戀愛沒有那麼甜(18+) 低糖作品 女同小說: 9.

2013-12-22
19:30 瑪麗醫院外
ISO 1600 

今晚，我刻意在沒有事先講明的情況下，到醫院
S今晚收8，一般呢個時間係交緊更，由於瑪麗四通八達，我決定泊好架車後坐係A&E等佢 

急症室人來人往，這裡竟然比街市還要嘈病人呻吟聲，電話向親友報告，抱怨等好耐未有得睇，救護員同醫護人員溝通，大堂的廣播，警察向傷者落口供等等等等, 差別只係欠無人叫賣吧.... 
大堂內唯一一部收得唔好的電視, 入面正播放緊港台的節目, 其在太無聊, 幾乎所有人都低頭玩電話, 我係其中一人
 唔同的係, 我唔能夠專注係電話, 我的心神不時環顧周圍, 睇下會唔會有S的蹤影 



「差唔多....」我睇一睇錶, 係20:15
未幾, 睇到身穿便服的S, 拎住佢的名牌手袋係診症室走出黎
「S.......」我未叫出聲, 聽到另外有人叫佢 

隨住叫聲的方向, 我同S望過去, 見到一名男護士走過去S到
「喂, 俾低你呀, 今晚見」男護士將一條鎖匙塞進S手中, 並錫左S水潤的雙唇上.....
S沒有似平時推開我一樣, 迎了上去, 與男護士在大堂上錫咀
「唔, 今晚見」S雙唇被放開後吐出一句, 並走出急症室 



大堂上見到這一幕的人好多, 因為呢一幕肯定比正在播無聊的港台節目更能引起話題, 有人笑佢地肉麻, 有人話佢地唔要面, 係公眾地方卿我

 而我, 只懂得呆在當地腦袋內一篇空白, 感覺好抽離似係平時我映相咁
隔住鏡頭望野咁
平時我映相時會一早係映之前做定測光，較好色溫，留低光圈同快門，方便映個時能一舉機就映 

但呢一刻，好似個鏡有問題, 個焦距較極都朦
色溫好有問題, 較極都好藍.......好冷的感覺.....
呢一刻我望到的, 只淨低藍色.....
正確來講, 係唔同深淺同層次的藍色..... 



但若果要執呢張相, PS偉大極, 都加唔返d暖色入去....


雙腳好似唔係我咁, 跟左S步出急症室
見到S佢走到附近的7仔, 個到有幾個劃左位醫院專屬的車位當中, 泊左我架黑色偉士.....
佢呆左咁企係到, 望住我架車, 再回頭, 望見我企左係急症室外....
我上前, 無講一句, 戴上頭盔, 開車遠去
任由我的眼淚隨住風, 灑在我的裇衫同牛仔褲上....