狼人遊戲: 第一章　宿營

狼人遊戲是一個在世界上很受歡迎的遊戲之一,規則很簡單,但變化卻很大,遊戲人數大致是8人到18人或更多玩家組成,分成兩大陣營「狼人」和「村民」，狼人在黑夜暗殺一人，村民在白天通過討論找出狼人。在遊戲的開始村民並不知道任何信息，而狼人互相認識。由一主持人作為遊戲中間角色。遊戲就在白天和黑夜之間交替進行。隨着身份和角色的搭配，使遊戲目標改變，用語言和表情騙過其他人，正是遊戲的最大特色。一個被遠古封印的遊戲....今天準備展開連串的恐怖事件....

狼人遊戲 第一章:宿營2014年8月17日 地點:香港我一個人呆站著...凝望著我兩位好同學的屍體...一位乾了血...一位燒焦了...這時的我還不敢相信這些事情是真的...如果..我們前天晚上..沒有去到大埔的宿營..沒有到那地下室..沒有玩那遊戲...我便不會遇上這些恐怖的經歷...2014年8月15日 地點:香港我的名字叫程天佑,是個剛剛畢業的大學生,還記得有人說過,一生中最真摯的友情大多都是在求學時期遇到的,為了避免我們的友誼隨著時間而流逝,自從上年開始,我們每年暑假都會舉辦一次中學同學聚會,今次已經是第二次了,這次我們去的是大埔的一個渡假營.但我們誰也想不到,這次旅程其實是一連串可怕事件的序幕…小柔「無見佢地成年喇,你估佢地而家變成點呢?」我「第二個我唔知!不過我估肥龍一定仲係咁牙擦,成日得把口串串貢!」身旁的阿風插咀道「哈哈,佢成日都Seven向左走向右走懵懵食甜筒咁,仲記得佢條kai頭上次同我玩KILLER,講到自己成個專家咁,結果俾我第一個殺左,笑向左走向右走死我」我「哈哈!你咁都記得,不過我對呢啲遊戲唔係太拿手. 」「你條粉腸第一次玩都算唔錯喇!都有我一成功力啦!」阿風開玩笑說沈小柔是我中學時期認識的女友,雖然樣子不算美麗,亦沒有魔鬼般的身材,但有著雪白的膚色,紅色的粗框眼鏡配上甜美的笑容可以隨時秒殺一堆宅男,個子矮小加上帶點稚氣的性格顯得她格外可愛,還記得我苦苦的追求了她三年她才接受我,因此我非常珍惜這段感情。阿風則是我自小就認識的死黨,他留著”男兒當入樽”裡櫻木花道的招牌陸軍裝,為人大情大聖,雖然說話時比毓民還大聲,而且經常滿口粗言穢語,所以人們都叫他做『爛口風』,不過他為人率直,是一個直得信賴的好朋友。我:「哈哈!唔知今次有啲咩野玩呢?」
阿風:「唉...不過今時今日我都係仲係一個浪子,唔知Coie佢變成點呢?佢以前係校花來黎架!諗起佢謝師宴果件Deep v露背晚裝就紅都面哂喇!」
此時,遠處一位男子邊招手邊叫「喂!呢度呀仲周圍望!」
阿風:「嘩!火山哥!無見咁耐啲豆豆無晒喎!」
火山-我們以前的班長,性格開朗,考試成績也數一數二,每次活動都是他做攪手,由於他讀書時暗瘡得別多,所以給人改了「火山」這花名。
「喂!瀨屎,咁耐無見而家仲有無瀨屎先?」口痕的阿風對著他身旁的瀨屎說
瀨屎:「你都痴線!小學時期啲野你仲拎出黎講! 」
瀨屎-跟我和阿風都是同一所小學及中學的同學,據說讀小學時因為瀨屎不小心在班上瀨了屎,所以便給他改了這個花名,一叫便叫了十多年,我終於明白甚麼叫『一篤屎成千古恨…此恨綿綿無絕期…』




