《相交的平行線》: 第十四話
“You can take the girl out of Chicago, but you can’t take the Chicago out of the girl.”── The Mentalist
「係嘅，各位大人仲有冇嘢要吩咐小人做呢？」我搓著手，嘿笑著。
「淇淇公主，妳要嘅餸呀，有牛肉，又有魚呀。」
「哈哈，傻瓜，你都食多啲啦，我都有份整嫁，你好同我食哂佢。」 此時妳夾了一塊牛肉給我。
「冇問題，冇問題，粗重嘢交番俾啲細嘅做啦。」我立即道。
「呀仔呀，睇嚟你開始了解到戀愛嘅真諦。」 老豆對我說。
「我一早就明啦。」我說。
「哈哈，果然係我個仔。」
謝謝妳。
晚飯過後，淇淇跟娘親聊得愈來愈起勁，慢慢的，妳好像已經把我家當成自己的家一樣了。我看我們明日還要上學，便像奴才般的語氣跟妳說：
「我親愛的淇淇公主，時候不早了。」
「我知呀。」妳微笑的答道。
「咁仲唔番屋企，聽日仲要番學嫁。」
「嘻嘻，係喎，點算呢？」
「我送妳番屋企啦。」
「淇淇今晚咪留係度囉，我同老豆都冇所謂嘅。」
「吓？？娘親你話咩話？」
「扮咩聽唔到呀，我地兩佬好開通嘅，況且，我地唔知你性格咩，俾個天你做膽，你都唔會搞啲咩出嚟啦。」
有時候，作為父母是否應當多管教自己的孩子；觀乎兩老，會否開通過頭呢？面對這樣的父母，我已無話可說。我亦低估了妳的魅力，難怪能在芸芸眾多的女童軍中佔有一職。不過是一盞飯的時間，除了征服了兩老的心，更佔領了我的睡房。
「都係唔好啦，我地聽日都要翻學。」
「咁好啦，下次唔洗翻學先啦。仔，送人地返屋企啦。」
「係係。」
之後，我們便回房收拾東西。
「我想keep住件衫呀。」妳拿著已經折好的衣服說。
「點解呀？」
「我想可以著住你件衫訓呀。」
「噢，可以呀。」
「嘻嘻，好野。」
說罷，我便牽著妳的手，送妳回家。我們走過天橋，小舖，商場，公園……
「呀單呀，聽日所有活動都會開始啦，我可能會好忙。」
「我知呀。」
「我可能唔會再有咁多時間陪你啦。」
「Ok，我明白嘅。」
「真係？No hard feeling？」
「No, I am good.」
「嘻嘻，多謝你呀。」
「忙還忙，妳都要記得溫書，我俾妳搞啲活動玩到去年尾，之後就要全力溫書嫁啦。」
「嗯，冇問題，Yes Sir。」
很快，我們便到了妳家，我送妳到樓下，親一親妳的額，便回家了。
回去途中，我致電給高佬。
「喂，有冇消息呀？」
「先過得幾個鐘咋，大佬。」
「噢，係喎，唔好意思呀。」
「但你好彩，我真係有，諗住番屋企先打俾你。」
「我就知你地有料。」
「我同呀喬傾過，Pinky的確有可能。佢地四個都有個whatsapp group，事發當日，Pinky 係group問過。」
「嗯，明白，仲有呢？」
「而呀喬同Pinky 傾過，佢男朋友應該係童軍。」
「It makes sense.」
「之後同佢講左要俾willy知嘅野。」
「Thank you, 咁好快應該會有動作。」
「嗯，有冇諗過係邊到有動作？」
「我已經知會點，而家要諗嘅係點拆。」
「哈哈，我真係好喜歡你，我經歷左咁多段感情。我都未試過好似打仗咁。」
「哈哈，我都唔想嫁，其實咁做會好攰。」
「係，我以為你會好enjoy。」
「對於我呢啲懶人，唔做就最好，可惜預著一個好勤力嘅淇淇。」
「你地兩個人真係好似一對平行線咁，相同之中又有啲唔同，兩個都忠於自己，但係一個忠於懶，一個忠於勤力。」
「That’s right.」
「咁你仲要咩就話我知啦，Bye。」
