《相交的平行線》: 第三十話
「假作真時真亦假，無為有處有還無。」──紅樓夢
這時，隔壁傳來阿喬的個人演唱會，叫聲之大，足以打斷我們的對話。而這陣陣傳來的叫聲持續了好一段時間，弄得濋濋臉上緋紅。
「好尷尬呀。」我說。
「係囉，唔駛咁大聲呀嘛。」
持續了一段時間後，終於一切歸於寂靜。
「你…你頭先講真嫁，真係有可能出爾反爾？」我立即把心中疑惑問了出來。
「只係有可能姐，唔駛咁緊張。但係以我嘅經歷嚟睇，的確有可能。」
「我又冇諗過呢方面喎，若果係咁，件事就會變得好harsh。」
「唔好唔開心啦，都只係有機會姐，有可能佢地真係變左呢。」
「可能啦。」
再聊了一會，濋濋便過了去妳跟pinky的床上睡死了，看來她也很累了吧。而我在酒精的帶動下，亦一睡不起。第二天醒來，胸口傳來一陣重量，原來妳爬了過來，看看窗外，已是日上三干。當我正打算輕輕的起床時，我一動妳便醒來了。
「去邊呀你？」醒來的妳打了個哈欠問道。
「冇，諗住去洗個臉，再去買早餐俾妳食。」
「我有啲頭痛呀。」
「唔飲得又飲咁多，飲到不省人事咁。」我揉了揉妳的頭髮。
「邊個叫佢地大我喎，飲飲下就暈暈地，唔知幾時就瞓著左啦。6點幾個時起過一次身，然後見到你係隔離床，咪瞓係你心口囉。話時話，又幾舒服。」
「瞓到個心口紅哂啦。」
「呀單愛淇淇嘛？」妳突然再一次趴在我身上問。
「淇淇難道唔知道咩？」
「當然知道，只係有啲怕。」
「怕咩？」
「怕我唔值得你嘅愛。」
「點會唔值得，妳永遠都係我嘅最愛。」
「嘻嘻，冇野啦，肚餓呀。」
「好，我地去食野啦。」
我們便拋棄了他們，出去找午餐吃了。五月盛夏的台灣，熱得要命，我們慢走在台北車站附近，尋找著我們的午餐。很快就找到一間小店，草草吃了點東西，我們便離開向聖地出發。
我們乘搭捷運到中山站，亦是我們來到台北的主要目的地──地下書街，這是台北中山站及雙連站之間的地下街。而我們主要在地下街找一些香港找不到的舊書，我們走了一會便找到間舊書店。
「傻瓜，你搵咩呀？」
「冇，睇下有冇啲咩書買下。」
「咁你有冇睇過呢本？」妳拿著Jane Austin的sense and sensibility問道。
「冇呀，但係我睇過呢個佢嘅 Pride and Prejudice 同埋Emma。」我說。
「咁呀，我睇下先。」
你便打開書開始看了，我便去找我的書。當然，我亦不時偷偷的看著妳，那麼漂亮的妳。慢慢在書叢中找著，手下落在一本很久沒看的書──國境以南太陽以西，想起當中的一句「看見你幸福的樣子，於是幸福著你的幸福」。
享受了一個下午的精神食糧之後，高佬他們終於打電話跟我們聯絡了，我們便相約在西門紅樓等待。來到了西門町，太陽開始日落西山，晚霞透出的紅光映照在我們的身上， 而我迷失於紅光中照射的妳。也許妳察覺到一絲，便回望著我。原來，戀愛中的人，眼眸裡能夠感受到對方濃濃的愛意。
我說愛你值不值得，其實你應該知道，愛就是不問值得不值得。但妳沒有說什麼。
我要與妳看透世上每個地方的日落以及令我們相遇的月光。妳卻說我自大，何曾應承。
我答這是自信，以及對妳的承諾。然而妳便緊緊的握著我的手，望著紅霞下的紅樓，由紅到黑的消逝，直至皓月當空。我倆齊道，
「我愛妳。」
不久，他們便到達了。
「你地咁嫁，自己走左出嚟都唔叫我地。」呀喬搶先說道。
「唔知邊個瞓左我間房呢？」我亦似笑非笑回了一句。
「Sor囉。」高佬答。