「嗄..嗄..嗄...終於到喇..」一個背著滿滿背包的男子跑過來
阿風:「次向左走向右走次都係你個茂利最遲!我地等向左走向右走左你3個鐘喇! 」
火山:「唔洗理佢!佢到左3分鐘都冇! 」
大舊一臉不好意思地道:「唔好意思…頭先出門口唔記得拎啲野,攪到返轉頭拎...」
大舊-典型的四眼毒男,班入邊體形最大的男生,喜歡研究各種遊戲,三國殺,殺人遊戲,遊戲王都是他的最愛。
大舊:「今次CAMP晚上嘅遊戲環節交俾我負責啦,今次我嘅安排一定令大家滿意!」
阿風:「你係先好講啊!」
「好啦!人齊喇!Go!」火山發號司令旅途上...每個人都興奮地談論著往事...其中校花Coie和校草Bosco成為了大家談論的重心。當然阿風那小子也常常拿懶屎和吹波的小學趣事經歷來分享!Coie-一個在那些年,被無數男生追求的對象,樣子和氣質都有點像蔣雅文,阿風就是其中一位追求者,但當然以失敗告終,據說她現在還是單身。Bosco-讀書時期很花心,喜歡到處留情,據說跟很多女生都發生過關係...其中一位大熱門就是那個很濫交的Winkie。Winkie是出名的是非精,樣子也不錯.她每次見到帥哥都會主動熱情地靠過去.Winkie跟Coie也是多年的好姊妹.吹波:「Coie,知唔知點解我成日對住你都好少講野啊....?」Coie:「下....點解啊...?唔係播....你明明好多野講.....」吹波:「因為.....寧願一生都不說話都不想講假說話欺騙你 」Coie:「.......................」阿風:「唉....歌神又唱歌......」吹波-我們班的歌神,也是和阿風同一間小學.曾經參加學校歌唱比賽 拿到了冠軍.還在台上打了360度的轉身不小心跌到,成為全校一時佳話.他總會在不經意的時候唱出幾句歌詞冷笑全場經過一輪戶外活動後...不知不覺已經到了晚上,我們回到了宿舍房間後,喜歡攪氣氛的巫婆提議大家一起說恐怖故事。話說恐怖故事和鬼故很多時都是大家在宿營時的談論話題,有時膽小的人聽後會害怕到睡不著。巫婆-讀書時期就得來了這稱號,原因一是她的「掃把頭」及那雙令人譁然的「飛毛腿」,其二是她很喜歡研究一些鬼故,恐怖故事等,她常說自己曾接觸外星人,班裡膽小的小君每次聽他說故都會嚇到不敢聽。這次巫婆說的是一個歐洲的民間傳說...在圓月之夜由人變身為狼人,去殘殺村民的故事,剛好今天又是圓月之夜,故事聽起來特別逼真。大約半小時後,故事說完了,小君一早已經按著耳朵不敢再聽下去,這時身旁的大舊突然說道「好啦!鬼故講完啦!係時候到遊戲環節!大家估下我拎啲咩出黎大家玩?」阿風「係就拿拿臨喇,咪講咁多廢話!我秒秒鐘幾百萬上落架!」大舊「嘿!登登登登!有三國殺!遊戲王!仲有我新買既嘅3DS啊!大家睇睇!我仲玩緊POKEMON,我練左好多寵物小精靈添!」「....................................」全場頓時一片死寂…鴉雀無聲…「我Hi!你個死毒男!你拎呢啲野出黎鬼有人識玩咩?你係咪KAI架?仲要睇你玩POKEMON?」阿風憤怒地說!正當所有人對大舊準備的遊戲活動環節感到十分之不滿的時候,剛去完洗手間的肥龍正正回來肥龍「嘩!而家啲工作人員好鬼型,個阿叔隻手紋左好大隻蜈蚣」肥龍接著說「話事話...今晚有咩活動玩啊?」肥龍-為人愛吹牛.他常說自己有很多女朋友,但除了我們班的女生栗子是他的前度女友外,其他的我們一個也沒有真正見過...阿風「玩佢條春咩!條KAI頭帶想我地睇佢玩POKEMON啊!」肥龍「下!唔係掛!不過呢....我啱啱諗到一樣野....應該幾刺激.....」阿風「乜野咁正?」]肥龍「話說我啱啱去廁所果時,突然有個阿叔係我背後出現,真係嚇左我一跳,條友行路都無聲嘅!」阿風「跟住呢?」肥龍「佢問我夜麻麻係度做咩....我心諗係廁所唔係痾屎就痾尿架啦!跟住佢叫我夜麻麻唔好周圍走...仲千叮萬囑特別提醒我唔好去呢間宿舍後面個地下室...」阿風:「咁你想...?」肥龍:「嘿嘿嘿....橫掂今晚我地又無節目....不如......黎個地下室探險....可能....會有啲意想唔到嘅驚喜呢....!」這時...膽小的小君口震震地說道「我唔會去架...要去你地自己去...我寧願覺覺豬啊!」Coie和幾個女生也說道「我都唔去架....」火山「地下室探險.....好似聽落唔錯...不如咁啦!邊個想去嘅,就舉舉手!」阿風「Hi!橫掂今晚都無咩節目,唔通真係玩POKEMON咩!我去!天佑!你都一齊架啦!」我本身並不是一個很大膽的人...但無奈無節目...也只好說「咁去囉....」小柔「我唔去啊!你地玩得開心啲啦.....」火山:「仲有邊個去?」Winkie和另一個男生思浩也舉手示意他們要去火山「咁好啦!其他人係度傾下計先,如果無咩發現我地都會好快返黎!」我們萬萬也沒有人想到....這次的地下室之行...竟是所有一幕幕恐怖事情的開端...我們在地下室所發現的東西...竟然是改寫我人生的東西....