（適量甜）是咁的，我竟然響公園執到本Sex note: 104
中場休息個陣，大家圍埋一堆一邊飲水，一邊聽山哥9 up戰術。
「阿銘（F4仔）你定d黎，唔好咁易比個四眼仔fake到，最緊要守好條三分線。」
阿銘點左下頭，眼神閃閃縮縮，一睇就知對四眼仔既控球有心理陰影。
學張家輝話齋，籃球呢家同MMA一樣，行得上場就唔好怯，怯就輸成世。
山哥：「建峰你有機會要傳多d波，多d信任班兄弟。籃球要既係team work，唔係個人主義，唔要Rambo，清唔清楚？」
建峰：「嗯。」
口就咁講，識左佢咁多年佢有邊次唔係一落場就kobe上身…
戰術同正選無變，對面同個高佬換走左肥豬，應該係想針對守流川楓既鏟籃同阿信既籃底jump shot。
五分鐘之後，比賽再度開始。
對面keep住以edwin同四眼仔既配合瘋狂得分，我地雖然有男神峰獨力撐起個局，但咁打落去根本唔係辦法…
體力有限，但配合可以無限。有限對無限，洩底既永遠係我地。
第三節過左半既時候，山哥終於忍唔住拍左下我膊頭。
佢：「浩J你熱定身，等陣你換阿銘」
我：「咁快？」
佢：「係啊屌你！」
我死死氣咁除左件外套做健康操，一二，一二...
山哥喝住球證：「球證換人唔該！」
於是，我取代左阿銘從新成為球隊既keyman，正選，好似係。
我出場之前望左嘉欣一眼，佢好興奮咁同我揮手，個感覺有d似幼稚園d老母見到自己個仔d手作擰左全班第一。
犀牛熱情咁行埋黎攬左我一下，講：「好耐無試過呢個陣型啦，muah…」
我推開佢塊面：「大敵當前，咪gay住先。」
Ediwn借顧行埋黎同我握手，細細聲講：「坐夠板凳，終於有得上場啦？垃圾。」
得罪講句，只有傻仔先會同無賴打心理戰，大家不妨參透下呢句說話。
我：「張凳坐熱左，辣親屎忽。咪上黎陪你玩下lo。」
佢一邊恥笑，一邊講：「哈，你係玩得起先好。」
我：「放心，我同阿嫂咁熟，我會考慮下盡量令你輸得無咁樣衰。」
我果然無估錯，佢一聽到自己條女同我有關係即刻抽起我件波衫，啤住我。
佢：「你同陳素貞有咩關係？」
得罪講句，叫得條女全朵，佢平時對人都唔方好得去邊啦。
不過佢比得名我，咁就有排玩啦。
「無，無乜特別。」我專登E起棚牙，扮個金魚佬既笑容。
正當佢想一拳鐘埋黎既時候，球證同兩邊既隊員及時將我地分開，如果唔係今晚又要麻煩嘉欣幫我療傷。
比賽從新開始，對面既進攻節奏顯然比岩比憤怒既edwin仔打亂左。
Edwin同好多打波既人都有同一樣毛病，就係一嬲就獨食，同四眼仔既配合開始慢慢變差。
加上我坐左半場，一早睇穿曬四眼仔既球路，好易就mark實左佢，甚至偷到佢波。
我地既比分開始慢慢攀升，到第四節開始超越對方，差距越黎越大。
臨吹雞前，男神峰入多球完美3分，一雪前恥。
就係咁，我地響edwin哥怒氣爆鏢既情況下戰勝左佢地，雖然有d狗，但大家在乎既只係結果，過程並唔重要。
完場之後，山哥循例同我地做左個briefing再解散。
MK琳為左避開熱情既犀牛，一早閃左翻屋企。
至於嘉欣就係都要捉住我去學校既祈禱室一齊念經，話要感謝穌哥賜給我們今天的勝利...
我：「認真，我今晚翻去一定自己祈。」
嘉欣：「乖啦…你今晚翻到去一定會唔記得架。」
我：「咦…」
「快d。」 佢細細力meet左下我手臂，咬住嘴唇。
我死死氣咁合埋手，恰低頭。
跟住，嘉欣雙手合十，虔誠咁祈禱：「感謝天父賜比浩仔力量，令佢贏到今日既比賽，同時間，亦希望天父你賜予佢力量….」
長達十幾分鐘既禱文之中我淨係對因父，及子，及聖神呢三個terms有印象，其他既內容根本係左耳入右耳出。
祈完禱，我呃嘉欣話仲要留響學校練多陣體能陪唔到佢翻屋企。
事實上，我留響學校係因為我仲有個下半場未打完….
同edwin嫂既下半場。
我響心中默念莉莉絲個名三秒，開翻眼既時候，我已經訓左響地下，而佢就騎左上我背脊。
「浩仔！我好好好好好掛住你丫！」 莉莉絲攬實我條頸，係咁chok黎chok去。
「你…你落翻先…」
「喔！」
佢慢慢企起身，我即刻掩住條頸喘氣。如果佢大力多少少，相信宜家既我已經翻左溫泉等復活。
我：「點解你次次出場方式都要拎我條命呢？」
「嗯…」佢用食指掂住下巴，然後靈機一動回答：「因為浩仔條頸好好攬，嘻嘻…」
我：「咁你唔攬頸是咪會死？」
莉莉絲露出妖媚既笑容，一野搾住我抽荔枝。
佢：「嘻嘻，咁我下次大大力吸住你下面，好唔好？」
我：「得啦多謝曬。你有無帶sex note黎？」
佢呆左兩秒，然後喜出望外咁搭住我膊頭：「浩仔你終於用note啦！等左你好耐啦！」
我：「做咩姐你，講到個故好耐無甜咁。」
佢笑住講：「咁係呀嘛…就黎餓死人地啦，嗚嗚…」
跟住，佢隨手一摸，響空氣之間擰左本封曬塵既sex note出黎，放到我手上。