「咁我地食咩呀？」肥仔問。
「旅遊書話有間碳烤幾好食，不如就食呢間啦。」濋濋拿著書說。
「睇下，好似幾好喎。點睇？」妳問。
決定好之後我們便去了，這家店味道不錯，種類又多，更有非常出常又「D調的醬」。晚餐過後，我們便在附近閒逛。
「有冇興趣再飲酒？」J me 問。
「不如最後一日先啦，我地聽日要早起身。」妳說。
「咁呀，好嘅。」
逛了一會，大家都空手而回，我們便回到了酒店休息。
旅行的第三日，我們一早便出發去淡水漁人碼頭，因為我們也差不多10 時才出發，到達的時候也開始肚餓了。所以從淡水捷運站出發先到淡水老街買手信跟小吃。
「我要食呢個。」妳指著紅豆餅的檔攤。
「好好。」
「其實你咁就我，我好快會肥嫁。」
「咁咪好囉。」
「吓？」
「係呀，妳肥左之後，妳係市場上嘅需求就會減少，所以，失去妳嘅機會率亦都會相對地減少。」
「你jupus 唔揀econ真係蝕晒。」
「妳又知我冇？」
「點解…點解？」妳便瞪大雙眼的看著我。
「妳話想一齊上堂呀嘛。」我聳聳肩道。
「我個時講笑咋。」
「我知呀。」
「多謝你。」
「傻妹，咁都喊一餐。」
飯後，整班女生繼續在淡水老街作戰，買下一袋又一袋的手信，不斷的買，買，買！
「傻妹呀，妳駛唔駛買咁多呀。」我不禁咋舌道。
「梗係要啦，你都知你幾懶嫁啦，問親你都話唔駛買，咁我咪幫你買埋囉，又要買俾呀爸呀媽，又要買俾Uncle Auntie，仲有我同你嘅其他屋企人呢，差唔多啦。」
「淇淇呀，妳咁樣唔得嫁喎，咁賢良淑德，我會忍唔住娶妳返屋企嫁喎。」
「邊個話嫁俾你喎。」
「妳唔嫁我，嫁邊個呀。」我立時攬著妳腰，凝視著妳的雙眼，便親了下去。
「口花。」看到妳心裡笑笑的去撓著濋濋的手。
逛到差不多日落時分，我們便乘船到漁人碼頭。漁人碼頭裡最為出名的便是其中的情人橋。
「你地知唔知呀，呢條情人橋有個傳說。」肥仔說著。
「係咩，係咩呀。」呀喬八卦的問著。
「第一，如果身處於曖昧，友達以上，戀人未滿嘅一對，若果行呢條橋，就會失去對方嘅愛。第二，戀人過呢條橋個時，一定要手拖著手行晒成條橋而且唔能夠望返轉頭。第三，夜晚橋墩會發光，當橋墩轉到綠色個時情侶唔可以對望，如果唔係好有可能會分手。」
「咁呀，要注意下。」高佬說。
「哈哈，都幾好笑喎。」我說。
我們站在橋頭不斷拍照，然後你走過來牽著我手，拉著我跟妳一起搭上情人橋，我們並排前行，你正緊緊的牽著我。
「睇嚟妳真係好信肥仔講嘅野喎。」
「嘻嘻，都係嫁。」
「我亦唔想冒呢個險，唔想同妳分開。」
我們站在橋上，看著很美的淡水河海交匯的景緻，像一幅美麗的風景畫，豔陽在西邊落下，金黃色的光耀灑滿整片出海口，更是顯得迷人。一陣海風吹過，將我們的視線移開，我們便發現濋濋看著橋頭那邊。
「小濋，你做咩呀，做咩喊呀。」妳問。
「傻妹，妳望下個邊。」
「個邊有咩呀，咦，有個人望住我地嘅。」
「呢個咪濋濋喊嘅原因。」
「小濋。」妳對著濋濋說。
濋濋並沒有理會我們，只是遠遠的看著橋頭那方，而迎來的，是一個我們熟悉的身影。
濋濋只是凝視著，眼淚卻不停的掉落，他慢慢的朝我們走過來，在他的眼中，天地間只剩下一個孤寂的身影，一個從未曾忘卻的身影。他們站在情人橋平坦的橋面上，相互對望，金黃色的光輝映照在他們身上，而時間亦是為了他們停下，霞光從金黃變成橘紅再漸漸變暗。群星繞月，橋墩爭輝，夜濃風輕，寂靜的海讓他們終於相遇。