《相交的平行線》: 第二十九話
「莫失莫忘，不離不棄」──紅樓夢
我右邊開始分別是淇淇、濋濋、Pinky、J me 、肥仔、呀喬、最後是高佬圍成一圈。首先，我們便開始了抽大小，決定待會由濋濋先開始。然後洗好了牌，大家開始順序抽自己的底牌。
剩下兩隻，看來我手風不錯，抽中的是K。然後，濋濋便挑了呀喬，雙方開牌，一對9和局。在開牌的瞬間，我發現了肥仔表情有點怪異。因為這個遊戲原本是我跟高佬練習觀察表情而發明的，所以我們會特別留意，而且我們已經能夠練到手持什麼亦沒表情，以及能輕易看出別人的表情，看來肥仔手持的正是最小的10了吧 。
「咁冇事就濋濋下一個啦。」我說。
然後pinky便細心的挑選著，最後選擇了肥仔，我不禁由心而笑。
「莫非？」高佬問我。
「嗯。」 我說。
「咩呀，你想講咩呀？」妳問。
「你睇落去就知嫁啦。」我笑了笑。
然後，他們便開牌了。pinky 手持的是Q，而肥仔手持的真的是10。各人禁不著一陣爆笑。
「咪啱你囉，咁想飲酒。」高佬揶揄著。
「超！飲咪飲，我要杯半，我要佢揀。Truth or Dare！」 說罷，肥仔手起杯落，一飲而盡，再飲多半杯，臉上頓時紅卜卜的。
「點呀，醉未呀？」我問。
他死活都不肯承認醉，但是他愈說卻愈大聲。
「好啦，pinky，Truth or Dare？」我問。
「True。」
「咁呀，我想知你同你男朋友點解分手？」肥仔問。
眾人靜了下來，目光都放在Pinky身上，Pinky想了一會便坦言道。
「因為佢係willy個朋友，成日中傷淇淇同埋呀單，之前都仲會信佢，但係久而久之就唔鍾意佢講你地，所以咪同佢分手。」
各人聽後心情亦沉了沉，幸好有妳在，帶回了點氣氛。
「好，下一個到 J me揀啦。」
「咁呀，我揀呀單啦。」
「唉，願賭服輸，我飲半杯，做一個dare 啦。」
「咩呀，都未開牌，阿單你唔係未飲先醉呀？」肥仔大大聲的說。
「白痴，呀單佢估到哂啲牌啦。」 高佬說。
「嗯，我揸K，淇淇同J me揸住A，而高佬就拎J。」 說罷我們四人一同開牌。
「有冇咩犀利呀，出千嫁……」 肥仔道。
「出千都輸，死左去好過。」我不禁笑道。
就係咁，我同高佬都揀飲半杯，做一個dare，我們手持杯酒碰了下，一飲而盡。
「我要呀單你去錫淇淇一啖。」 J me 吃著花生般說。
「好。」 說罷，憑著剛才那杯酒的影響，在眾人面前，看著妳閉起雙眼的樣子，便吻了下去，我永遠也敗給妳那臉龐。回想起來，我是第一次在眾人前吻妳。
然後，各人隨即起哄，我聽到一下快門聲，才經覺濋濋原來早已拿起手機把我們親吻的5秒鐘變成永恆。之後，妳便把握現場熱烈的氣氛，要求高佬跟呀喬重演 V-day kiss 的一幕，他們也照做了。順勢把氣氛推至高峰。沒想到，在第一局裡面，輸的只有我們男仔，而肥仔更是半醉了。
然後，我們便進入了第二局了。在拿牌階段，我認真的觀察各人的微表達。因而看到肥仔放鬆的呼了一口氣。而相對的，J me跟淇淇心情沉了點。然後，Pinky便開始挑人了。
「er…我想同呀喬鬥大。」 pinky 說。
「好。」
然而，兩人便互相開牌。Pinky 揸的是A，而呀喬揸的是K，真貼近，難怪兩人都信心滿滿的。
「搞錯呀，咁都輸。」呀喬埋怨著。
「少年，你太年輕了，揀咩呀喬姐？」 pinky 則說。
「半杯加True 囉。」
「咁我想問，呀喬你同高佬嘅第一次係幾時呀？」
「你又知嘅？」她驚訝的說。
我們聽到後，便帶點驚訝的再次起哄。
「睇你個樣就知啦，答番問題呀唔該。」
「er….er…咪…咪一個月紀念個時囉。」 起哄聲不斷，氣氛極為高漲。
下一個便輪到J me選人了。當我們說輪到她時，她心頭一驚，看到她拿卡牌時，我便已經知道她拿了最小的9。只有她選中同樣是9的人才能避過飲酒的結果，現在只有五分一的機會，已是難逃厄運。但若然選錯的話，另一個人就必定遭殃。當J me還在想的時候，眾人亦下意識的看一看自己的牌，我才想起我還未知道自己的底牌，今次大鑊了！
