《相交的平行線》: 第十話
「有人追求幸福，所以努力；有人擁有幸福，所以放棄。」──張愛玲
「我約左淇淇食lunch呀。」 我跟高佬說。
「你仲會見佢呀？佢某程度上呃緊你喎。」 呀喬不解道。
「嘻，或者我想親口聽佢講掛。點都好，多謝你地話我知。」我笑了笑。
「傻啦，講呢啲，我地老死黎嫁嘛。」高佬又是一拳落在我的肩膀。
「咁呀喬同我只係朋友嘛。」
「佢已經係我嘅人，請叫阿嫂。」
「果然係Aventador 呀。」
「 咁我約你今晚再見啦，我都係唔太放心你呢件事。」高佬說道。
「咦，you are so gay。你咁樣，呀喬會呷醋嫁。」
「唔係喎，你地好睇過cctvb啲劇。」呀喬道。
「總之多謝你地。」
然後，我便把時間，留給他們拍拖。我到了妳下車的車站等著。一直在想，我應該如何面對妳。沒多久，妳便出現在我的面前了。還記得那天的妳，穿著一條白色連身長裙，手挽著袋，雖然妳沒有化妝，仍能散發著吸引人的氣息，吸引著我的視線。妳緩緩下車，走向我。
「等人呀？福爾摩斯。」妳幽默的道。
「非也，我正係到推演緊事件嘅經過。」
「有案件咩，死左人？」
「非也。」
「咁係咩呀？」
「我心愛嘅女朋友鐘意食乜。」
「嘻嘻，咁你有結論未呀？」
「完全冇。狂我有著睇穿一切嘅能力，亦唔能夠估到妳嘅心意。」
「要和一個男人相處快樂，你應該好好了解他而不必太愛他；要和一個女人相處快樂，你應該多愛她卻別想了解她。」
「古人誠不我欺。咁親愛的，你今日鐘意食咩呢？」我嘆息道。
「今日呀…想食雪糕！」
妳的答案可謂驚大於喜。
「下，而家lunch喎，食雪糕？」
「邊個話lunch唔食得雪糕嫁，膚淺。」
「但係正餐食雪糕會唔會有點兒那個呀……。」
「咁人地而家想食嘛。」
「咁呀，可唔可以食啲飽肚嘅野先去食雪糕呢？」
「但係我肚餓喎，可唔可以呀？」妳抱著我問道。
此刻，我完全不能夠理解到女人這一種生物，妳們總會問些沒有選擇餘地的選擇題。這些無法與邏輯扣連的言論，我不理解，低頭看著妳，唯有無奈地答允，陪妳到了附近的咍緊韃釃吃一頓雪糕。
到了雪糕店，妳二話不說的衝到收銀櫃前，純熟地點了數個雪糕。我便去找了張桌，坐下來等妳。剛坐下不久，妳便拿著數杯雪糕，甜絲絲的坐下。
「你叫咁多食得哂嫁啦？」
「食得哂嫁啦，好好食嫁，會食極都唔夠嫁。」
「唔怕肥咩？」
「唔怕喎。你咪駛旨意嫌棄我呀，唔準呀。」
「好好好。」
「你食唔食呀？」
「我都係唔太習慣正餐食甜品。」
「咁我食哂嫁啦。」妳竊笑著。
看著妳像個小女孩般吃著，剛才跟高佬他們談論的煩惱一掃而空。只有保護妳、包容妳、愛護妳這些念頭。這就是戀愛麼？
「見你咁乖陪我食雪糕，我同你去食啲野啦。」
「好。」
所以，我們便找了間茶餐廳，吃了一碟飯。
「估唔到你咁文青，會鐘意係茶餐廳食飯。」
「你知唔知點解最貴嘅高級餐廳嘅賣點係咩呀？」我問道
「新鮮嘅食物？」
「若果係嘅話，咁佢地會起係海邊。最貴嘅，往往唔係食物，而係氣氛。所以一餐飯好唔好，並唔係取決於食物嘅質素，而係氣氛，同埋同邊個食。如果要我同一個暴發戶去食龍肉，我不如同妳一齊食麵包。所以問題並唔係地點，而係同妳吃。更何況我對食並冇好高嘅要求，簡簡單單就夠啦。」
「嘻嘻，呢句你係邊到睇番黎嫁？」
「Quote from 梁單。」
「唔識喎呢個，實係啲唔出名嘅作家啦。」
「好出名嫁，不過係幾年之後。」
「咁如果有個作家為我寫故事，我諗我會非常開心。」
「唔知呢。」我口上答道。
如是者，我們便離開茶餐廳了。
我們這對情侶，有別於普遍的情侶。普遍的情侶，每天也在逛街，再不然就是看電影。對我們來說，這無聊得很。我們第一天拍拖是走過大大小小的書店去看書，雖則妳是因為我看米蘭昆德拉才開始注意我，但我覺得這樣對妳有點過份。
