《相交的平行線》: 第七話
「一個人思慮太多，就會失去做人的樂趣。」──哈姆雷特？
「好啦，齊人嘅話不如請呀單解釋下謎底啦？」呀達見我回來道。
「噢，好吧。」
「首先，相信兇手係一個保險業嘅銷售員，主理房屋保險銷售。兇手物色目標大宅之後，就等待死者由屋入面出黎，跟蹤死者去到鬧市嘅時候就殺左佢，偽裝成劫殺咁，仲將鑰匙處理左。當件事轟動全城，過左幾日等死者家人認完屍，就向佢地兜售房屋保險，由於死者家人記起死者係死個陣唔見左鑰匙，怕會有賊人入屋搶劫，所以就買左房屋保險。」
「全中，之前見你咁摺，估唔到你咁醒呀下。」呀泰說。
「我已經唔知你係讚定踩我囉。」我笑道。
「嘻嘻，唔好意思，好啦，咁而家我地玩咩好？」呀泰問
「Er……咁齊人，不如講下鬼故好唔好？」J me突然提議。
「都好喎，夜媽媽，好有feel ar。」Kristine興奮的道。
「大家都知道我地就黎考公開試入大學嫁啦，尋日講完中大鬼故，今日就講個港大嘅，話說某年，有位醫科學生係解剖室寫一份解剖嘅畢業論文，解剖室對於佢黎講可以話係同普通課室冇分別，所以即使到左深夜，他依然繼續獨一個人留係個到趕deadline。不過，可能因為功課壓力大，他就隨口講左一句：『都唔知點解篇論文咁難寫，搞到我成日都要留喺解剖室對住死人做功課！』然而，或者係『說者無心，聽者有意』，突然有人係佢身後叫佢嘅名，他起初以為係自己嘅同學，點知一回頭，就只係聽到佢嘅慘叫…….」呀欣裝出一副深沉的樣子說道。
不知道是不是有點駭人，妳緊捉我的手臂，躲在我的身後。
「我係度，唔駛驚喎。」我反手拍拍你的背。
一雙明眸深深的看進我的雙眼，仿佛在尋求一個安全的海港。這就是心理學的吊橋效應(Schachter–Singer theory)嗎？
但係呢個故事其實真係好悶……
「第二日，當講師同幾位學生打開解剖室嘅門，只係見到個名醫科學生瑟縮一角，雙手抱著樣嘢。再望一望解剖床，上面訓左個冇頭嘅人，床上有一啲已經乾左嘅血，地下仲有一把有血嘅手術刀。係呢個時候，個幾位學生先至發現原來佢抱著嘅係一個人頭！而且床上面嘅係佢地嘅一位同學！事後警察將個位學生帶翻差館落口供，但係佢已經變得語無倫次咁，只係自言自語咁不斷話：「唔好過黎啊！唔好過黎啊！唔好過黎啊！」佢最後嘅下場就被俾人送左入青山。」呀欣這時的表情，配上不知道那來的手電筒，確實平白增添幾分驚慄感。
「我有啲攰，你地玩啦。好嗎？」我細細聲的跟淇淇說
「唔好啦，佢地會講鬼故嚇我嫁。」妳有點擔心拉著我。
「我知呀，唔駛驚喎，啲故事假嫁。」
「係咪真係嫁？」你疑狐道。
「緊係啦，我岩岩聽聽下仲要差啲訓著……」
「下，咁恐怖你都訓得著？」
「係呀，我一向都唔太驚鬼故，甚至覺得有啲悶。」
「哈哈，你真係好好笑，點會覺得悶嫁。」
「唔悶咩？邊有人趕論文仲係anat lab到做嫁，要資料上網搵就有啦，駛咩響課室姐，就算要一面解剖一面做，咁都一定唔係學士學位啦，係研究生嘅話仲更加抵死啦，時間管理得咁差。」
「我諗係你先至會咁理性去聽一個鬼故囉，不過聽你咁樣講一講，我而家又唔係好驚啦。」
「但我都係好眼訓喎。」
「咁不如我同你一齊走啦。」
「你唔駛理你啲朋友咩？」
「你睇下佢地仲沉醉係驚慄同甜蜜，做電燈膽唔係幾好囉。」
「嗯，咁我地走啦。」
甫出大房，抬頭望向星空，你突然間對我說。
「我唔想訓住，你可唔可以陪我傾下計呀？」
「OK，嗯。」
我們又一次回到小房間，但今天跟昨夜不同，雖然開心但慢慢有點憂鬱。
「點解岩岩妳係出面傾電話個陣嬲嬲地既？」
「我都諗緊會唔會俾你見到嫁啦，點知你真係留意度。」妳好像有點失望的道。
「嘻嘻，只係間唔中留意下你姐。」
「只係間唔中咋？」
「。。。。。。」我無言，女人果然……。
「好啦，其實我唔多想講。」
「嗯，咁你知我係俾人捉左入camp嫁啦，咁點解你又會入左黎嘅？」
「因為小喬同J me話入黎可以玩下開心下，散下心，所以逼左我一齊黎囉。」
「哈哈，竟然同我一樣。」
「係呀，我明明已經好忙嫁啦，女童軍又有好多嘢要係開學之前準備好。」
