【真人真事】【微甜】我係自修室識到個女仔: 二十一 Rebecca vs 阿欣

當我和阿欣正拖著手，很開心似的有講有笑，從商場走下來時，Rebecca就站在樓下，親眼目睹我和阿欣的所為，而我們也見到Rebecca。
我立刻從我和阿欣快樂的夢境中驚醒過來，放開阿欣的手，但阿欣卻反過來主動拖著我的手，並對我說：「唔洗驚啦，Rebecca唔要你，我要你!」

但我仍是馬上放開了阿欣的手，從電梯跑到地下，但當我走近時，Rebecca已在哭泣。
身為男朋友的我，這時候是應該安慰Rebecca的，但我卻不知道怎樣向她解釋。

我：「Rebecca，我...我...」
哭成淚人的Rebecca轉身對著我說：「你唔洗同我解釋喇，我乜都睇到晒!」
我：「你聽我講，唔係你咁諗咖」



這時阿欣也走到我們身旁，想開口說話，但我卻示意叫阿欣行遠一點。

我繼續說：「我只不過同阿欣去行街，冇其他野咖喇!」
Rebecca：「你地岩岩拖住手，仲要拖得好開心，我點樣信你呀?」
我：「唔係你諗咁咖，Rebecca」

阿欣再次走過來，並對Rebecca說：「我係同佢拖住手行街街呀，咁點呀?」
聽完這句話之後我馬上拉開阿欣，想阻止一場世紀大戰。
但Rebecca卻說：「我當你朋友，你有冇當過我係朋友?依家擺明車馬就黎搶我條仔?」
阿欣：「係呀，咁又點呀?唔抵得我條件好過你，靚過你，多兵過你呀肥婆?」



Rebecca先是呆了一呆，然後衝動地講了句「臭閪」，再摑了阿欣一巴，便轉身走開。
我望了阿欣一下，她正在流淚。


其實我也不知道怎樣算?應該追出去安撫Rebecca?還是安撫眼前的阿欣?
但當我決定追出商場外安撫Rebecca時，已經太遲了，不見了Rebecca的身影，連四處張望也不見。
我轉身走向商場，阿欣仍在哭著，唯有先安慰她。

阿欣對我說：「呢一巴掌我會記得好清楚，佢係第一個摑我既人，第一個，連我阿媽都未試過咁摑我!」


我：「唔好喊啦阿欣!」
阿欣：「我有講錯咩?我係咪靚過佢好過佢?」

其實我很想答阿欣「冇講錯」，但我更想知道阿欣為何要這樣講。
我：「點樣頭先你要咁講?」
阿欣：「因為我鍾意你囉，唔得咩?」

我沒有給她反應，其實我是不懂得如何反應，因為我愛Rebecca，同時也被阿欣的種種外在條件吸引，不知道應該如何選擇。
但我卻清醒地知道自己是Rebecca的男朋友，應該忠於她。

我只好迴避阿欣的問題，說：「不如我送你返屋企啦，Rebecca果邊我會自己處理」
但阿欣卻繼續追問下去：「你可唔可以答我，你有冇一刻鍾意過我?」
我不敢說有，亦不敢說沒有，只好說：「我唔知道」

之後阿欣突然衝前攬住我說：「你話我知啦，你有冇曾經鍾意過我?」


我推開阿欣，並說：「阿欣，你都好清楚我有女朋友，叫Rebecca，點解仲要鍾意我?」
阿欣又再次哭著說：「我愛你，自然不惜一切都想得到你，就算犧牲左個朋友都好，為既都係搏取一個機會。」
阿欣繼續說：「對唔住，我今日呃你都係想同你一齊過，或者我地真係冇機會啦!」

我：「我送你返屋企啦，唔好喊喇!」
之後我唯有送阿欣回去，當到她屋企門口時，我只說了「你休息下啦，我返去先」便離開了。