免得佢地懷疑我！」
我：「咩話？！你知唔知咁做會害死其他人架？」
「無辦法..我都唔想…我只係想保障自己嘅安全！！！」
我：「………………….咁…你睇唔睇到邊啲人係狼人？？？」
「我睇唔到….佢地好聰明…全部帶晒面具…我只可以肯定…有4男1女」
我：「………………………」
8月20日 遊戲第五日 10：00
就在此時，各人都收到了短信.這短信..我相信人人見到都會很開心….
「今天沒有任何玩家被狼人殺害」
果然昨天的電話沒有誤導我…我選擇相信了他…就用子俊的侍衛效果去保護了她....今天我就把小君的命救回了來.
娜姐：「睇黎今日平安無事播！！」
翠兒：「如…如果…每日都咁就好啦…」
正當所有人以為平安無事之際…就在此時….在遠處竟然傳來了一遍吵雜聲，聲音很嘈雜..究竟是什麼聲音呢？我記得了，是我們中學時期的廣播器發出來的…為什麼這時候廣播器會突然發出聲呢？？
「沙…沙…沙…沙…沙…沙…」
廣播器的聲音很吵耳…不斷重覆著沙沙聲…
突然，從沙沙聲中開始出現了人聲，仔細聽一聽，好像是男人的聲音…
「我…..想….….如……果…….你……同…小…柔….是…但……個…狼….人….你…會..…..做……」
我聽到小柔的名字…這段說話很熟耳…這把聲也很熟耳….
「點…….點..會..呢…我地…個…係..狼….人…黎…架…...你都…晒…地..嘅…機，認….晒..我地…身..份…..」
這顯然是另一把聲，但也很熟耳…這是兩個人在對話…
接下來，廣播器開始清晰了.
「如果我話…我已經肯定咗我地之中係有狼人呢？」
這不是我的聲音？！這不是我跟阿風今日早上的對話？？為什麼會在廣播器中播出來了，難道我們被人偷聽錄音了？
「無…無…可能架…你係咪攪錯咗….」
我試著打電話給阿風，但電話怎樣也不能接通！！
廣播器一直播了今日早天佑跟阿風的所有對話過程...
這時人群中有人說話了
巫婆：「睇黎….而家好似真相大白喇….
排骨：「睇黎阿風就係狼人，而且仲有人係度同狼人結黨添！！」
娜姐：「係囉！天佑，你有咩解釋？？」
我：「我咁樣做，只係想阿風能夠幫助我地！！可以盡快令吹笛者快啲完成佢嘅任務，唔通大家仲想玩落去咩？？」
大家也默不作聲…看來都認同我的說話..就算之中有狼人不同意，看來也不敢作出什麼回應！！
排骨：「但係而家擺明阿風佢係唔想同我地一齊！！我諗大家應該知道點做啦！」
巫婆：「無錯，我一啲都唔覺得阿風有咩心想同我地合作」
排骨：「無錯！！無可能要大家相信一個狼人說嘅話，佢轉頭即刻殺咗你都得啊」
我：「大家聽我講！！阿風唔係啲咁嘅人，我識咗佢咁耐，我好了解！！」
巫婆：「唔洗講咁多啦，我之前占卜都占到阿風係狼人啦！！」
這時子俊突然出聲道：「你果啲咩垃圾占卜邊信得過架！！」
巫婆：「你咁講算咩意思啊！」
我：「大家冷靜啲先啦…. 」
此時有人開始已經按手機投票了，咇…咇…
我：「排骨！你做咩啊！！」
排骨：「投票囉！唔通你仲想保護個狼人啊？」
巫婆：「好！排骨！我陪你一齊投！」
我：「唔好啊！大家停手啊！」
此時…各人的手機也隨即收到了短信！！
「本回合投票已經結束，３號玩家阿風被村民投予了最多的票數被受予火灸之刑」
「以下投票的玩家：3號玩家阿風 投票對象有１６號玩家 巫婆 ２０號玩家 排骨，現在公怖3號玩家阿風的遊戲身份為........"狼人"」
阿風….難道…他真的要死嗎….？？這時手機響了，原來是阿風打來！！！我連忙接了電話.
我：「阿風！你而家係邊啊？」
阿風：「我而家返緊黎啊！！就快到學校門口…究竟發生….咩事啊！！點解…我會俾人處決咗！！？」」
我：「一言難盡！！你快啲返黎先啦！！
阿風：「睇黎佢地已經識穿咗我嘅身份…天佑…對唔住…呃咗你咁耐…. 」
我：「阿風…你唔好咁啦！！我一定唔會俾你有事！！」
阿風：「我中咗調虎離山計去咗醫院…我阿媽跟本無事…跟本呢個就係狼人嘅詭計…」
我：「咁你知唔知道狼人係邊個啊？？？」
阿風：「佢地就係……….啊….. 」
我：「阿風！！！！！！！」
阿風：「啊…」
我：「………………………………….. 」
我拿著電話….眼淚不停地流出來….不對..阿風應該在學校附近了！我連忙跑出學校看個究竟！
我看見的…是一個著滿了火的人….不停在地上打滾….我連忙試著想叫人用水救他…但不管救不救到…一切…已經太遲了….我的好友阿風…已經在我的眼前燒焦了….
我跪在阿風的屍體面前，我腦子一片空白…這一刻除了哭…我想不到還能做甚麼….
此時，小柔他們也跑了出來，看到這個情景…小柔走過來我的身邊， 她沒有說任何話..只是緊緊地抱著我….
我：「我…我….以為自己好聰明….咩組隊…咩計劃…原來一切一切…都已經俾狼人計算好…. 」
小柔：「唔好咁啦…天佑…人死不能復生…」
我：「我真係無用…我真係好無用…」
就在此時…我聽到了警車的聲音，難道警察已經發現了我們？？
一輛警車停在我的面前…有兩個人下了車…我抬頭一望…淚水把我的視線變得模糊…
「天佑….好耐無見….估唔到見返你…居然發生咗咁大件事…. 」
小柔：「你….你…..咪係…. 」
我刷一刷眼睛，試把情緒冷靜下來…此時眾人都聽到了警車的聲音，都紛紛從學校裡跑出來了
「你地好！！我係西九龍警署警員冼家傑，呢位係警員張國彥，我地懷疑你地同一連串人口失蹤案，仲有啱啱呢個嘅死者有關，請你地返去跟我地協助調查…」
我：「冼….冼….家傑？？？？」
冼Sir：「係啊，天佑…好耐無見啦！！估唔到一見返面就要係警局聚舊啦….」
八月十九日 遊戲第四日 02：10
狼人A：「睇黎阿風佢個心已經變咗…. 」
狼人D：「我覺得佢不嬲都無變，佢個心跟本係天佑果邊！」
狼人C：「你講得啱…阿風呢個人一定要剷除…留佢係度只會壞我地大事…」
狼人A：「咁樣要點剷除佢？」
狼人C：「我一早已經估到有呢一日…所以..我早就喺Bosco部手機度裝咗偷聽器…佢嘅一舉一動…我一早已經撩如指掌….嘿嘿嘿….. 」
狼人A：「你唔怕佢會爆哂我地啲野出黎咩？？」
狼人C：「我已經想好咗一個調虎離山之計…嘿嘿嘿…嘿嘿嘿…..哈哈哈哈！！」