電話掛掉，我仍在思索，是我太敏感了嗎？做得太多了麼？為何我會弄得像打仗一樣……我不知道，我只是不想妳離開我。罷了，不想再想。
翌日，我便如想的在車站等妳一起回校。
「呀單呀，你有冇諗過畢業之後會點呀？」 妳問。
「冇呀，冇諗過。」
「都估到嫁啦，你咁懶。」
「咁妳呢？」
「我會想去做PR，所以我諗我會揀呢方面去讀。」
「好好呀，知自己想點。」
「咁你會想做咩？」
「我呀，都係冇諗過。」
回 校之後，發現肥仔缺席了，也許是因為昨日的事不知如何是好吧。中六了，班主任訓示我們打算未來，應多放時間在學業上，為未來而努力。我在想我究竟是不是應 該投放更多的時間在學業當中，而不是想怎樣去玩這種偵探遊戲。老實說，我對前途仍然是感到迷茫。也沒有覺得，有很迫切要去下這種決定。我不知道將來我會開 展怎樣的事業，我亦不知道應該投身那一個行業，更遑論在大學選修什麼科目。十年之後，我會是怎樣的人？老實說，我不知道。若果在過去，我肯定會落得怠惰之 名。
最後一年的中學生涯，就這樣完結了嗎？
「喂，發咩白日夢呀？」 高佬問。
「冇，諗緊野姐？」
「諗緊前途。」我續道。
「吓，以前你會話殺到埋嚟先算。做咩突然諗呀？」
「咁你有咩打算？」
「我會盡力同呀喬入埋同一間U，可能會讀體育。」
「連你都咁有計劃？」
「咁唔係好正常咩？我諗全級係得你唔知想點。」
「哈，又係喎。」
「點呀，食lunch 啦，走唔走呀？你等淇淇呀？」
「唔係呀，佢去左女童軍，我走嫁啦。」
「快啦，我想去牡丹樓食嘢。」
「係係。」
去到牡丹樓，我如常的找位置，但遠處有個人我感興趣。
「Hey，單。」
「Hey，汰。」
「你最緊好似有啲幾好玩嘅野喎。」
「Ok啦，唔悶先囉。」
「有冇諗過Willy 係個咩人。」
「查過下，係個有小小手段的人。」
「哈，一個怠惰嘅人竟然會搵咁嘅野做。」
「嘻，一個傲慢嘅人竟然睇得起我件事。」
「哈哈，你真係好有意思，難怪你係少有嘅人，我睇得起。」
「想插一腳？」
「考慮緊，講啲嘢你知，若果我地係傲慢同怠惰，咁佢就係貪婪。」
「七宗罪，哈哈。」
「我可以幫你，但你可以offer啲咩俾我？willy有搵過我，佢offer都幾豐厚。」
「我呀？無喎，只有樂趣。」
「你又知會有？」
「若然照你咁講，佢不斷接近啲有才能嘅人，如果真係有齊七宗罪嘅話，我地2個對5個，機會難得呀。」
「哈哈，知我者莫約怠惰，行動怠惰但腦根不惰。」
「多謝你。」
「我只係為自己，學校太悶啦。」
「嘻，thanks。」
「有咩風搵你，走先。」
「Bye 啦，傲慢。」
「哈哈！！！」
他走了。有他的幫忙，心中定了許多。此時，高佬才買完午餐回來。
飯後，我如常的坐在圖書館裡，看著我的《笑忘書》。此時，妳卻慢慢的接近我。
「喂，有冇掛住我先。」
「有啲。」
「嘻嘻，我都知會係度搵到你嫁啦。」
「咁一定啦，我實係度嘅。」
「咁又係喎，你知唔知，J me冇番呀。」
「佢又冇番？肥仔都冇喎，尋晚有冇搵過佢呀？」
「冇呀，你送完我番屋企之後我就沖涼瞓左lu。」
「咁做咩咁得閒搵我嘅？唔駛開會麼？」
「啱啱一面食飯一面開左啦，咁見到仲有少少時間咪搵你囉。」
「哦，我地出去講啦，我地太嘈啦。」
「嗯。」
「點呀，辛唔辛苦呀？」
「其實都唔會，我okay嘅。」
「佢地有冇講咩呀？」
「都冇呀，但啱啱有個消息話會同童軍個邊有Joint event。」
「哦？係呀，咁突然嘅，睇嚟willy開始了。」
「willy開始啲咩呀？」
「從我身上搶走妳囉。」