狼人遊戲: 第二章 地下室
狼人遊戲第二章: 地下室我叫程天佑，這個大埔的宿營旅程...是個萬萬想不到的恐怖旅程我和阿風，火山，肥龍，思浩，Winkie一行六個人一起去找尋地下室來個圓月之夜探險.火山:「話事話...今次宿營...栗子都有黎啵，肥龍...你有無覺得尷尬啊...話晒...佢都係你前女友...」肥龍:「都過左咁耐...我已經放低左啦....」火山:「係咪真架...?」肥龍:「係啊....咪講呢啲住,講返正經野先」火山:「逃避問題....你記唔記得個地下室係邊架..?」肥龍:「如果我無記錯...應該係呢條路搵到個地下室....」Winkie:「你又知?」肥龍「果度有條樓梯古古怪怪咁..應該係果邊...我地啱啱入黎宿舍果時已經留意到...我呢啲擁有金田一嘅敏銳觀察力緊係醒目啲架啦」Winkie:「慳啲啦你!成日扮晒野!」正如肥龍所說，那裡的確有一條古怪的樓梯，為什麼說是古怪?因為在樓梯的兩旁有兩所石造的雕像，他們約比一般人高一點，左邊的雕像是個右手拿劍左手拿盾的男人，右邊的則是長滿長髮的怪異女人.肥龍「呢兩隻野....咁似...總係講唔出佢係咩野雕像...」「係珀耳修斯和美杜莎!」身旁的思浩插口道思浩-一個為人正直,見識廣博,讀書成績很不錯的人.他對中國和西方神話甚有研究「呢兩隻野有咩特別?」肥龍問「美杜莎係希臘神話中的一隻女妖.傳說佢啲頭髮全部都係蛇，俾佢望中嘅人全部都會變成石頭.而珀耳修斯就利用佢嘅盾將光反射，反令美杜莎變返做石頭，仲將佢個頭斬落黎嘅勇者」思浩冷靜地回答了「嘩！果然博學多材，我地嘅智慧之神」肥龍不甘心說「你過獎喇....我地都係繼續行落去睇下有咩發現」思浩回答我們一行一走到樓梯的盡頭，發現有度木門關著.「大獲!點推都推唔開添!」肥龍說我仔細望清楚..門上好像寫了一個模糊的紅色字...我指著那個字..示意肥龍望一望...肥龍一看...臉色轉青道「呢個...呢個...咪....頂!原來係個『拉』字!」木門被肥龍拉開了.Winkie「死蠢….」「黑麻麻...好彩我有帶電筒」火山說完就把電筒從口袋中拿出來.「哇!你叮噹黎架?幾時係百寶袋度拎支野出黎!」阿風叫到「我仲帶埋指南針同世界地圖添架啦!」自信的火山說到「地圖有! 指南針有!仲有啲橙皮添」阿風眾人拉開了地下室的門....門裡一片漆黑...伸手不見五指，火山把電筒打開一看，發現的是一條走廊，走廊的周圍滿怖灰塵和蜘蛛網，看來是很久沒有人打掃的樣子.肥龍「果啲工作人員咁鬼懶，呢度一定十年都無打掃，咁污糟」「嘩!」突然有人叫道阿風「邊鬼條八婆大叫!人嚇人無藥醫啊!」火山「呢度....得一個女人啫....」Winkie「你...你地...睇睇....果邊...前邊個牆度...好似...掛住....個人頭.... 仲望住.....我地...笑緊....添...」阿風「唔....唔係....咁猛啊麻....」肥龍「行過去睇睇....」肥龍走到牆邊仔細一看肥龍「生人唔生膽....睇真啲啦!係幅畫黎架喳....係個女仔黎...睇落...仲幾令女添...佢手上...好似拎住啲野....」火山「等我睇睇....呢啲....圖案...咁熟嘅....」思浩「等我睇下...呢啲...咪係....死神...命運之鑰...魔術師....戀人...星星...月亮...太陽...係塔羅牌!」阿風「係咪條死人巫婆玩果啲」思浩「係....係佢先會信埋呢啲咁唔合理嘅野」我說道「你地睇睇...牆上邊...仲有好多畫添....」火山「係啵....又有山...又有村莊... 啲景...好有歐洲feel!」阿風「拎幾幅返去唔知賣唔賣到錢呢..可能幾值錢啵」我「咪鬼講埋講晒啲無聊野，你地睇，前邊...好似仲有度門.」眾人拉開了木門...木門的另一邊，是一個地下室.