《相交的平行線》: 第九話
「所謂完美的文章並不存在，就像完美的絕望不存在一樣。」──聽風的歌
「噌」一聲，喺我對面嘅妳一臉呆滯，嚇得連匙羹都掉了，眼晴瞪得連瞳孔亦放大般著視著我。看起來，妳被我出乎意料的答案嚇得三魂唔見左七魄。但慢慢，一絲會心微笑從你嘴角勾起，我就知道我成功了一半。
「噢，係呀，嚇得我呀，仲以為你個衰仔搞基添。」我媽一臉不在乎的打趣道。
「仲要係個咁靚嘅女朋友，執到啦衰仔！淇淇你唔駛怕佢嫁，佢蝦你嘅話，話俾auntie 知，我實會炮製佢。」我媽還作狀把狠狠的玩著手中的湯匙。
「聽唔聽到呀，男朋友！你蝦我就知死。」
「係係，求女朋友同母親大人手下留情，俾條路小人行啦。」
「你醒醒定定啦衰仔，我都幫你唔到嫁。」 我父親無奈道說。
「好啦，我同老豆都攰啦，我地走先，衰仔你好送埋淇淇返屋企先好番黎呀。淇淇，得閒上黎食飯啦，等Auntie 煮啲好野俾你食。」
「好呀。」妳答道。
最後，跟妳的獨處，被父母的亂入，變了女朋友的關係，我立刻把這個好消息傳訊給高佬，之後我們便離開糖水舖了。
「我幾時做左你女朋友嫁？你咁介紹我，你唔驚我拒絕你嫁？」
「唔驚喎。」
「哼，你個人都幾大膽喎。」妳佯裝怒道。
「錯啦，並唔係大膽，又係你話嘅。」
「我話過咩呀？」
「夢，想成真。」我在妳耳邊，輕輕說道。
突然你的臉紅得像一個蘋果一樣，我忍不住掐了妳一下。
「好痛呀，衰人。」妳用手捂著剛剛被我掐過的地方。
「咁妳啱啱個可愛紅蘋果樣真係好有令人想搣嘅衝動呀嘛。」
我手指互相碰了碰，作勢想再掐一下。
「你氹女仔都幾叻嫁喎。」妳拍了拍我的手。
「假嫁，我只係識呢句嫁咋。」
「咁點解你會知我發夢同你拍拖嘅？」
「嘻嘻，身為名偵探福爾摩斯，我必須保護我嘅資料來源。」
「我地拍左拖唔夠一個鐘你就已經開始瞞住我啦？」
我看著妳伸過來的手，隱約有種不好的預感……
「哈哈，唔係咁意思呀。」我緊張的道。
「係高佬講我知嫁，之後我問佢妳幾時發呢個夢，佢話係宿營第一日。加上妳第二晚所講嘅嘢，同埋岩岩首歌，就推論出你嘅夢想成真係夢，想成真。」 我續解釋道。
「睇黎，你真係現實嘅福爾摩斯。」妳嘆息道。
「咁我地係咪拍緊拖啦？」相信這一刻的我，跟一個等待派糖果的小孩無異。
「嗚，你個人真係好好呀。」你忽然抱著我，抽泣道。
「妳唔係派好人卡俾我呀？」我說笑著。
「我鐘意你呀！傻瓜偵探。」
我輕輕拍了拍你的背，認真的端詳著妳的雙目說道“No man or woman is worth your tears and the one who is, won't make you cry.”
「嘻嘻，Shakespeare。」妳破涕為笑。
已經是凌晨時分，巴士，小巴都已經下班了。恰巧我們都住在山上，我便牽著妳的手，跟你一步一步的走回家。
「呀單，我有啲野想同你講，但係我仲未組織到點講。」妳一語劃破寂靜。
「係關於你頭先所煩惱嘅？」
「嗯，我由第二晚宿營諗到而家，我覺得我一定要同你講。不過我唔想破壞呢一刻嘅幸福甜蜜。呀單你真係好好，好到我願意放棄一切黎同你相愛。等我組織到我再講你知啦，我愛你。」
妳蹬高雙腳猶如蜻蜓點水般輕吻了我一下，我一下子愣住了，反應過來的時候，妳已經頭也不回的進了屋苑。我再摸一摸我的臉頰，思春了一回便回家了。
雖然我很想去求證，但我還是壓抑著求知慾。因為我有預感，再追問下去很可能我們會就此結束。比起滿足自己的求知慾，我更想跟你在一起。
回到家中，高佬原來已經在whatsapp找過我幾次。
高佬：真係得左呀？congratulation！！！
高佬：係邊？
高佬：係邊呀柒頭？
高佬：喂，係邊係邊係邊呀？急事呀！！！！！！
高佬：妖，快啲覆啦！
見到高佬send左呢幾個訊息俾我。我就知到大件事了。對於媾女大過天嘅他，咁樣搵我都係第一次。所以我選擇左，打俾佢。
咚咚…咚咚…咚咚咚…撻。
「喂，點呀，發現外星人呀？」 我笑道。
「你係邊？」
「啱啱番到屋企。」
「咁你而家出唔出黎？」
「你有緊要事呀？」
「係呀，廢話！」
「聽日得唔得呀，我有啲攰。」
「咁呀，都得。聽日1點鐘係今日個間café等啦。」
「好啦，聽日見。」
「See you。」
結束對話之後，我便whatsapp淇淇
我：瞓左未呀？
淇：準備啦，等緊你whatsapp 我。嘻嘻，返到屋企了嗎？
我：啱啱返到。
淇：咁我瞓啦。
我：聽日出街好冇？
淇：你終於肯約我啦。
我：哈，低B妹，我以後日日都會約你。
淇：真係？
我：係，唔準推我嫁。
淇：嗯。
我：早啲瞓，聽日起身搵你啦。
淇：你話嫁，唔準食言。早抖。
我：goodnight.
