如果你既人生好似打機一樣……: 5.2, 出入廁所記得順手關門

廢話，唔洗你講我都會。
 
先講下我地學校既結構，相信同各位既學校都差唔多。
我學校係有六層高，最高果層得啲平時好小會用到既課外活動室同埋冷氣機槽。
 
落一層係五樓，係一般認知中最高既一層，有個biology lab，低form用既is lab同埋兩間電腦室，仲有小量課室。
然後就係我地身處既四樓，四樓有physic lab同埋chemistry lab，仲有清一色既班房。
三樓係圖書館，剩低既就係課室；二樓係家政室同二年級班房；一樓除左班房之外仲有音樂室，美術室。
 
可供上落既途徑有四種，首先係最常用既前後樓梯；然後就係係中間，教師專用既中樓梯；最後就係係前樓梯隔離既升降機。




 
而可以離開學校既門口有三個，一個係操場，經常上左鎖既大門；一個係係後樓梯外面既側門，都應該上左鎖；最後就係前樓梯果面既正門，長開，但係依家有人把守住。
 
依家我個心情就好似玩緊MGS咁樣。如果得我一個人的話，開下能力應該唔難逃出，問題係我隔離仲有個比我拖左落水既桑妮。
 
小智待我不薄，係任務欄出現既同時，我發覺我既遊戲視窗仲出現左個雷達！
嘩屌你正呀喂！係咁既情況下有雷達真係如有神助，如果避開戰鬥，留力係門口做低火機，應該走得甩！
 
所以目前為止，避開所有視線直落地下係我既計劃。
 




最簡單既方法就係前樓梯或者坐升降機，我揀左前樓梯，因為如果升降機上落既途中遇到佢地的話，我地走都無得走。
 
「跟我黎。」
 
我確認左走廊全層clear之後，就揮手示意桑妮可以出黎。
沿途我一路留意住個雷達，一路都無人，直至去到二樓……
 
當我落左半層樓梯果陣，轉角時就留意到有人行緊埋黎，於事我即刻拖番桑妮番三樓，諗住兜入去男廁避一避。
 
佢岩岩入男廁果陣都好抗拒，睇黎佢未入過男廁，就好似女廁係我地男仔夢想中既天國咁樣。




 
我打開左最入面果個廁格，然後同桑妮入左去。
係人都知道廁格並唔係密封，下面係有啲空位，即係我地如果企係地下的話，出面既人可以由下面裝入黎。
 
另一方面，如果我地兩個都企係廁所上面的話，就會高得濟，外面既人一樣見到。
好喇，問題黎喇，我從雷達見到隻金剛距離我地越黎越近……究竟係咁迫既廁格入面，要點企先可以下面同上面都裝唔到我地呢？
 
我無時間比桑妮同自己考慮，我將塊廁所板放低，然後桑妮同我企左上上面。
「對唔住。」我右手放係桑妮條纖腰後面，左手就放左係佢大腿後面，然後一用力就公主抱起左佢，然後本身站立緊既我就慢慢蹲係廁板上面。
 
桑妮雙瞳瞪大，睇黎佢都估唔到我既舉動，佢用雙手掩住自己把口唔比自己出聲，當我完成左成個動作之後，佢係我懷中一路避開我眼神。
 
佢屋企咁嚴，應該由細到大都無試過同男仔有咁親密既接觸，估唔到佢既第一次就比左我。
雖然此第一次非彼第一次……
 




雷達探測到出面隻金剛行得越黎越近，到底我地既下場會係點呢……
 
越黎越近喇，到底係點呢？
依家既我已經有戰鬥既心理準備，但係我都係好希望無事發生。
 
傳來開門聲。
 
打開既係隔離既廁格，一輪既除褲聲之後，仲有一條水柱射入水中既聲音。
原來佢柯尿，但係點解間學校無晒人你仲要入廁格柯先？
 
桑妮雙目緊閉，就好似世界上最污穢既野係佢眼前出現一樣。
 
機不可失！
 
我留意到一個好重要既細節，於事我將桑妮放低，然後衝左出外面。




「邊個！」聽到聲音既金剛都即刻好驚訝，但係佢依然仲玩緊滴滴仔，所以根本無可能拉番條拉鍵，丘番條褲出黎應戰。
 
佢無關到門，於事我踢開佢道門，然後再走腳踢佢個屎忽，佢雙手捉住仲噴緊水既小鳥然後向前傾，一輪巨響之後已經暈左。
 
雖然失去左意識，但係精神奕奕既小鳥依然盡緊佢既本份，繼續噴水，眼前係一個污穢不堪既景象。
桑妮走出黎睇下發生咩事，我即刻掩住佢隻眼，用扮晒溫柔既聲線講：「唔好睇。」
 
係電影入面，開威能殺左壞蛋既主角唔想弱小既女角見到流血場面經常會咁樣做，估唔到我今日都有機會扮下，唯一唔同既係眼前出現既並唔係流血場面。
 
依個故事教訓你地，就算你覺得周圍無人，去廁所，都係順手關門好啲。