「我揀…我揀淇淇啦。」
「下，我呀？」
各人開牌之後，淇淇的10比 J me的9要大。我當堂沉一沉，然後我又要飲了。
「咁J me你揀咩呀？」妳問。
「我係唔會俾機會你地玩我嘅，我揀一杯。」
J me 接過杯後，杯底向天。但她飲得非常急，面色立即轉紅，醉意非常。
「好啦，下個係肥仔揀。」 高佬說。
「好，我揀呀單。」肥仔想了一回。
「冇啦，我已經放棄左，開牌啦Ace，我揀半杯加dare。」
「你又真係知喎，但明顯呢個game 聰明唔係最重要囉。」 肥仔串柒柒的道。
「肥仔唔好咁串喎。」
「點呀，怕醉呀？」
「超，我就要杯半，有膽就dare。」
「好，dare就dare。」
「我要求你一齊同我飲。」我眼角閃過一絲笑意。
「下？」肥仔錯愕道。
「肥仔你唔係淆底呀。」換我串柒柒了。
「飲咪飲。」
所以，我們倆便轟了杯半直落胃底，肥仔被我大一大，說話聲量愈加高昂，臉頰亦顯得更紅。
然後便到高佬與濋濋開牌。高佬手揸的A大過濋濋手持的10，最後，濋濋便選了半杯跟true。
「我唔知有咩問題問喎。」高佬說。
「我有我有，我想問你仲鍾意以前個男朋友嘛？」妳向著身邊的濋濋問。
「好啦，遇到佢之後，我遇過嘅男仔都冇佢咁特別，佢就好似佔有左我個心而從未離開過咁。直到而家，我冇一刻放棄過佢。」濋濋熱淚盈眶說著。
牌過幾輪，兩支black lable亦被我們喝了一半。每人亦多少有點醉兒，肥仔跟呀喬的大聲的聊著，J me 跟高佬則呆坐床邊，Pinky跟淇淇更不省人事。幸好以前跟高佬對飲，所以還好，但高佬還是老樣子。
「你都幾飲得嫁喎，佢地都醉醉地，你都仲清醒。」我跟濋濋說。
「只係好彩姐，飲左一杯，但都有啲暈暈地。」說完便步向洗手間去了。
「咁不如完啦，聽日仲要早起身，第晚再玩過啦。」
肥仔聽到個完字，精神立即為之一振。
「咁我同J me返房先啦。」 說罷，他便向我單了眼，然後扶著J me走了。
「喂，高佬，番房啦。」 我對著那個還在發呆的人說著。
「下？咩呀。」 他問我。
要扶著這個六尺巨人，對我來說，實在是個難以勝任的任務。此時，呀喬走了過來，在高佬臉上親了一下，向我索取了另外雙人房的鑰匙，便拖著巨人離開了我的視線。我被這突如其來的事情，嚇呆了，難道我才是醉的那位？我站在寂靜的房間內，面對著那可笑的門。我看著pinky 跟妳還不省人事的睡在同一張床上，而濋濋則從洗手間出來。
「咦，睇嚟你真係俾人擺左一道。」
「睇嚟係啦。你咁問，姐係佢地計劃好？」
「我都係冇意之間聽到。」
「嘻，今次真係輸俾佢地了。」
「咁我同佢地瞓一張床啦，你瞓另一張啦。」
「唔駛，我都未必會瞓。」
「下，點解呢？」
「Reflection must be reserved for solitary hours.」
「凡事都有段故，講出黎，人亦唔委屈。」我再道。
「嘻，咁又係。仲有啲酒，有冇興趣把酒當歌？」
濋濋便坐在我身旁，身上的清香向著四周發散。
「如果俾你遇翻佢，又或者佢搵翻你，你會點做？」
「佢係一個極之理性嘅人，如果佢同我父母有deal嘅話，佢一定唔會搵我。但係咁好彩我地真係相遇，我諗我會打佢一鑊。」
「好暴力。」我笑道。
「都係嫁，呢個係因為佢拋棄左我獨自去面對所有野嘅懲罰。然後呢，應該都會隨緣啦。我地經歷過幸福，心入面有過大家，雖然我而家仲係，但結果對於我已經唔再重要。咁你同淇淇呢？」
「老實講，我所擔憂嘅，並唔係佢離開香港，我知道佢留係香港嘅機會都幾高，只係上左大學之後。因為我地都知佢鐘意活動，外向，亦係最初吸引我嘅原因。以佢與生俱來嘅責任感，係大學一定會大把嘢做，我怕我地會因為咁而分開。」
「其實你真係咁信我屋企人？佢地好有可能會出爾反爾。」