【真人真事】【微甜】我係自修室識到個女仔: 十二 阿欣的出現

回到家裡，徹夜也在想著Rebecca，她白滑的雙手、誘人的身材，還有那個可愛甜美的微笑。
整晚的思緒都落在Rebecca之中，很想立刻向她表白，但好像已錯過了最好的時機了，只怪自己沒有這種勇氣吧!
這夜是我最開心的一晚，心情到這刻仍未能平伏下來，是Rebecca，使我徹夜難眠。

一個人走到屋企樓下的便利店，買了兩枝啤酒，在公園的長椅上坐著。
這時已經是凌晨兩點。
公園只有我一人，我可以放下一切世俗的枷鎖，對空氣盡情講出心底話。

忽然有個女仔從公園的遊樂設施上走下來。。。。。。
她穿著一件oversize的T-shirt，長長的T-shirt遮住了她的下身，不知道她有沒有著褲。


長長的雙腿，身體誘人的線條，還有那張女神級的面容，簡直是世界級!

想不到她會從遊樂設施走下來，走到長椅前對我說：
「一個人飲悶酒，對住空氣講有用咩?」
我：「我識左佢3日咋，咁快就去表白?」
她：「唉，細膽就細膽啦，飲啦巴打!」
我：「飲啦」
她：「係喎，都未問你叫咩名?」
我：「Calvin啊!」
她：「阿欣」



喝下一點酒精之後，或者帶點醉意才能吐出真言。
我將Rebecca與我相識，到今天的事通通都講了出來，
阿欣便對我說：「去馬啦，機會唔撚等人咖，鍾意人地就去表白啦，仲等?」
阿欣再說：「係咪想等到老左先黎後悔呀?」

的確，阿欣講得岩，難道真的等到八十歲才回首後悔今天?機會就在眼前，去馬吧!

我：「你都講得冇錯既!」
阿欣：「仲等?快d約人地出黎見面啦!」



我從褲袋拿出手提電話，打開了WhatsApp，第一個就是Rebecca。
我對阿欣說：「就係第一個女仔」

阿欣拿走了我的電話，打開Rebecca的icon仔細看一看，臉色有點怪怪的。
阿欣很錯愕：「下」
我：「係咪有咩野問題?」
阿欣：「Um...」


阿欣：「Um...冇野呀，個女仔睇落幾可愛!」
我：「我都覺得佢好可愛：）」
阿欣：「睇你笑得咁甜，一定好鍾意佢啦!」
我：「嗯」
阿欣：「快d約人地出黎啦，唔好令佢失望呀!」


我：「令佢失望?」
阿欣：「信我啦，憑我直覺佢會好鍾意你!」

我在WhatsApp上輸入了「我愛你」三字，正打算送出之際，阿欣喝止了我。
「喂，邊撚到有人咁直接咖!」
接著，她拿走我的手提電話，幫我輸入並送出了「我好掛住你呀bb」。

我在旁問了句「叫佢bb咁親密」
阿欣答我「女仔覺得咁樣好sweet咖」

我們等了一會，Rebecca的WhatsApp寫著「輸入中」。

Rebecca：「不如聽日見面啦!」
我：「你想去邊?」
Rebecca：「旺角好唔好?」


我：「好呀!」
Rebecca：「聽朝訓醒話我知啦，Goodnight」
之後Rebecca便落線了。

我問阿欣：「咁我聽日應該點樣開口?」
阿欣：「你聽日主動d同佢講啦，機會得一個，唔好白白浪費呀!」
我：「我驚自己get錯呀，咁樣好樣衰咖!」
阿欣：「唔洗驚啦，我撐你咖!」
阿欣補充一句：「最緊要由心出發，將你心裡面想講既感覺講出黎」
我：「多謝你啊」

我和阿欣飲完啤酒之後，先送她回到她屋企，原來她只不過住在隔離一座，我便獨自回去。