如果你既人生好似打機一樣……: 6.1, 點解學校無教我地點樣同異性溝通？
唔同往常好似趕番屋企既步速，我係一路蕩住番去，腳步輕浮。
番到屋企，我即刻入房撻左係張床到，回想剛才既情節。
桑妮既好感度急升，根本唔洗睇對話框都知。
至於呀飯就無明顯既上落，我仲以為會急跌，咁究竟係發生乜事？
而水牛就好似一貫咁樣，由始至終個好感度都無郁過。
班金剛既好感度係事後都無回升，但係我頭先講到咁白，斷估佢地都唔會再搵我麻。
而一直以黎儲落，解任務或者做低人拎既EXP同能力加成我都漸漸感受到。
頭先一連串既體力勞動，比著係以前我做完之後一定郁唔到，依家我仲勉強可以行到番黎屋企。
但係依啲都唔係咁迫切既野。
依家既最大問題係水牛同呀飯去左邊。
六點零鐘，老母番到屋企，睇完新聞之後開始煮飯。
「波仔你係咪放假喇？」煮緊飯既佢問。
「係呀，做乜野？」我因為打緊副本，所以其實係遲左幾秒先應佢。
「無，我新年要上大陸姐，你都係唔去架啦？」
佢有啲親戚係大陸，所以年年新年清明都會上一上去。
而我就梗係寧願龜係屋企打機啦，連FB都上唔到既地方對我黎講簡直係地獄。
「哦……係呀，你幾時走？」
「我估三十晚同你食完晏我就要上去……食得喇，快啲黎食啦。」
「我打緊副本呀，遲小小先啦。」
「停一陣都唔得咩？」
我呀媽剩係打單機GAME，所以佢都有所有老母既通病 － 以為ONLINE GAME係有得停。
過多一陣之後，我索性夾D送落飯碗到就去左電腦台前面開餐，而我老母都無講太多。
「呀方，你知唔知水牛去左邊？」我係GAME入面密佢。
「下？我唔知喎，你都知佢好小私下搵我架啦？」
的確係咁，我、水牛、呀方三個人其實係以我為中心，呀方同水牛其實好少私下交溝。
「其實我都好想知你同呀飯之間發生乜事，係唔係佢同你示愛你拒絕左人呀？好HURT架喎。」
「除非你有水牛咁屈機啦，否則咁主動既女生只會係你果啲毒到核爆既Gal-game出現，醒醒吧！」
我總係覺得呀飯講既野係有弦外之音。
「既然事不關己，你就唔洗咁擔心啦，水牛會處理。」望就咁講，雖然我無同佢拍拖既意思，但係始終唔想小左個對我黎講好稀有既女性朋友。
「屌你兩個傾小陣計得唔得呀，你over taunt左喇！」隻醫開口屌尻我地，因為係街醫，所以完全無面比。
＊ot同街醫既意思希望有讀者為唔知既人補完＊
係一輪媽媽聲之中打完副本，而我都趁依家抖一抖。
有副本既GAME癲起上黎真係可以打到番工咁，尤其係魔獸世界果啲幾十人一齊打既副本，因為你一個人唔打而開唔到波，果種壓力真係好大。
好彩我地只係打啲扮魔獸既Online game，所以相對之下就輕鬆好多。
Msn終於見到水牛on，我即刻去震佢。
「呀飯佢點呀？」
「無乜野，不過唔好再講到任何刺激佢既野。」一貫水牛式既說話方式。
「佢發生左乜事？本身佢仲好地地，點解無啦啦情緒咁波動？」
「太複雜我唔想解釋，總之照我既說話去做。」
哦……雖然好想知，不過既然水牛唔講我就唔問。
「新年你打算點？」睇下水牛有無活動先。
「暫時未有，可能一齊溫書……但你會出席？」睇黎都係得「女同學以溫書為名以陪仔為實」依個活動。
「一係一齊出黎打下機囉。」
「都得，你約。」約人打機依樣野都係我做開。
毒撚方打機，水牛既活動唔岩我玩，睇黎我都要自己搵下世藝……
而我已經有Idea.