「你真係好忙呀，相比之下我呢個人生就非常之寫意，懶到出汁呀。」
「係喎，你每日都係圖書館，你冇參加咩ECA咩？」
「冇呀，冇乜興趣。」
「咁你咪會浪費晒成個中學生涯囉白痴。」
「呢啲野太攰啦，唔好攪咁多野啦。」
「死懶鬼，尋日仲以為你係怕陌生，點知你原來只係一條懶蟲。」
「係係係，我係條死懶蟲，咁你開心番啲未呀？」
「你真係好好呀。」妳話鋒一轉。
「喂喂喂，而家係咪派好人卡先？」
「嘻嘻，唔知呢？你係福爾摩斯你實知嫁。」
有人說過，人與人的相處，說穿了只不個是一場時間比較長的博奕，不論曖昧，還是戀愛，我們都是在較量，較量普看誰的沙盤推演比較準確。跟妳聊完之後，我躺在床上，想著妳，亦想著妳的願望。究竟你許了什麼願望呢？究竟剛才的電話發生了什麼事呢 ？看來要搜集多點線索才能有所頭緒，之後才能作出未來博奕的考慮。但是，當我這樣想得時候，妳的考量，卻是和我風馬牛不相及。
2014年8月3日
周日的清晨，總是晨光處處，鳥語花香。經過了最後一日的兩個program，我們便回到學校解散了。那顆彈珠到最後，原來是紀念品。
解散後，我們便相約吃晚飯。
「喂，柒頭，我諗我會同呀喬食飯，佢話同埋佢啲姐妹一齊去，問你地去唔去喎？」高佬問。
「哈，原來你條粉腸都唔係淨係識得溝女喎。」肥仔說。
「確係難得。」我打趣道。
「咁多廢話，去唔去呀？」
「去！死人冧樓都要去呀，我本身已經想約J me嫁喇，點知佢地四個痴到咁實，冇乜機會咋。」肥仔說。
「約一個咋？做咩唔約晒兩個？」我問。
「Pinky佢有男朋友嫁。」肥仔說。
「係？件事真係冇咩人知喎。」高佬說。
「你都唔知？呀喬冇話你知咩？」我問。
「冇呀，佢都冇講過佢姊妹啲野。」
「咁呀大佬呀，幫幫手收下風啦。」肥仔說
「係囉，我都有一事相求。」
「呀單你都有？我以為肥仔要姐，你應該可以推理到兇手係邊個嫁。」
「咁推理都要靠事實啦，我對住佢，得到線索都有限。」
「得，明嫁啦，冇問題。有咩要問？」
「我都有頭緒嫁啦，只要解答到幾個問題就得。」
此時，呀喬行過來，跟我們說妳們番一番屋企沖個涼放低行李先。再去行一行街，七點江戶前等啦，我訂左位嫁啦。
「咁掂啦，而家有時間，我地番一番屋企，而家三點，四點半地鐵站等啦。我地搵間café傾。」
「Okay。」我說
「肥仔你咪鬼再遲到呀，若果唔係我將你所有野講俾J me知。」高佬要脅道。
「得啦長氣，而家風頭火勢我唔會亂黎嘅。」肥手保證道。
「咁姐係對住我地就可以亂黎啦？肥仔你都好大膽喎。」高佬說。
「嘻嘻，唔係咁嘅意思。」肥仔嘻皮笑臉的說。
我們各自回家，御下行李，只覺渾身乏力。洗澡後，睡意縈繞不散，還是決定先小憩一會吧。
嗶嗶嗶…嗶嗶嗶…
睡夢中的樂園俾這道驚雷劃破。
已經四時十五分，睡了一個小時左右，是時候出發找他們了。順便留個字條給父母，我就離家了。
集合後，我們到了一間連鎖式海妖咖啡店坐下。這是一間頗為不錯的咖啡店，身旁有很多「成功人士」在銷售保險。亦有不少年輕人溫習，準備衝擊公開試。開學之後，我們亦是他們的對手，但今天我們暫且放下四書五經，商討人生大事。相比之下，高下立見。
「我而家仲同佢Whatsapp緊，傾邊個先？」高佬問。
「呀單先啦，我唔急。」肥仔說。
呀喬同高佬whatsapp對話：
高佬：點呀，你準備meet佢地呀
呀喬：係呀
高佬：Camp個時，呀單同淇淇好似好熟咁
呀喬：做咩呀，你想媾人呀？
高佬：我有你呢個42串長腿仲唔夠咩，我點會理啲42串身高姐
呀喬：唔準話我個FD呀
高佬：係係係
呀喬：不過講開又講呀，我都估唔到淇淇會同呀單熟
高佬：點解呢？
呀喬：你個FD咁摺，淇淇係超好動嘅人黎囉
高佬：咁佢有才華嘛
呀喬：不過我諗佢地冇咩可能
高佬：點解呢？
呀喬：你唔好話俾人知，係第二日朝早時，佢話發夢見到佢同呀單拍拖
高佬：下……咁點會冇咩可能呢？
呀喬：咁呢樣唔講得，因為你口疏呀
高佬：車…講一半唔講一半
「唔駛啦高佬，已經好足夠啦。」
「唔係喎，我可以再問清楚啲。」
「再問會好奇怪，比佢知就唔好啦。」
「噢，咁好啦。」