【真人真事】【微甜】我係自修室識到個女仔: 二十二 話當年

返到自己屋企，我馬上打電話給Rebecca，只想向她解釋清楚剛才的事。

我：「本來我今日諗住去你學校接你放學，但我喺妳學校對面馬路見到阿欣，佢話你走左，跟住我就同佢周圍搵你。」
Rebecca：「咁點解最尾你地會去左Megabox?」
我：「之後我地喺旺角搵你唔到，打俾你又唔通，跟住阿欣就話你走左，叫我同佢行megabox，咁我當佢朋友先會陪佢行」
Rebecca：「就係咁簡單?咁點解你會拖住佢?」
我：「佢成個細路女咁左跳右跳，我同佢一齊行，搞到其他人望實我地，所以我先會拖住佢行。」
Rebecca：「你仲有冇其他野講?冇我收線喇」
我：「可唔可以原諒我呀bb?我真係唔知佢會咁樣整估我」
Rebecca：「bb，可唔可以應承我，唔好離開我，就算阿欣點樣鍾意你都唔好拋低我」


我：「嗯，我唔會因為阿欣而唔要你咖bb」
Rebecca：「佢靚過我，誘人過我，身材好過我，你真係冇諗過唔要我?」
我：「我愛你都唔係因為你外表，而係鍾意你既性格，仲有你對我既感情」
Rebecca：「bb，我都好愛你呀!」

(之後既對話內容就唔講啦)

幸好Rebecca最終也肯原諒我，否則我也不知道怎樣面對阿欣。
但見到阿欣和Rebecca兩個好友鬧交，還要或多或少是因為我而鬧交，我也不能坐視不理。
所以這晚我就約了阿欣到公園傾這件事。



我：「阿欣，我知道你今日話愛我，只不過係為左激Rebecca，係一時意氣用事，但係點解無啦啦會同Rebecca鬧交咖?」
阿欣：「之前我鍾意過一個男仔，但係Rebecca同我爭，最尾佢爭嬴左，做左佢男朋友，果個就係佢個ex」
我：「所以你就想報復?」
阿欣：「你有冇試過俾人搶走自己心愛既野?」
我：「嗯，我明白呀!」
阿欣：「我想俾佢嘗試下呢種滋味」
我：「我想知道當年發生左乜事」
阿欣：「當年我鍾意左個籃球隊既男仔，叫細K，咁我一直都同細K保持朋友關係，而細K亦都唔知我鍾意佢，但我果時因為信得過Rebecca，所以講左俾Rebecca知」
我：「跟住Rebecca做左d對唔住你既事？」


阿欣：「嗯，佢講左俾細K知道都算，佢竟然喺細K面前講我點樣點樣唔好，最尾細K冇考慮過我，選擇左同Rebecca一齊」
我：「細K就係之前同Rebecca散左果個男仔？」
阿欣：「係，細K同佢分手之前有同我提過分手理由，佢話覺得Rebecca當初咁樣做好衰，令我連一個公平競爭既機會都冇」

若非阿欣對我說出以前的Rebecca，我根本不會知道以前Rebecca與細K的事，或者還會單純地相信他們是基於學業和家庭而分手。
如今讓我知道了昔日她的所作所為，我也不知道以後應該怎樣面對Rebecca。

阿欣向我補充一句：
「但係今日既Rebecca已經唔同左」

我很天真地問：「可唔可以原諒佢?」
阿欣：「其實我都唔想再追究更多，我只係想佢以後唔好再出賣我」
我：「你地一個係我朋友，一個係我女朋友，我都唔想見到你兩個既關係變得咁差，可唔可以原諒Rebecca一次？」

之後我認真地向阿欣說了句「對唔住」，而阿欣則沒有表示會原諒她，只輕輕說了句：「睇佢點樣先啦」