第二日，我立即去左我成世人都未去過既社區會堂。
好多呀伯係到捉緊棋，得好小後生仔。
我覺得會入黎社區會堂既後生仔都應該係得班耶青，雖然教會比我既印像係好似有好多正既囡囡，但係有得睇無得食既遊戲我都無興趣玩。
我發覺自己體力實在太差，於事十七歲仔既我想搵番啲可以強身健體既運動。
「青少年武術基礎班……？」
依個睇黎幾岩我，而且又唔係貴，所以我無考慮太多就參加左。
雖然年初一至初三無班開，但係初四就已經係第一堂，對唔想溫書又唔想打機既我黎講簡直係喜訊。
今個新年我要幫自己升下level。
去完社區中心之後我剪左個頭髮就番屋企。
係時侯度下年三十晚點過，一個人毒住過年三十晚無屋企人陪真係好灰。
「年三十晚洗唔洗食團年飯？」我係MSN發問。
「要，果日會陪屋企人，年初一都係。」
水牛都有自己既屋企人，無理由要佢陪我而出黎……
「死毒撚，年三十晚有無野做？」我地又一邊打副本一邊傾計，上次隻街醫已經Blacklist左我地，好彩今次係同同團既人打。
「年三十晚雙經呀，我梗係唔出街啦！」
「呀夜你好毒呀，三十號晚都唔出街。」團友甲話。
毒撚方係Game入面既名叫夜……夜唔知乜柒，總之係一堆又繞口又難讀既字。佢連改個online game名都中二個人。
「咁你地係咪唔開團先？」毒撚方反問，因為坦依個位無乜人係做，所以呀方先尚算受歡迎。如果佢係Dps的話，上次齊人唔預佢單野一定日日發生。
「波仔你呢？你年三十晚都想約人出街，屋企無人？」我係game入面既名就簡單好多，就係叫做驚波。
一來我覺得自己個名夠霸氣，二黎金城武用真名上網都無人信，我怕乜柒？
「係呀，唔想自己一個食團年飯咁毒。」其實打依隻online game既副本都幾那悶，唔吹下水真係會恰著；係唔識果啲認真魔人先會連水都唔比吹。
「每逢街節陪思親，毒男屋企上高登，岩你啦。」我即刻屌左出聲，然後回。
「我先無你地咁毒。」
「你係想脫毒既就搵條女過啦。」
女？係喎，桑妮屋企都應該無人。
打完個副本之後，我就打開Facebook。
Sony有on，即刻密佢先！
「hi.」一開口就約人太odd，所以我決定談下天說下地先。
就係我打完之後，想開第個視窗上其他網之際，佢已經回左我。
「Hi
我仲以為要等番粒幾兩粒鐘先有回應，聽網上啲朋友講佢地搵女神通常都要等對方傳召。
「做緊乜？」經典行到爆既開頭，早知上高登開左post問左人點同女神傾計先，失策！
「睇緊電視囉，福祿壽好好笑XD」如果係毒撚方打出依一句，我一定會屌尻佢表情撚加低級趣味，但係同一句說話由唔同人講出口，個FEEL係好唔同。
仆街喇，之前好似見過有人教溝女唔可以同Close question！依家一問一答搞到個氣氛好差，點算呢！
依家上高登即時問人黎唔黎得切呢？我之前睇電車男個主角都係咁做！
但係桑妮無比到時間我出招，佢即刻就展開下一輪攻勢！
「咁你呢?」嗚哇哇哇－－－
點答好呢？無理由答佢「岩岩打完機，仲刷到件紫裝添！」架，但係答佢溫緊書又好虛偽……
「我好寂寞。」屌，我究竟打緊乜柒，依家拍緊mv咩屌！
我開定個遊戲視窗，捕定sony好感度下降既訊息，但係無出現到！
「你無同呀方打機咩？」原來佢一早估到我做緊乜，點解我頭先唔直接答佢……
「有，但係我覺得好無意思，好虛無。」我打左一句否認晒我依幾年中學生活既說話。
聽人講啲毒撚想溝女神，好多時都會變左做另外一個人做唔番自己，原來講既就係咁既意思。
對唔住呀電車，我唔應該笑尻你，我唔應該係你個post漏低左兩粒膠就走！
「唔似你喎。」因為根本唔係我黎！
「其實我都有不為人知既另一面。」依個對話已經變左做mk仔打online game扮型溝mk妹既對話。
「咁你唔溫書？」乖乖女Sony覺得會考在即，溫書係理所當然，如果我答佢「因為悶囉！」一定比佢用呀媽既語氣省到戇尻。
定係要扮高登仔賴尻香港既教育制度？依個係社會既錯，係政府既錯，係黨既錯，唔係我既錯！
但係咁答實比佢係心目中扣分……
我從來都無諗過講一句野之前係要思考咁多，從來都無。
「本書好Dry…」內容on9，唯有加插一兩句英文搭救！子華講過真心話用外語講會真心啲，應該無死。
「我都覺呀:(」多謝你呀子華大神！我以後次次睇你現場唔叫你回水唔叫你除褲！
「我呀媽年三十晚就上大陸，新年一個人過真係好寂寞。」
MK無病呻吟Mode再開。
「我都係呀，屋企人又未番。」戲玉來了。
「咁一齊過新年好唔好？」我打完之後諗到唔諗就禁左enter，因為我知道我諗得越耐，禁backspace刪晒成句既機會就越高。
「好呀
黎喇電車！
之後我仲同佢傾左陣，但仲未決定到做乜，可能會行年宵。
年宵，自從細細個果陣去過一次之後就無再去過。
傾到十一二點左右，桑妮已經要訓，於事我就番去game入面。
「你已經被擊倒，請點擊這裡復活
復活 」
屌，唔記得左打完副本之後會出番去交戰區添！
「頂你波仔，你死左去邊呀？頭先打緊工會戰呀！」
「哈哈……係咩？sorry囉！」
「波仔……你係唔係比鬼上身？」