弗羅里達: 第三場 ( 客廳 ) 3.4

(大文, 阿堅, 程若真三人入)
 
細文: 呀哥。
 
程若真: Hi…, 借問呢度係咪佢屋企呀?
       (見到細文，雙眼發光)
 
細文: 你聽唔到我叫佢阿哥架咩?
 
文媽: 細文!




 
阿堅: 你好，我地頭先見佢係街唔舒服，所以咁送佢返黎囉。
 
文媽: 你無事呀嘛。
      (緊張地走向大文扶著他)
 
大文: 我無事，小小頭暈啫。
 
文媽: 唔該哂兩位，入黎坐。
 




細文: 我食飯前返。
 
文媽: 正衰女黎架，講極都唔聽…..!!
 
大文: 乜嘢事呀，阿媽。
 
文媽: 無，無事。你休息下先。
     係喎，兩位點稱呼?
 
阿堅: 我叫……




 
程若真: 佢叫阿堅，我叫程若真。我地做好事係無求回報，都係舉手之勞。
 
大文: 係喎，都未同你地講唔該添。
 
文媽: 係呀，真係感謝兩位。
 
阿堅: 唔洗客氣。
 
程若真: 係呀…真係唔洗任何回報架。
 
文媽: 係呢，你地飲唔飲d嘢?
 
程若真: 好呀。
 




文媽: 你地等一等，我去攞d嘢俾你地飲。
 
阿堅: 唔該哂。
 
程若真: 你地住呢度真係好大架喎。
 
大文: 一般喇。
 
阿堅: 咁都叫一般? 大過我屋企五倍喎。
 
大文: 我地呢度住左幾伙人架。
 
程若真: 我唔係好明。
 
文媽: 呢個單位有幾戶人一齊住架。呢度有三間房，每一間房就住左一戶人。個廳, 廁所同廚房都係大家共用。




      (拿著飲品出來)
 
程若真: 咩? 原來呢度係劏房黎架?
豪宒變劏房? Are you serious?
 
文媽: 呢度當然唔同劏房喇。呢度好過劏房好好多。環境好當然唔洗講啦，而且除開左個尺價仲平過宜家d劏房多多聲，所以真係平靚正，好抵架。
 
程若真: 住劏房，有錢極有限。白做好事添。
 
阿堅: 唔好咁啦，人地聽到架。
 
程若真: 我講得咁細聲，邊會聽到呀? 唉….唔講喇，走喇。
 
阿堅: 我地走先喇。
 




文媽: 你地唔坐多陣?
 
阿堅: 唔喇，多謝你d野飲。
 
文媽: 唔洗客氣，我多謝你地幫我送大文返黎就真。
 
大文: 係呀，真係唔該哂兩位。係呢，介唔介意留個電話，我搵日請你地食野當感謝。
 
阿堅: 唔洗喇，其實都係舉手之勞，更何況我係一個警察，為市民服務都係我份內事。
 
程若真: 係呀，落左班都為市民服務，佢真係一個好警察黎架。不過，我只係一個普通市民，所以我唔介意俾個電話……號碼你。
 
大文: 好呀，你講。
 
程若真: 9728xxxx




 
大文: 我過幾日搵你。
 
程若真: 有餐食都好過無。
 
阿堅: 唔好咁mean啦。
 
程若真: 呢d唔係mean，係俾機會佢報答我啫。你聽唔到咩? 係佢自己話請我食野嘅。
 
阿堅: OKOK，冷靜d。
 
文媽;我要照顧大文，我唔送你地啦。
 
阿堅: 得架喇，再見。
 
(程若真, 阿堅 出)