戀愛沒有那麼甜(18+) 低糖作品 女同小說: 8.

2013-12-22
14:00 Studio
ISO 400

RO:「喂, 你無野嘛?」
 尋晚星期六，個live 做到2點幾就完, 我煩緊S的事, 呢2日都不在狀態
係酒精的催迫下, 我刻意走去妹妹仔堆, 飲酒食煙flirt女, 做盡我平時唔會做的事
RO見我勢色不對, 或者係擔心我的貞操, 將我拖離現場

 2人上樓繼續飲酒飲到近天光 



RO:「你ready就同我講啦, 講下你發生咩事」社工似有透視眼一樣看穿我

 我一口氣講晒焗帶子事件的始未俾RO知
RO:「KIN.....你認為佢扼你?」

 「就算唔係出軌, 時間實在太吻合......」我續道
「收工唔俾接, 係代表佢唔係醫院, 個晚又夜返, 以佢平時收11點, 一收工就要死睡的作風好有出入」我繼續分析我對焗帶子一事觀察到的疑點

 RO:「咁, 你肯定第二朝的CALL, 唔會係白撞打錯?」


「來電顯示有名, 叫光, 唔知係男定女」
RO:「你肯定係同一人?」
「唔肯定, 都唔肯定個電話咪係morning call, 但5點幾打來，知佢起身時間, 同返咩更....」十不離九嘛..... 

「不過....5點幾打來實在令人覺得可疑」RO摸住額頭深思「咁, 你有咩打算??」
「請問, 你女朋友同第二個搭上左, 有可能佢地上埋床, 俾著係你, 你會有咩打算?」我一口氣講出心中想法
RO:「而家未肯定到佢地係咪, 你咪咁快下判斷.....」社工諗野真係好正面 

「其實.....我想同你講好耐, S同我好耐都無行埋過......」
RO:「咩話??」


我終於向RO坦白, 講出近年幾來同S的情況, 並不是其他人眼中的模範情侶
「唔......原來係咁.......你咁都捱到?」RO聽完頗為震驚「難怪一下就諗到佢係同第二個.......」
 
「由佢做護士長開始, 我地轉地下之後, 覺得2個疏遠左好多.....」
「最初只係同事前面, 慢慢連其他行為都係, 好介意我同佢一齊咁............而家連我都開始習慣, 同佢只係維持住所謂的'朋友'關係」記起佢上次同埋佢同事食野, 佢顯得格外陌生 
「有次我同佢係屋企, 想同佢親熱下, 俾佢推開仲要鬧, 個心好痛.....」
今日講出來的時候, 我覺得心痛無上次來得咁強烈.....係因為痛得太多已經麻木?定係一直係如迷霧般的關係裡搵到出口嘛? 

RO:「哈哈哈哈, 原來係強姦未遂!?」佢忍唔住爆笑出來
「妖........」實在不得不佩服社工, 總是能很快將我從低谷拉走
RO:「唉, 點都好啦, 女死女還在, 你至少仲有我呢個麻甩buddy同你過, 你咩決定我都會支持你」RO拍住我膊頭道 

朋友, 真好.....