２.【一起長大的約定】【我們不是說好了嗎】: Final Chapter 重演一次
「阿然想跟我到外國開始新的生活，你覺得我應該答應嗎？我會等你給我答案。」
應該？我沒有如此偉大。
不應該？但我不應該如此自私。
這次，我再一次選擇當一頭鴕鳥，對這道Whatsapp視而不見已讀不回。
今日種種，似水無痕， 明夕何夕，君已陌路。
也許每個孤單的男人，也都害怕每個週末黃昏，多層次的雲彩，佈滿彩霞的黃昏，
在令人著迷的風景下，一對對沿途經過的愛侶，突顯我的孤寂。
最近，我愛一個人在遊樂場逗留，慢慢把自己鎖在回憶裡。
我們的故事，是過了多少個秋冬 淪為下片的電影 只能重播懷舊。
黃昏時份，天色晴朗，風已停歇，蟬徐聲絡繹不絕，是一個大地回春的仲夏，
獨自坐在踿躚上，徐徐地盪著，看著夕陽映照在地上的倒影，回憶起童年……
此刻，腦海迴盪著一把沉重的女聲嗓子，
「後悔嗎？」
「後悔？我無資格講後悔。」
「到依家都仲未參透因果？」
「哈哈，婆婆，我唔係你，我真係唔知。」
「哈哈，人生往往只有兩個選擇，聽我講向前走可以見到佢，向後走係一生既執著。。」
「我選擇……向前，未來就算如何，我都應該學會面對，但我真係做唔到呀，唉，我個人好亂，講到一舊舊，哈哈。」
「哈哈，唔覺得可惜咩？有時候未必會係你想要既果。」
「可惜？我連佢唔鍾意食雪糕，佢既喜好都唔清楚，有咩資格講可惜？」
「假若俾你一次機會，回到過去，但只有十五秒的時間，俾你一個機會講愛佢，真誠既講一次，你願意嗎？」
倒轉了沙漏，亦不見得可改寫春秋，改寫定局，改變一開始的決定。
「返去有咩意義？就算講一聲我愛你，真係可以改變到過去咩？如果可以既話，我希望好好咁了解佢，知道佢既喜好，知道佢鍾意既野，討厭既野，我好想改變未來。」
「哈哈，答岩左啦，我就俾呢一個機會你，由於上一世你地有十五秒眼神交錯，所
以你地今世只有累積左十五秒既相愛時間，改唔改變到定數我就真係唔知啦。」
「俾一個咁既機會我，你唔怕我會貪心咩？」
「應該咁講，上一局果個人太執著啦，佢到最後選擇既同你有小小唔同，但人生既軌跡往往就是如此，小小既落差，截然不同既結局，但我相信佢都改變緊。」
「我都好執著。」
「你既執著，係一個枷鎖，佢既執著，係一個不甘。」
「我明白啦，婆婆，咁……俾十五秒時間我，可以嗎？」
「哈哈，回到過去都需要旅費嫁。」
「旅費？要啲咩？」
「一秒，等如你人生一年既壽命，十五秒，就等如十五年，咁你仲願唔願意？」
「我…..願意。」
我窮盡大多時間追名逐利，拼搏競爭，至今雖有少許成就，其實說到底一切的原由就是生怕假若她情路上不如意，至少還有我這個依靠，還有我這個鍾無艷。但其實到最後......我只是想再跟她到一次遊樂場，無憂無慮的嬉笑怒罵一場，然後對她說一聲我愛你！就一次，那怕只有......一次。
「好，就由你地相識第一日開始回想……直到你想要既時機。」
還記得街角中挽手遊玩的妳共我，
猶幸在故校裡下課後每天亦同坐，
陳舊照片在證實歲月裡的我共誰渡過，
互抱的一幕 偏於腦海中循環地播，
「喂，男仔頭，我叫夏迎生呀。」
「男仔頭？哈哈，夏迎春。」
「喂，男仔頭，放學去食野呀。」
「男你個死人頭呀，唔同你去食呀，搵你啲囡囡去食野啦。」
不知在那出錯彼此總會與彼此錯過，
還是沒有出錯是我太心多，
愛意從未能漫天飛播，
