《完美犯罪手冊》 - 為了上進而失去一切的故事: 《決裂》

『出來了吧？』趙政祺盯了阿dee一眼：『Hyuna去拿投影器。』

『OK。』hyuna十足秘書一樣賣力。



Hyuna純熟地打開投影機之後，接連住電腦，

趙政祺同時用遙控將電視前既一幅白色投影布落下。





強光從投影器出散射而出，一個清晰且鮮明既畫面現於人前。


『呢個係…』阿沁喃喃道。



『而家香港既＂勢力＂名單。』hyuna回答。







畫面顯示了左右兩排一列又一列既詳盡資料，仔細一望見到十數個不同組織和機構的名字。

原來呈現係眾人眼前既呢一個表，正正係佔中現時分成兩派既組織。


『咁快有呢啲資料…』阿沁概嘆著。

『快？』趙政祺一臉看不起的目光：『你可知道早在六天之前已經開始了佔領運動了？』





『六日前…？』阿沁澄清道：『我只係掛住研究當日既行動……無留意新聞…』

『想不到你的視野竟然這麼狹隘。』趙說。

阿沁一臉不甘的樣子，但卻無話反駁。

趙政祺毫不留情面：『即使是六天之前開始，我昨天吩咐hyuna做的事，她半天就完成了這份簡報了。』

『係hyuna…』阿沁難以置信地望著hyuna：『你做既…？』

『廢話，難道是你做的嗎？』趙拉回正題：『現在你們可以看到，現在香港的勢力分成兩派；一派是支持學生、佔中，一派是支持警察、政府、中國和反佔中的人。』


阿沁一邊留心聽趙政祺解釋，另一邊望住hyuna…





原來hyuna真係變左好多，只係自己一直都唔察覺。

係大半年之前分手時，hyuna仲係一個衣著打扮都好性感、青春活力既女仔。

但而家…原來已經變到非常穩重，頓令阿沁明白到咩叫女大十八變。

儘管hyuna唔係好似印象中既秘書咁戴住眼鏡，著住西裝裙；

hyuna只係著住普通針織冷衫素色中裙，但散發住既氣質…卻係讓人安心且成熟。

而且，岩岩阿沁仲被hyuna話睇野太表面，難道hyuna睇事物既角度比自己更透徹？

阿沁一直在意著。






『阿沁，』趙政祺忽然發話：『你覺得呢？』


呢一刻阿沁就好似讀書時期發白日夢，被老師上堂抽問一樣。

『我……』阿沁啞口無語。

『行，』趙張開掌心：『不用說了，阿dee，你說。』

『根據呢份報表推測…而且佔中既人，有學生團體、社會團體仲有一啲政黨團體等三個派系；
而反對既人有撐警大聯盟、建制派政黨、以及反對學生罷課既教聯會等等，基本上而家都係五五對立，無話邊個佔到上風，警察雖然出動催淚彈，但備受社會輿論壓力下，必須使用最低武力，不過咁樣根本唔夠，要瓦解佔中，必先從學生著手。』


阿沁木在一旁地望住阿dee，自己其實唔太意外。





本來阿dee就係讀書既材料，無論係中文定英文辯論都好，

阿dee既行動力，分析力都比自己強，呢點係無用置疑…只係阿dee一直當自己係哥哥，加上佢個性衝動先會經常迷失自我。

但見到阿dee而家好似搵到自己要達成既目標，整個人變得異常冷靜，作為好兄弟既阿沁…都唔知呢種轉變係福…定抑或係禍。


『學生著手？』趙政祺繼續問：『為什麼呢？一網打盡不好嗎？』

『唔係唔好，』阿dee決斷地解釋：『呢一場佔領行動，本來就係由學生先發起，果啲咩佔中三子，大家都議論紛紛，話佢地係騎劫左整個行動。而最重要一點，係呢個網絡資訊泛濫既年代，相信好快佔中就會變質，形成一股新趨勢。』


『喔？』趙滿意地笑著：『有趣，連我都沒想到，你繼續說。』

阿dee就好似被馴化一樣滿足，續道：『趙小姐，而家出黎佔中既學生，大多數都係大專程度以上既知識分子，佢地呢一群人有自己獨立既思想，亦自覺身有抱負，不願被枷鎖所束縛，但所謂一犬吠聲，百犬吠日；以而家既資訊平台，好快就會一傳十，十傳百，大家為左跟上潮流，而盲目走出黎佔中，我假設，當事情去到中期黎講，已經有一半以上既人唔知為左啲咩而出去佔中。所以，要阻止更多人上街，必定要先從學生著手。』





