（適量甜）是咁的，我竟然響公園執到本Sex note: 103

「喔。」我求其回左句，然後行出跟拉住MK琳離開。
 
MK琳：「屌咩，你驚佢呀？」
 
「驚毛，完左場波先慢慢同佢計。」
 
口就咁講，事實上我心入面已經諗好全盤計劃黎教訓呢條仆街。
 
出到球場既時候，周圍已經聚集左唔少觀眾，男男女女，阿貓阿狗應有盡有。
 


我相信如果唔係男神峰同嘉欣同時在場既話，今日既觀眾應該會得翻兩間學校既B，C grade。
 
難怪既，男神做乜都係浪漫，女神企定定散發氣質，係人都鍾意靚仔靚女啦。
 
我見到嘉欣，佢對我笑左笑，然後做個加油既手勢，我向佢點點頭，再做個「OK」既動作。
 
「快手啦浩J！」犀牛響遠處向我招手。
 
我對身邊既MK琳講：「我去啦。」
 


佢踢左腳我屎忽，笑住講：「唔入夠三十分咪翻黎見我。」
 
埋到去之後，大家圍住教練山哥講左陣戰術，大概都係212，23個d防守戰略。
 
山哥：「記住，結果唔重要，just enjoy the process。有無問題？」
 
我地：「無。」
 
山哥：「大聲d！」
 


唔好問，我都唔明點解佢硬係要懶熱血，唯一解釋係30頭既人都受過男兒當入樽既洗禮，骨子裡有櫻木既情懷。
 
我地更大聲咁9叫：「無！」
 
山哥：「好！伸手伸手，快！」

我地圍成一群，手搭住手，例牌叫左聲：「1，2，3，香城！」（香城當校名）
 
比賽之前，我地分開兩批人握手。個男仔連呢個moment都唔放過，點都要響我耳邊細細聲問候多次家母。
 
我望一望，佢件波衫印住個名叫edwin。喔，edwin哥下話，留名睇我十倍奉還啦…
 
後備出場，正選上陣（無我份）。比賽響「bee」一聲後正式開始。
 
阿信以米九既身高輕鬆戰勝對面隻肥豬，將個波撥左去建峰到。


 
建峰一拎到波即刻做個cross over先過一件，然後全速跑上前場，再黎個45度角衝刺切入籃底，輕鬆上籃。
 
2：0
 
「嗚嗚嗚！！！！！」一陣狗乸既呻吟隨即升起。
 
開場未夠10秒就比人開齋，連Edwin仔都不屑咁屌左句，響背後舉曬中指。
 
跟住到對面開波，keyman係個四眼矮仔。
 
睇佢幾下交叉就知經驗老到，幾下就fake到我地個F4仔 tum tum轉，但好彩後者有體能搭救，總算比人過完都追得翻。
 
四眼仔把握住一次過人，先call肥豬上前pick，然後再假意切入，實則將波傳比edwin。
 


F4仔後繼不及，犀牛又補唔切防，人渣edwin響無人防守既情況下輕鬆射個三家姐，就咁將比數拉翻上3：2。
 
因為兩隊既實力不相伯，之後既攻勢都大致保持到你一球，我一球，不相上下。
 
對面主要靠四眼仔同edwin配合打戰術，我地就靠男神峰獨力支撐，雖然犀牛同阿信偶有佳作，但幫助唔大。
 
 
半場終結，比分係32：29，edwin臨完場前隊左球三分絕殺，串串貢咁向我伸利，背後舉中指。
 
由人渣edwin既表情，我feel到宜家既情景同當年八強慘敗有幾分相似....



ps.呢幾日適逢聖誕，所以產量甚小，請各位多多體諒，包含。