《完美犯罪手冊》 - 為了上進而失去一切的故事: 《罪惡》

價值觀係一樣好奇怪既事。

每一個人都有，但每一個人既價值觀都唔一樣。

合則來，不合則去；呢個一直都係阿沁既做人原則。

正如阿dee咁，一開始覺得大家夾得黎，一做就做左十幾年兄弟。

估唔到兄弟都有分別既一日，就連hyuna咁善良既女仔…都竟然支持阿dee。






到底係呢個世界變得太快，定係人變得更快？阿沁唔知道。

亦都唔想去了解。


可能阿Dee同hyuna，已經唔係初初認識果兩個人。

又或者，係自己變左都未定。





但阿沁知道，就算自己點變、變成點，害人既心都唔可以有。

盜亦有道，或者就係呢個意思。


夕陽西下，夜幕低垂。


阿沁離開左部車後並無返去準備啲乜野，反正自己都知道點準備都唔會夠冷血。





趙政祺要既野，係而家既阿dee先畀到佢，自己就算做啲乜野都唔會討好到趙政祺。

倒不如忠於自己，做返啲自己想做既事更好。


呢一晚，天色因入秋而提早入黑；但香港卻比以往更光…更亮。

阿沁返屋企換左套衫，去藥房買左個口罩、眼罩，準備出發去參與一件屬於香港人既事。

就算知道自己會被呢班人害死都好，阿沁都非常欣賞佢地敢於反抗強權既精神。

總好過自己…唔敢反抗趙政祺。


阿沁希望籍住加入佔領中環，可以舒發到內心果一份不甘、果一份怨屈。






『６８９！下台！６８９！仆街！』

『警察可恥！警察可恥！』

『你哋都係香港人！你哋都係香港人！』


阿沁於人群中叫著口號，雖然自己係孤身一人，但卻同周遭既心連成一線。

入夜後警察既行動並無放緩，反而更加積極，打算係休息前作最大努力驅散。

催淚彈、胡椒噴霧、伸縮警棍，圓盾牌，防毒面具；擁有以上充足裝備既警察，足以對抗恐怖分子既警察，應該用呢啲裝備去對抗黑社會既警察；係呢一刻，竟然用黎對付手無寸鐵既學生、市民。





呀，唔係，學生用保鮮紙、眼罩、口罩、雨遮去防禦，去反抗，甚至被講成去襲警。

尖叫聲，哭泣聲，不斷傳入去阿沁既內心之中。

阿沁忽然感受到好迷惘，整個世界好荒謬。


眼見住一個又一個既傷者，為公義發聲既傷者不斷被抬離場；

到底…邊個先係正義一方？

而邊個…先係犯罪一方？

學生們不斷被標籤犯左非法集會罪、阻街罪、阻差辦公罪、襲警罪等…





但警察呢？

佢地有職權既保護，可以肆無忌旦咁去攻擊一切阻住自己既人。

警察都係人，人難免有私心，整個警隊必定有人濫用職權，以驅散為名，發洩為實的警員大有人在。

蓄意傷害他人身體，毆打，濫用私刑…每一條都比學生犯既事更嚴重，

但係職權既保護下都可以一一赦免。

係呢個社會，攀附權貴自然成為正義一方；反抗不公義，行動革命自成犯罪的一方。


『請勿再衝擊警方防線！』





『都冇人衝擊！大家高舉雙手！我地係和平架！』

『請勿再衝擊警方防線，否則使用更高武力。』

『無人衝擊啊！！你地係咪聾架？』






罪與惡；阿沁已經分唔清楚。

但唯一可幸既係，即使係錯，即使係犯罪，為左一直既理念…

阿沁都會堅持落去。


[吱--------吱---------------]


阿沁既電話不停在震動。




『喂？？』阿沁雙手拎住電話：『唔好推啊…喂？』

『喂？阿沁？』

『你係…？呢度好嘈呀，我聽唔清楚！！』

『你點解會係度既！？』


『咩啊？你係邊個？你係邊呀？你見到我咩？』


『我係你後面呀…！』


『後面？』阿沁擠於人群中轉過身來：『你…』

『嘻嘻。』







ｘｘｘｘｘｘｘｘｘｘｘｘｘｘｘｘｘｘｘｘｘｘｘｘｘｘｘｘｘｘｘｘｘｘｘｘｘｘｘｘｘｘｘｘｘｘｘｘ




https://www.youtube.com/watch?v=91eVFx45MCY


題外話：

《佔中》開始的一章原本沒有在故事中出現，但這是血淋淋發生過的歷史，是香港最黑暗的時光。

當沒罪的變有罪，犯罪的變沒罪時，我們不能抹殺這段屬於每一個香港人的記憶。
到底誰是和平，誰是犯罪，結果早已在我們心中。

一年過去，莫忘初衷。