「呀單呀，你睇下，呢本書話『你捨棄一些東西，便會得到另一些東西，你不去束縛一個男人，他反而乖乖留在你身邊』，你係咪咁嫁？」 你拿著本《謝謝你離開我》的書來問我。
「Em…係呢個世界而言，係必然。當妳捨棄左一樣野，妳就會得到個樣嘢嘅反義。即係話，妳捨棄左希望，妳得到嘅就係絕望。」
「唔係呀，我係問你係咪我唔去束縛你，你先會留係我身邊呀。」
我本想hea過妳，因為我也不知道答案，但沒想到妳還是執意想知道。
「Um……咁應該唔係。我留係妳身邊，並唔係妳束唔束縛我，而係因為我鐘意妳。」
這應該是我說過最肉麻的話，我也不知我為何說得出口。應該是因為我戀愛了，才看不見自己作的蠢事。
「你唔鐘意我，就唔會留係我身邊。咁如果我仲好掛著你咁點算呀？」
「係我唔鐘意你嘅時候，妳一早已經忘記左我啦，傻瓜。」輕輕彈了妳的額頭。
「嘻嘻，你話嫁，唔準食言呀。如果我仲鐘意你，你都要鐘意我呀。」妳摸了摸額頭笑說道。
然後妳便帶著甜蜜的笑容，去尋找下一個目標。我看時間尚早，心中下了一個決定。
「妳係咪會想行街嫁？」我問著。
「我其實有啲想嫁，嘻嘻。」
「咁我地去行下啦。」
「你唔睇啦？」
「唔睇啦，怕妳悶。」
「我ok 嫁喎。」
「唔好啦，去行陣啦。」我拉著妳走了。
接著，我們便到了個商場走走。的確，我不是一個喜歡逛街的人，因為實在是太累了；而女人對著大大小小的商舖，卻似是有著無限般的體力，任何一個全職運動員亦不能相提並論，更何況是我呢。
我們牽著走過各個商舖，發現妳對飾品最感興趣，其次是衣服。每當妳見到米黃色燈的商舖，妳必定會想進去看看。因為，米黃色燈的商店，裡面賣的商品亦比較斯文，比較少女的；而白光燈的店舖，裡面賣的商品也是比較有個性，亦比較中性的。我們走著，妳又發現了一間飾品店，想入去走走。
「我都係係外面等妳啦，呢間我唔係咁好意思入去。」
「咁好啦。」
我看見旁邊有一間便利店，便進去買了兩包麥精和紙巾。回到飾品店外，我看妳仿是心大心細，不知選那個比較好。
「拿，麥精。」我把其中一盒碰了碰妳的臉。
也許是冷，也許是麥精的關係，你當時嚇了一嚇。
「妳又知我鍾意飲麥精？」妳微笑著問道。
「唔知嫁，但我鍾意飲囉。」
「我都鍾意。」妳笑的更甜了。
說完之後，妳便蹬起了腳，吻了我的嘴，我想我永世都不可能忘懷這一刻的感覺。我想我臉紅了。
「女仔都係有啲矜持比較好。」我半掩飾的道。
「但係係心愛嘅人面前，我只想做翻自己。」
我腦海中浮現出這一句“I love you not because of who you are, but because of who I am when I am with you.”。
晚飯過後，我們再次來到了海旁，站在欄杆旁，吹著海風。今夜，有點悶熱……
「呀單呀，我有野想講，你要留心聽呀。」妳捉著我的手說道。
「係關於妳尋晚想講嘅？」
「係。」
「嗯，我留心緊。」我瞪大雙眼望著妳，明明嚴肅的氣氛，妳卻被我逗得哈哈大笑。因為我知道妳決定坦言，是一個不容易的決定。
「認真啲呀衰人。」妳掙扎道。
「係係。」
「我好鐘意你，但係其實我有男朋友。個個人叫willy係童軍隊長。佢追我個陣對我好好，每日都會接我放學。個時童軍嘅朋友都話佢好好。之後佢有一次表白，我就接受左佢啦。」淚水在妳的眼眶打滾著，但妳還是強忍著。
「但係開始左之後，我發現我並唔係太鐘意佢，只係因為佢對我好而接受佢。但係我發現他仲會背著我追其他嘅女仔，有一次Pinky仲親眼見到佢拖著我隊入面嘅一個女仔。」妳吸一口氣繼續說。此時我遞上紙巾
「衰人，你咁細心做乜呀。」妳眼眶裡的淚水終於掉了下來。
「佢係童軍總會好有地位，我做到隊長都係因為佢，我好驚，我唔敢同佢分手呀。」妳嚎哭起來。
「我早就已經知啦。」我掃著妳的背，緊抱著妳，輕聲道。
聽見妳那戛然而止的哭聲，我便把今早發生的事告訴妳了。