【真人真事】【微甜】我係自修室識到個女仔: 十三 開始還是終結?

翌日醒來，已經是中午十二點半了，我急不及待在睡邊拿出手提電話，想立刻WhatsApp Rebecca。

我：「bb，你訓醒未呀?」
WhatsApp上的最後上線時間依然是03:40，她應該還未起身吧!
趁還有時間，就即管問問朋友阿豪的意見吧!

我：「之前咪話喺自修室識左個女仔，我慢慢覺得自己有d鍾意佢。」
我：「一陣就要出去見面，應該點樣開口?」
豪：「仲有機會俾你講，咪勇敢d講出黎囉!」
我：「但係對方話自己已經有target喇，如果唔係我，咁我去表白咪好樣衰?」


豪：「就算個target唔係你，但你去表白可以俾佢知道你既諗法!」
我：「嗯」
豪：「要記住，搵到自己鍾意的人好難得，唔好俾自己鍾意的人走左去，唔好俾自己後悔呀!」

昨晚聽完阿欣的說法，今天再聽過阿豪的意見，我還是很猶豫，到底是否應該讓自己試一次?
想著想著，電話突然響起，來電顯示著「Rebecca」

我：「喂!」
Rebecca：「我訓醒喇豬豬，係咪出去MK呀?」
我：「嗯，喺圖書館等你?」


Rebecca：「好呀，到時見啦!」

她叫我做豬豬的一秒鐘，簡直甜到入心。


在圖書館的門外，已經見到Rebecca在遠處......
一步一步走近她，心情就愈來愈緊張，這一刻轉身後退，但奈何為了自己，別無他選，不論結果是如何，儘管試一次。
當我正逐步走近她，她也見到我，並對著我微笑。

Rebecca：「Hi」


我：「Hi」
Rebecca：「做咩野無啦啦話想見我既?」
我：「冇呀，想見你咪見你囉：）」
Rebecca：「真係咁簡單?」
我：「其實......我想知道邊個係你既target?」

Rebecca笑而不語。

我：「我有d野想同你講。」
Rebecca：「你講啦!」
我：「由我第一次喺自修室見到你，就開始鍾意左你，愛上你既笑容，好想以後捉緊你」

Rebecca似乎沒有甚麼反應。

我：「Rebecca，或者你個target未必係我，但係我只係想講俾你知，我愛你」



Rebecca依然沒有反應。

我：「對唔住，我知道我會錯意，走先喇」

正當我想轉身離開圖書館，Rebecca突然拖著我，並笑著說：
「邊個話你唔係我個target?」

我立即轉身，Rebecca繼續說：
「Calvin，我愛你」

我拖著Rebecca走出圖書館，臨走前回眸看看隔離的自修室。。。。。。
一對男女在溫書。
曾經，我與她也是如此，偶然的互望，隨緣的相見，或許可以成就一對情侶，或許只遺下兩段悲傷。