地下室中滿怖了雜物，灰塵.火山「妖!呢啲都係啲裝修工具黎，睇黎好似無咩特別啵」肥龍「你睇...果邊...好似有光...」火山「係個天窗...射左啲光落黎...咦...個張台上邊...好似有啲野閃閃下..」我「係個紅色盒黎播....」肥龍「好似幾正!快啲打開黎睇!」火山「個盒上邊...好似寫左啲英文.....思浩!你英文勁啲，你解下」思浩「呢啲...好似唔係英文...我都睇唔明...」肥龍「講到自己幾勁幾勁，咪又係唔識!」Winkie走過來一看，說道「呢啲..好似係法文黎架!上次我去巫婆屋企，見到佢有好多法文嘅書，佢應該識法文!」我「我都聽佢講過佢有學過法文」肥龍「等我打開個盒睇下有乜精彩野係入邊先...」突然..有一個人影在我們的身後方出現....「你地係度做咩啊?」「嘩!又乜水講野!」阿風「我係呢度嘅管理員啊!我問你地係度做乜啊?」管理員阿風「我...我...我地.....」管理員「快啲同我出返去!如果唔係我拎掃把黎掃走晒你地!」火山「係嘅係嘅...唔好意思大叔...」眾人被管理員趕離開了地下室阿風:「車!又話有咩特別咁巴閉!咩都無發現，啲畫又無拎到!白黎」火山:「咁都好過睇大舊玩pokemon」阿風:「唉!果條死毒男又話大大聲話夜晚啲節目佢攪掂!原來睇打機!」肥龍:「可能....今次出黎唔算白黎嘅...」阿風:「點解咁講?」肥龍:「我啱啱偷左個紅色盒出黎…嘿，一陣返去睇下有咩發現.呢個盒應該係貴野黎」思浩「咁做唔係幾好掛....不如還返俾個管理員啦...」肥龍「你都kai嘅!唔拎走啲戰利品點對得住自己」思浩「我始終覺得唔係咁好...話晒都係人地啲野...」阿風「你唔做賊浪費晒!」肥龍「你地咪理啦!無野帶返去點同果班村民交代」發生什麼事?!一行六個人回到了房間，看到房裡各人都在聽巫婆說故事，看來聽得很入神，小君的情緒好像較害怕，坐在她身旁的子俊一直陪著她子俊-小君多年的追求者.大舊則坐旁一個人玩3DS.活在他自己的一個世界裡.「你地返黎啦!」小柔叫到我說「你唔係訓覺咩?」「巫婆有好多故仔講，好神秘，好好聽.」小柔說完露出一個秒殺毒男的笑容「喂!巫婆!唔好講故仔住啦，你識法文，快啲幫我地睇下呢個盒上邊寫住咩野!」肥龍說道巫婆細心看了兩眼，讀出了一些我們聽不明白的法文肥龍「你講乜啊，即係點解啊?」巫婆「佢大嘅意思係話...呢盒野...入邊裝住嘅係一幅牌..呢幅牌..係一個遊戲..係一個測試人性嘅遊戲...遊戲開始左...就無辦法再停...遊戲的優勝者..可以獲得一個願望..一個心想事成嘅願望....」肥龍「咦?聽落幾吸引!快啲打開黎睇!」巫婆打開了紅色盒子，盒子裡果然是一幅牌，上邊印了很多古怪的圖案.肥龍「咩黎架...呢啲...點玩架....」這時大舊走了過來一看，便說到「狼人....村民....女巫...預言家....呢啲咪狼人遊戲嘅牌!」肥龍「狼人遊戲?係咪上次我地玩果啲，好似KILLER咁玩，好似幾好玩架播...」大舊「係啦，只不過係啲圖案唔同左，啲角色都一樣.」肥龍「佢話遊戲的優勝者，可以獲得一個願望，一個心想事成嘅願望.聽落好吸引播，既然今晚咁悶，不如就玩返局啦，睇下係咪心想事成!加上你地講完啲神秘故仔，玩落好似仲有感覺啲」眾人都表示同意.只有膽小的小君有點害怕.但無奈下只好就範.火山他自薦做主持人，因為他經常與同事玩Killer,所以有點厭倦.主持人是狼人遊戲中的公証，負責統籌這遊戲的一切運作.我也只玩過一次，對狼人這遊戲一知半解，我猜想在遊戲開始後我很快就會被殺害，各人都抽了身份牌，我把身份牌打開，一看....卡牌上寫著「白痴」兩個大字....我一臉無奈，心想:『是在諷刺我嗎?竟然有這樣的角色!』就在此時…突然眼前一黑...伸手也不見五指…究竟發生什麼事?!