放低電話，先發覺父母四萬咁口望著我很耐，我就知道今日冇做錯。平時每日翻到屋企，我只會做我嘅事，睇我嘅書。
但因為妳，打破了我與家人的隔閡。爸媽整晚也在跟我談論著妳，我媽更想知道我們之間的愛情故事，但我卻認為由妳來交代會比較好，所以我沒說穿今天才是第一天。說罷我便睡了，宿營然後再與妳逛街，我已經累透，很快就入睡了。
鈴鈴鈴…鈴鈴鈴…鈴鈴鈴
電話的鈴聲打碎了我清晨的安靜，眼睛還沒能掙開，只好用手翻找著床邊的電話。
「喂，乜水。」
「喂，呀單呀，起身未呀？」
原來是高佬。
「未呀。」
「你約左我嫁喎。」
「係呀，1 點呀嘛，而家先12點。」 我望一望手機然後說。
「我出門口嫁啦，你咪遲到呀。」高佬語帶威脅道。
「得啦。」
被他這樣的afternoon call，我已經沒有補眠的心情，梳洗了一下，便出去找他了。當然，起身之後，我亦發了個訊息給妳，但妳好像還沒起床。
「喂，點呀。」我在高佬對面坐下。
「呀喬買緊野飲，等埋佢先。」高佬看了看呀喬的位置道。
於是，我們三個人便坐在海妖咖啡店最靠邊角的位置。
「點呀，咁早搵我？你好似尋日已經想傾啦喎。」我不解道。
「係，但係我想你冷靜啲聽呀喬講。」
「好。」我把目光投向呀喬。
「我首先想問你，你而家同淇淇咩關係？」呀喬直接問道。
「應該係情侶關係。」
「點解？」呀喬仍然面色凝重的道。
之後我便把昨日晚飯之後的活動一一告訴了他們。
「哈，以為你玩遊戲有計姐，估唔到你媾女都有啲計喎。難怪淇淇會喜歡你。」高佬感嘆道。
「嗯，多謝。」
「但係其實，淇淇係一腳踏兩船緊。」呀喬終於說出了重點。
「下？？ 可能我未瞓醒，聽唔清楚。」
「妖，你中毒太深啦，佢另外有個男朋友。條友係同我地同屆嘅童軍隊隊長Willy Chan。佢地已經拍左成年拖，但係好彩嘅係淇淇已經唔鍾意佢，不過佢又唔夠膽同佢分手，因為佢係童軍總會都有啲地位。」高佬代呀喬解釋著。
「明白。」我沉思一會，只說了兩個字。
「你點解可以咁冷靜嫁？」呀喬有點驚訝我的反應。
此時，我並沒有回答，我只是在組織整件事。妳跟他已經拍拖了，但妳不喜歡他。
妳是喜歡我的對吧？還是我的一廂情願？妳沒膽跟他分手，是真的嗎？還是妳只當我是玩具？
若果他們說的是事實，那難怪妳會需要組織怎樣去跟我說。 果然，成功的騙子，不必再說謊以求生，因為被騙的人，全成為他的擁護者，我再說什麽也是枉然。當時的我，並沒感到憤怒，也許我成為妳的擁護者。我要主動問妳麼？問妳關於他的事情？還是我裝作什麼都不知道的等妳對我坦白，抑或我乾脆放棄這段感情。說真的，我不知道。
我只想見妳。
掏出手機，發現妳已經醒了，看著妳那自拍照，看著妳那天真無邪的笑容，實在很難跟剛才的事掛勾。
我：我醒左啦，而家係街
妳立即回覆我
淇：嘻嘻，咁早出左街嘅，我肚餓啦
我：妳而家出黎我同妳食lunch啦
淇：好呀，我而家出黎啦，你等我哦