（適量甜）是咁的，我竟然響公園執到本Sex note: 97

食完飯之後，嘉欣自己走先，而我就同MK琳佢地一齊去廣場到睇煙花。
 
老老實實，最近一次睇煙花已經早幾年既事，仲要係頹到隔住個mon睇回歸煙花匯演。
 
我：「喂，王雅琳。」
 
佢：「咩料？」
 
我：「你覺得犀牛點？」
 


佢掃緊電話既手指突然停低，然後抬起頭講：「on9，樣衰，核突，但高過你，哈哈。」
 
呢個時候，犀牛同阿信拎住幾杯野飲翻黎，阿信將杯野比shirley。
 
shirley擰擰頭，然後繼續睇書。阿信條血又比人扣多兩格，苦口哭面既既佢唯有企埋一邊，一個人啃兩杯野。
 
呢一刻，阿信飲既已經唔係汽水，而係寂寞，仲要係兩人份量…
 
「唔該曬。」我伸手想接住犀牛擰過黎既汽水。
 


點知佢突然縮開手，鄙視左我兩秒，然後笑騎騎咁將杯可樂遞到MK琳面前。
 
犀牛：「雅琳姐，可樂岩唔岩啊？」
 
MK琳：「唔要！」
 
犀牛：「雪碧呢？」
 
MK琳：「屌，我都唔要呀，你唔好咁煩得唔得姐！」
 


犀牛繼續死纏爛打：「咁橙汁呢？」
 
MK琳終於忍唔住，一野搶走佢杯橙汁，然後大口大口咁飲。
 
犀牛好似三分得手咁chok左下手，之後先施施然咁隊杯可樂比我。

我地一邊飲汽水，一邊望住漆黑既天空，等待住煙花既出現。
 
突然間，成個周圍既地方全部熄曬燈，得翻城堡比五顏六色既燈光射住。
 
「啪。」一聲之後，MK琳拉住我手臂企起，全身灌注咁望住天空。
 
跟住，十幾發火光由地上冒起，一直升到天空先散開，變成一朵朵五顏六色既煙花，跟住響起樂園既主題音樂。
 
我：「呢首咩歌黎，咁熟口面既…」


 
MK琳望實天上既煙花，望都唔洗望就準確無誤咁一掌車中我個天靈蓋。
 
佢：「屌你咩，a whole new world lo，有無童年架你老味！」
 
D煙花放到一半，犀牛仲好入迷咁望住個天，完全無sense自己到應該把握呢個機會溝MK琳。
 
屌你老母，醒d啦，前世未睇過煙花咩宜家，幫你製造機會都唔識do！
 
正當我內心屌緊犀牛既無知時，MK琳突然拖起我隻手。
 
印像中，佢好似未試過主動拖我…
 
佢：「矮仔，你咪問我點解咁鍾意呢度既。」
 


我：「好似係。」
 
佢：「因為呢度好虛幻，唔現實，我可以做自己鍾意做既野。」
 
我：「例如呢。」
 
佢突然捉住我下巴，擰向自己，然後一啖錫落黎。
 
幾秒之後，佢塊面開始紅紅地。佢慢慢鬆手，然後將雙手收到背後，繼續望翻天上既煙花。
 
呢一吻令我開始從新認清自己對佢既感覺，不禁有d後悔應承幫犀牛追佢。

我地之間既關係無愛情小說咁浪漫，充其量只可以算係偷戀，單戀，失戀…唉，總之就複雜到唔識形容，我淨係知自己對佢既好感依然存在。
 
我：「喂，王雅琳。」


 
佢：「嗯？」
 
我：「生日快樂。」
 
佢：「哈哈，多謝曬。」
 
我：「洗唔洗許個願啊？」
 
佢笑住答：「一早許左啦，等你咩。」
 
我：「許咩願？」
 
佢：「你瞇埋眼先。」
 


我合埋眼，嘟起個嘴，諗住佢想醒多啖比我啦。點知佢突然一腳踩落我隻腳到，痛到我即刻彈開…
 
佢翹起手講，嬲嬲地咁講：「我既願望就係以後每日都要踩爆你隻腳！嘟起個死人嘴呀拿，正一鹹濕仔。」
 
我：「收皮啦！」
 
 「抄我講野？未死過！」我又食多兩野掃堂腿。
 
於是，我地一直吵鬧到煙花表演完結，然後一齊離開迪士尼。
 
阿信同shirley順路，所以一齊搭地鐵走，MK琳為左避開犀牛，所以拉住我去左截的士。本身犀牛都想跟埋黎，但最後都係當面比MK琳屌走左…
 
我：「的士咁貴，不如地鐵算啦。」
 
MK琳：「屌，老娘d錢多的是，你洗驚？」
 
過左陣，一部的士隨隨咁駛到我地面前。
 
MK琳：「上車啦。」
 
我：「咪住！」
 
MK琳：「咩料呀又…」
 
我：「我對呢部的士有種不祥既預感…」