『那你覺得怎麼做，你之前說的要出動黑道的人，難道就明目張膽去驅散嗎？』趙假設。

『當然唔係明目張膽，』阿dee想了一想：『我地可以將黑道既人，分成三組人。』

『三組人？』趙問。

『冇錯。第一組，係明刀明槍去加入反佔中一派既人，表面係為生活反佔中，實質利用佢地既行動力去破壞佔中果班人既物資。第二組，係混入佔中人士果邊，故意發生暴力事件，令到市民、社會各方面都認為佔中唔再和平，然後間接迫使警方出動更高武力，我地仲可以利用網路，去令佢地互相攻擊互相仇視為止。』

趙政祺托著頭：『把黑道的人混進去佔中一方嗎…聽起來可行。那第三組呢？』


『第三組…我想想…』阿dee頓了頓。

『想？』趙立感不滿：『你不是該想好才回答我的嗎！？』

『啊…我唔係呢個意思…我係諗緊點稱呼果一組人比較好姐……』

『說。』

『第三組人…』阿dee唔小心望阿沁一眼後靈機一觸：『我叫佢地做煽動者。』

『煽…動者…？』阿沁衝口而出。

『既然我地有兩組人分別混入去兩邊，就算兩邊既人處於現場都好，佔中果一方一定會保持住最大既冷靜，因為佢地要畀人覺得自己係君子動口不動手，你睇電視上經常有人不斷叫舉高雙手示意就知道。』

『然後呢？』

『之後身處佔中既黑道，假如故意發生衝突既話，好自然就被人識穿根本唔係佔中既人，而家個個都有手機係身，好易會被人放上網，為左要出師有名，一定要有一班既唔係佔中，又非反佔中既人，即係一班普通為生活既市民。』

阿dee說得頭頭是道，眾人都分析著佢講既野。

阿dee接著說：『香港除左佔中同反佔中，最多既係一班為左生活而奔波既人，我假設一個situation，有好多香港人係港島區返工，佢地而家被影響到生活，但又處於一個支持佔中既＂矛盾狀態＂。所以，我地要有人將佢地既心聲，切確既問題不斷表達出黎。』


『原來這樣，除了黑白兩道夾攻，你還想軟硬兼施，對吧？』

『冇錯，一方面警察會不斷驅趕；另一方面我地既人會不斷生事，到時佔中人士會被冠上破壞公物、交通、秩序既罪名；反佔中會被指製造暴力事件，再加上打工仔既訴求，我諗十二月之前一定會完結呢次事件。』


