如果你既人生好似打機一樣……: 4.3, 考試期間見到唔識既題目就應該漏空佢，之後先返黎解決

今日考既係中文，但係中文唔係得一份卷，而係五份：閱讀、寫作、鈴聽、綜合能力同口語。今日我地要一次過考晒前四份，而口語就係擇日再戰。
 
我係場外面望下坐位表，發覺自己就坐係入口無幾遠既位置。
因為我係C班所以坐係禮堂中間果排，而且劉既第一個字母L係26個字母中間，所以我既學號都係中間位置，按學號坐既我亦都坐左係第一排既最尾。
 
根據以上邏輯，你估下我隔離坐住既係邊個？
 
「波仔，我地真係有緣！果然係戰場上我地就要並肩作戰！」
無錯，就係姓Y既毒撚方。
 




而姓C既桑妮同姓F既呀飯就坐左係我果排既好好好好好前面，姓P既水牛就係毒撚方果排既好前面，係呀飯隔離。
 
「唔知份卷難唔難呢。」呀方問左個非常可笑既問題。
「對你黎講有分別咩。」點解依條友要成日講啲野出黎比人串？
 
對我黎講，琴晚食左水牛雞精，再加上琴日中文堂用左既四個能力Slot，我諗要合格都應該唔難。
 
講左一堆廢話之後，考試開始。
 
係試場入面，你會感覺到時間既奧妙，有時時間過得好快（主要係當你有好多野想寫果陣），亦有時過得好慢（最佳例子就係我右面）。




 
而我，就望住眼前份試卷，準備開始感受時間。
當我一掂到份試卷既時侯，個腦就激盪，傳來一段音樂……
 
http://www.youtube.com/watch?v=f4xL2kEN9Yk&feature=related
就係pokemon踩怪既音樂！
 
《出現了，是野生的中文閱讀卷！》
乜撚野叫野生既中文閱讀卷！
 




《劉驚波召喚了劉驚波！》
如果召喚番自己由一開始就無召喚既必要囉！
 
《接下來到底要怎麼辦呢？　戰鬥　道具
換寵　逃走》
我好想走，我唔想見到d咁戇尻既畫面！我秒揀逃走。
 
《於考試的場合不能逃走！》
《接下來到底要怎麼辦呢？　戰鬥　道具
換寵　逃走》
 
咁你由一開始就唔好放個逃走既選項出黎啦屌！
 
走又無得走，唯有應戰。
《修詞精要←　到底要使用那一招呢？




談判精要
作者思想
排比句型　　　　　　　　　　　　　》
 
係中文堂學左果四招，既然係閱讀卷，就用左作者思想先啦！
 
《劉驚波使用了作者思想！》
份卷行血剩係扣左小小。
 
《作者思想並不是十分有效！》
屌你老母咁仲想我點呀！作者係文中講好口渴唔係代表佢對生活覺得無奈，而係佢真係覺得口渴囉唔該！
 
《試卷使用催眠攻擊！劉驚波進入沉睡狀態！》
我無訓到，但係腦海中既自己訓左！
 




自己用第三者既角度望住自己訓既感覺真係好奇怪。
《劉驚波沉睡中，不能攻擊！》
 
《試卷使用文言文攻擊！》
畫面中，試卷丟左堆三字經出黎，而我行血亦都扣得超快。
 
《非常有效！》
 
《劉驚波已經醒過來了！》
今次試下用睇起上黎唔係好關事既談判思想。
 
《劉驚波使用了談判思想！》
行血完全無郁過。
 
《談判思想對閱讀卷不能起效。》




WTF?
 
《閱讀卷使用了見鬼勿Ｏ嘴，潛水怕屈機攻擊！》
《潛水怕屈機攻擊非常有效！》
我又比人扣左大半行血。
 
絕望既我唯有睇下有無其他選項，寵物項裡面空無一物，於事我再去睇下物品項。
 
《精靈球　X1
返回上頁　　》
 
考試卷，等我收服你啦！
我係畫面入面既我將試卷扔出去既時侯返回左現實，現實既我亦都好似扔緊D乜咁。
 
我將份試卷渣巢扔左出去。




 
考試係學校之中最神聖既聖物，你讀書咁多年，為既都係考一個試，拎一張沙紙。
雖然我依家唔係會考，但係為左凝造會考氣氛既學校都將今次考試睇得好重。
 
當我知道自己扔左份試卷出去既時侯，我就知道一切都已經無得番轉頭，鑑考既任SIR望到我實一實，然後一步步咁行埋黎。
 
考緊試既時侯你唔可以離開個位，常識。只要我一離開個位去執番份卷一樣仆街，就算我開能力去執，我既動作只係快左，但唔係快到睇唔到。
 
而且我扔出去既動作，我相信任Sir一定全程睇晒，就算我執番，佢依然會知道我有做過依樣野。
 
Fine.
 
考試係容許你跌試卷，但係當你渣巢左份卷果陣，你又有乜好解釋呢？
 
任sir執起我份卷之後，行埋黎我隔離同我講：「劉同學，你跟我出一出黎。」
此Post已完。