【現代武俠】每個男人心中都有個武俠夢: 第七節　顛倒世界（下）

我和呀星兩個人回旅舍，氣氛比剛才僵，為了打破僵局，我問呀星為什麼叫呀星，剛說出口就後悔，人家全名莫星兒，叫呀星不是也很合理嗎。「我意思係，做咩改個咁男仔嘅名，每次叫你都好似逃學威龍入面，達叔叫周星星接力嗰個畫面咁，星呀星呀，接力接力。」呀星又笑了：「啱啱識均均嗰陣，係小學一年級，第一日返學老師點名，叫她全名王舜均，俾同學笑她男仔名，咁啱我坐佢隔離，就同佢介紹自己叫呀星，一樣都是男仔名。」「王舜均都唔係好差啫，夠有個藝人叫毛舜筠啦。」她又笑了：「到中學，啲男同學咪叫佢毛舜筠囉。你地千其唔好笑佢個名呀，佢反面都似。」
 
回到旅舍，他們三個都睡了，我洗完澡才發現均均沒有把手機會錢包還給我，就走到櫃台找呀星，櫃台工作還有一個小時才下班，但她似乎還在洗澡，我就在櫃台旁的冰箱，拿了罐青島，坐在剛才吃飯那桌等呀星。一罐黃湯下肚後，呀星披著濕漉漉的頭髮趕回到櫃台，我還是不要妨礙她工作，在這裏等她好了。過了一會，她走過來，剛洗完澡的她，飄來一陣香氣，讓我分不清醉人的是酒還是她身上的香。「喂，你罐青島雪櫃拎？」我點點頭。「俾錢。」「我銀包同電話都喺均均度。」「係喎，咁你聽日記得俾。」然後就返回櫃台，在櫃台下她拿了半瓶高粱，放在我面前：「唔好飲啤酒，飲呢支，暖下個身。」我一看，竟然是紅標金門特級高粱，幾年前在福建老家嚐過，讓我愛上喝酒的正是它，美酒當前，我管它暖不暖身，打開瓶口，酒香噴發，已教我飄飄欲仙，向她討了個小杯來，就開始自斟自飲，一杯下腸，精神抖擻。「正嘢，識貨喎，邊個教你飲，喺邊度買？」呀星：「我同均均都好鍾意試唔同酒，覺得呢支最啱口味，就喺金門訂咗一支，嗰時佢話賣斷哂，要多支都冇。」我說：「梗係啦，紅色包裝呢隻係佢地釀俾自己人飲，出面賣開白色包裝，要識人先買到呢支。坐，好酒要同好朋友一齊飲。」她高興地坐下，只是酒杯只得一隻，她也毫不介意地用我的酒杯，杯起杯落，我頓時覺得與她親近了不少。
 
她說：「係喎，頭先你身手唔錯喎，均均武功咁好都差啲俾你拉落水。」「咩話，佢識武功？」「係呀，佢屋企喺杭州好出名，除咗係整扇犀利之外，武功同江湖地位都好高，算係杭州一帶嘅名門嚟。」「好在我出名眼明手快，細個俾呀媽用籐條打，我全部都擋到哂，不過用手擋，變咗手痛。仲有呀，小學小息個陣同啲同學玩，用粉筆扔嚟扔去，人地扔過嚟嗰啲粉筆全部都俾我避開，後尾仲接住哂，等佢地冇哂子彈我就發動總攻勢。」我一邊說她一邊笑，我：「你笑得咁好睇，做咩平時成日黑起塊面。」星：「你第一日識我咋喎，又知我平時都黑起塊面，喺度扮識咗好耐咁，哈哈哈哈，傻瓜。我眼瞓啦，我瞓先。」說完就趴在桌子上睡了。又倒了幾杯後，原來我倆已經喝完這半瓶。我愛酒，喝多了就會吐，但從未喝到失去知覺，因為我知道醉了沒有人會照顧我，因此我不會醉。酒下肚後，心便靜下來，反而比平時更清醒，看著呀星，我覺得她倆的笑容背後，都有一個悲傷故事。對了，總不能任由她就這樣在這睡一晚，於是我回到房間，踢醒大食精，要他睡我的上格床，貪睡的大食精最聽話，因此不廢多少功夫就讓他空出床位。然後我把呀星抱到床裏，蓋好被子，自己就在地上睡著了。