不說出怎知我，其實在妳身邊不敢說總怯懦，
「對唔住，咁以後我唔再係夏迎春，就等我做你既鍾無艷，好唔好？」
「真係既？」
「係，今次我會牢牢記入腦。」
想要重演一次 坦率的說聲愛妳 ，
傾出我這生心意 求換到那麼一點轉機，
緊抱後捉緊妳 不鬆手也不放棄 ，
淺淺笑窩 極優美 ，
來讓我重入妳心霏 ，
「因為……我話過要做你既鍾無艷，做你既.....絕世好友保護你，希望你得到幸福。」
「鍾無艷......」
「嗯？做咩？」
「嘻，我明白呀，我知道呀，我一定會…..追求到幸福。」
「你一定會得到幸福。」
回到相片裡補救把妳的哭臉逐次換遍
傻傻地盼望轉換結局笑聲便重現
其實我知我知是妳是妳真愛如何避免
突發般觸電 只想到看到衷心的笑臉
「嗯，緊係啦，你追尋到幸福，我呢個鍾無艷兼夏迎春既cosplay應該要完啦，除左你有咩唔開心既事啦。」
「我會幸福。」
「但係呀，女人都係要壞啲至得到幸福嫁，知唔知呀？」
知否在我心裡想得到妳愛的加冕
曾在夢裡偷偷去與妳相牽
現實裡的妳站他身邊 怎去與他交戰
難道是一生都只可強裝友善
我們不是說好了嗎？
這樣的話，我們互不拖欠，再沒分對錯，好嗎？
我愛……
頓時，「拍」的一聲貫徹整個空蕩蕩的遊樂場！把我從回憶的海洋中霍地醒來，回到現實世界。
有人狠狠地從後偷襲「head shot」了我，痛得我冒出眼水怒吼，
「邊個？」
「汪！」
該死的，兇徒竟然是一頭懂得「head shot」的狗！
隔了一會張開雙眼，眼前只見一位少女怒氣沖沖的拿著一本厚而細小的筆記本，
是芷翎…..
拍！
我還未完全清醒過來，然後她二話不說再度狠狠地用著那本筆記本重擊我的頭部，我一聲悽厲的慘叫，她捉住我的衣領拋下一句，
「死人夏迎春，偷睇我本筆記！」
「咁你都知……」
尙未弄清發生何事，說罷，再換來一式久違的捏臉頰，
「仲係最後果頁寫野，你未死過呀？你知唔知你啲小學雞字真係好肉酸囉。」
「對唔住…..」
她再怒目相向的質問，
「我啲過期帳單係唔係你同我交嫁？」
「……」
「你提我咪得囉，我依家無錢交咩！死人夏迎春。」
我輕挑的笑著回答，
「咁你既然有錢既，就要還啦。」
她不屑的續問，
「點還今晚再傾，答我，點解果日係街度，見到我唔同我打招呼，扮cool好威威呀？」
我嚇得縮頭縮腦不敢多說，只能道歉，
「對唔住呀，我知錯啦！」
話音未落，氣門的位置硬吃了一拳！
「答我，做咩唔覆我Whatsapp呀？」
「冬哥」兇巴巴的附和吠了一聲！
「嗚，汪！」
這次，她再沒有對我進一步的凌辱，接著對我報以一個深情的擁抱，哽咽的問道，
「果三個字…..真係咁難開口咩？」
我大膽親了她的額頭，
「我愛你。」
芷翎沒有回應，淚眼盈眶，然後莞爾一笑的攬著我。
我們二人在遊樂場摟摟抱抱擁作一團，來了一個熱吻。
她在我耳邊說，我依然看不透你，但原來看不透不要緊，都是一件幸福的事……慢慢了解對方，才是相愛和相處。
我問，是誰人教？
她答，是姐姐。
傾刻間，耳邊傳出一把聲音，
「昨日因，今日果，你做到啦。呢場賭局，我輸左，你贏啦，哈哈！好好去把握你地幸福既日子，但要緊記，因果二字。」
我知道是婆婆對我說的話，對我的叮嚀，對我們的祝福。
她說，一些細微的舉動，往往就能改變許多人生路上的事情，就正如歷史的洪流是由每個不同的人，恆河沙數的故事所堆砌而成
他說，不想再讓眼淚流下，請記得我們已經說好了。