趙政祺喜形於色：『這下學生都被冠罪名了哈。』


………






『喂…阿dee…咁做會唔會唔係咁好…』



呢一句，阿沁並無講出口。

係而家既處境入面，趙政祺就如皇帝一樣，阿沁、阿dee等人必須要做出成績去取悅佢。

目的除左係為生存之外，仲係為左身邊既人。

事情既發展愈順利，愈成功，愈不留痕跡，得到利益後既趙政祺放過自己既機會就愈大。

係阿dee立場而言，正如有一名佔中既外國人所講：「He did nothing wrong.」

再加上趙政祺而家非常滿意阿dee既方案，而且可行性仲非常之高。

即使阿沁想反對，想反抗，想對得住自己良心都好…

阿沁自問有更好既方法嗎？有比阿dee更直接更易成功既能力嗎？

沒有，根本無本錢去反抗。

假如係呢種情況下，去推翻阿dee既方案同時又拎唔到啲咩成績出黎既話，自己根本死路一條。

到時就算係阿dee都唔會可憐自己。

唔知點解，阿沁既內心愈來愈不安；身邊最親密…最重要既人，都好似離自己愈來愈遠。

明明控制住自己去做犯法既事係趙政祺；阿dee同hyuna好應該企係同自己同一陣線之上架？

點解會演變成佢地加入左趙政祺而孤立自己？

而家阿沁既身邊…就好似每一個都係敵人，每一個人都信唔過一樣。

想深一層，阿沁自己明明早幾日仲幫過阿dee一個大忙，點解阿dee呢一刻好似將所有功勞搶哂一樣？

明明自己琴晚，甚至一整個禮拜都非常努力去部署平安夜既事而廢寢忘餐，但到左今日…竟然咩都唔同哂？

努力…換來既係失敗？


『今天就這樣。』趙政祺嚴肅起來：『你們可以開始各自行動，但要預先報告給我。我再說一次，我要的是能見到成效的行動。』

阿dee、hyuna：『明白。』

『嗯…』阿沁心不在弦道。

趙政祺半眼都無望過阿沁，如同局外人一樣。

三人慢慢步出大宅，登上趙政祺一早準備好既私家車。

唔知係阿沁想多左定點，上車時阿dee自動自覺左係前座，令阿沁有種被離棄既感覺。

其實本來係一件好正常不過既事，hyuna當然係同自己坐，阿dee怕做電燈膽當然會坐前面。

但…呢一刻卻……


『喂…阿dee…』阿沁坐係車後座問。

『咩？』阿dee望望倒後鏡。

『你真係諗住…去做犯法野呀…？』

『犯法？』阿dee不明所意：『咩犯法？』

阿沁娓娓道來：『你頭先話要利用班黑幫搞事…又破壞公物…又流血事件…咪即係犯法…』

『下？你講咩啊阿沁，又唔係我做。』阿dee毫不在意。

『但…係你打算指使啊？你咁做會唔會太過份…？』

『過份？』阿dee嘲諷道：『阿沁，你自己咪一樣做犯法野？你有資格講呢啲咩？你唔覺得自己好可笑？』

『喂！之但係…！』

『我知你想講咩！！』阿dee立即打斷：『你想話你之前做既事只係賺錢，劫富濟貧丫嘛？』

『……』阿沁無言。

『大佬，我又何嘗唔係為生存呀！我都係唔想死咋！犯法？講經咩你！』

『阿dee…！但…果啲係學生黎架！』

『學生咁又點？大家都係人，佢地係為乜撚野民主，乜野普選，我係為條命啊！係人命面前，你覺得民主重要，定係生存重要啊？』

『咁…你都唔洗……用果啲暴力方法架…』阿沁仍在說服。

『咁你有冇更好既方法？』

『………』



車內一片寂靜。


阿沁仍然唔想去傷害班學生，輕聲喃喃道：『唔好話你為左條女……』


『你講乜撚野啊！？』阿dee怒不可遏。

『我話…你都係為左條女先咁搏命咋？』

『我為左條女？！』阿dee激動起來：『你係咪痴左線啊阿沁！我係為左自己，同你地咋！』

『我痴線…？痴線得過你話去傷害班學生…？』

『屌你，你估我想架？你估我變態架？如果我地平安無事，我地緊係支持啦！但你諗下而家咩環境呀！學生？你諗掂你自己先啦！我咁做都係為左你唔洗死咋！醒下啦懵撚！』


『阿dee…你明唔明…我意思係想你可以冷靜諗下有冇啲其他方法…你咁樣衝動去答趙政祺既問題，明明我地可以有機會去改變趙政祺既想法，但你就中哂佢計，要醒果個係你先岩呀…』

『我衝動？衝動得過你？！』

『你都痴線…理智啲啦，由細到大都係你衝動在先！上次係酒吧又係我救你！你畀人拉左又係我救你，有次我一唔係度你就出手打張經理，仲傷到hyuna我都未同你計呀！』

『仲好講hyuna？你知唔知…』


『夠啦！！！』hyuna終於忍唔住出聲：『你地兩個嘈夠未呀…？仲細咩？』

『sorry…』阿沁道歉。

『明明係佢撩起我把火先既。』阿dee續道。

hyuna歎了一口氣：『依家你地好應該合作一齊去做好跟住落黎要做既事…而唔係係度鬧交呀…』

『hyuna…』阿沁難以置信：『連你都要我傷害班學生…？』

『阿沁…』

『連你都要害人？』

『我地無得揀…』hyuna道出事實。

『得，我明白。』阿沁望住司機：『停車。』


嘶－－－－－－－－－－－－


阿沁立即打開車門落車，拋下一句：『我會用我自己既方法，總之要害人…對唔住，我做唔到。』


hyuna不捨道：『阿沁呀……』


『你地就當我死我賤。再見。』