【陪我玩一次會死人的KILLER好嗎?】: 9. 背景II

可能文山楓見到我們倆都一臉茫然，他苦笑道:「聽埋我一路講落去你就會明，但係係我講之前，我想睇下你地啲牌先。」雖然給別人看我們的手牌也沒甚麼大不了，但我當然也留了一個心眼，讓他跟我一起翻開自己的手牌。
 
他微笑說不用，然後很大方地先揭開，紙牌不約而同地都刻有兩個8字，不過一個是紅色，另一個是黑色。當然，我和阿恩也翻開讓他檢查一下。他長紓了一口氣，便重投到他的回憶之中: 「我地出左黎之後，見到呢個截然不同既世界當然好驚訝，我地唔敢輕舉妄動，唯有先研究一下手上僅有既幾張…紙。我地翻到去寫住規則既個一張，發現寫滿哂啲我地平時玩KILLER呢個GAME既RULE，當中，有一點引起左我既注意，因為呢一點同我地平時玩既KILLER好唔同，有好大出入。
 
係呢個KILLER中原來無HOST，要殺人可以隨意殺，佢無寫明KILLER先可以可以殺人。雖然無一個明確既HOST，但係投票呢個機制仍然保存，我地可以去投票黎票殺某一個人選。當某一個人被過半數既玩家投左出黎，其他既玩家就可以自由選擇去追殺佢定幫助佢，殺到佢的話就可以帶埋佢既屍首去到投票站，亦姐係九龍城寨入邊既老人中心，藉由屍體去換取一啲有用既物資。其實我地本來都唔相信呢啲所謂既規則，你話丫，香港點可能發生啲咁既事，一個城市又點會視人命如草莽，任由我地自相殘殺!?但係一件事，就改變哂我地兩個，令我地不得不向現實低頭，跟住啲規則走。」